O noso Club de Teatro do colexio quere amosar ás familias o seu traballo. E para iso puxéronse en acción, distribuíron o tempo e... que mellor que os martes pola tarde, que é cando hai titorías, para representar as obras para as familias que o desexen! Pois logo 3 martes do mes de maio: día 7, Club de Teatro de 5º nivel; día 14, Club de Teatro de 4º nivel e día 21, Club de teatro de 3º nivel. 

E se é solidario mellor que mellor! Así que postos en contacto con Servizos Sociais do Concello, farase ao mesmo tempo, recollida de alimentos para as persoas necesitadas do Oroso.

 COMEZAMOOOOS! Primeira obra do Club de Teatro de 5º: "Unha clase imposible"

Recreos de teatro, foron moitos e moi divertidos. Estamos moi orgullosas de todos os grupos, estes nenos e nenas

foron creativos, colaboradores, traballadores incansables, solidarios. Non hai palabras para describir a ilusión e ganas que

puxeron en cada obra. Gracias pequenos actores e actrices!

No mes das nosas Letras, o alumnado do obradoiro de teatro vainos agasallar coa representación das obras que estiveron a preparar durante o curso.  Serán tres martes, con dúas sesións de diferentes grupos por día. O obxectivo, ademais de mostrar ás familias o noso modesto traballo, é solidario. Pedímoslle ás familias que nos traian un alimento para doar ao Banco de Alimentos para a xente necesitada. Ao mesmo tempo dende a Biblioteca promovemos un Mercado Solidario coa mesma finalidade. Quen o desexe poderá levar un libro a cambio dun alimento. 

Comezamos.... PRIMEIRAS SESIÓNS: 3º e 4º. GRAZAS POR VIR VERNOS!

No día de hoxe fíxose entrega dos galardóns do concurso que organiza o concello de Oroso "Escribe unha carta a ...", para promocionar o Camiño Inglés. Este ano o personaxe histórico que peregrinou a Compostela en 1473 e 1483 e ao que se lle escribiu a carta, foi o irlandés James Rice. A gañadora do 1º premio do noso colexio foi Iria Beiroa Sánchez e o 2º premio recaeu en Enma Pazos Villa, ámbalas dúas de 6º C. Como en cada edición posteriormente procedeuse a descubrir unha placa en recordo deste ilustre personaxe no Paseo do Peregrino.

PARABÉNS para Iria e Enma polo seu traballo!

O luns o alumnado de 6º tivo unha visita especial! Cando chegaron ao salón de actos estaba Berta Dávila, autora de "Demetrio Demoscopio perdeu a chispa" esperando para falar con eles do libro, de como e cando comezou a escribir, dos seus libros... O máis importante foi que descubrimos que é a chispa, que é algo diferente para cada un de nós, iso que nos fai emocionar. O encontro rematou coa firma de libros. Esperamos volver a verte pronto cunha nova aventura. 

Ensaios  do club de teatro de 3º. Recreos distintos e divertidos.

Primeira e segunda sesión de "Invisible " de Eloy Moreno, un libro co que o tempo pasa voando. Na próxima publicación ensinarémosvos os gardiáns e superheroes que estamos a facer.

Hoxe o alumnado de 1º e 2º asistimos a unha sesión de Contacontos na que nós fomos os protagonistas. Foi no salón de actos do colexio e pasámolo xenial.

Today it's Friday! let's sing in Break Time!