Hoxe, o grupo de teatro de 6º fíxonos reflexionar sobre a Violencia de Xénero, cunha adaptación da Historia de Pepe e Pepa. Así, partindo de 

    imaxinarias situacións de parella abordáronse  cuestións como: a confianza, os celos, o control, a liberdade...E para rematar cantaron

   "Eu só quero bailar". Deixámosvos  unhas imaxes da representación e un vídeo da canción.

Este venres 28 de outubro celebramos a festa do magosto. A xornada comezou coa degustación de castañas asadas que nos preparou o castañeiro Bieito. Os primeiros en probalas foron os nenos e nenas de infantil e despois pasaron o resto de grupos de Primaria. Mentres uns comían castañas, outros participaban nos xogos tradicionais organizados no pavillón.

Na mesma xornada tivo lugar a entrega de premios do concurso de Samaín. O alumnado premiado  polas mellores cabazas, contos  e decoración de portas, foi agasallado cun conto.

           Parabéns para todos os que participaron e para os premiados/as!                                          

Seguimos cos venres de karaoke en inglés para disfrutar cantando, ao mesmo tempo que melloramos a nosa pronunciación e léxico en inglés. Desta volta, foron os maiores do cole os que pasaron pola aula de inglés no recreo e, micrófono en man, deleitáronnos cos seus temas favoritos.

ONTE ESCOITARON OS CONTOS DO SAMAÍN O ALUMNADO DE TERCEIRO E HOXE FORON OS DE 4º E 5º OS QUE GOZARON COS

TERRORÍFICOS CONTOS DOS COMPAÑEIROS DE 5º E 6º.

COMEZA A SEMANA DO SAMAÍN COA LECTURA DE CONTOS  DE TREBOADA. HOXE TIVEMOS A PRIMEIRA SESIÓN PARA 1º E 2º.

Sempre é bonito compartir, e máis se é un libro. Hoxe comezou o proxecto "lecturas compartidas" na biblioteca, será os martes e xoves no recreo. O alumnado de 4º,5º e 6º de Primaria leralles contos aos seus compañeiros de 1º,2º,3º e infantil. 

Este curso retomamos o proxecto "Let's Sing A Song" no que cada venres, durante o recreo, podemos cantar as nosas cancións favoritas en inglés.  Os primeiros en cantar foron os rapaces do 1º e 2º ciclo de Primaria.