Animación á lectura
Lectura con familias
O día 23 de abril Migallas Teatro realizou na biblioteca unha función do espectáculo “Cantacontos”, destinado ao alumnado de Educación Infantil.
Migallas Teatro entregou o agasallo de Nica ao mellor lector de Educación Infantil: Xoel Bouzas Fernández de 5ºA.
MIGALLAS CANTACONTOS
23/04/2024 17:00
23/04/2024 18:00
O vindeiro martes 23 de abril, a biblioteca do CEIPP de Sigüeiro acolle o espectáculo "Cantacontos" de Migallas Teatro dentro do programa "Lectura con Familias". A actuación será de 17:00 a 18:00 e está destinada ao alumnado de Educación Infantil.
Vide celebrar o Día do Libro cos contos, cancións e música de Migallas!
OS NENOS E NENAS DE 4º A INFANTIL ESCRIBEN UN CONTO PARA O DÍA DE ROSALÍA.
" A FLOR", así se titula o conto que escribiron os nenos e nenas de 4º A de Infantil, todo feito por eles e a súas mestras, eles foron
inventando a historia e despois ilustrárona. Clicade na imaxe para velo. Parabéns!
O MEU CÓMIC FAVORITO
Nesta actividade, o alumnado de Primaria trouxo unha foto recomendando un cómic. Coas fotos realizouse un mural.
DESEÑO UNHA VIÑETA
Nesta actividade, o alumnado deseñou a súa propia viñeta de cómic. A actividade realizouse durante os recreos na biblioteca, do 11 ao 15 de marzo.
Coas viñetas realizáronse murais que están expostos en diferentes lugares de paso do cole.
A NOSA ESCRITORA!
Hoxe estivo no colexio Andrea García Martínez, autora do libro "Animais fantásticos de aldea". Fíxonos moita ilusión porque ademais de gustarnos moito o seu libro, que ela mesma ilustrou, é de Sigüeiro e de nena foi alumna do noso colexio. Explicounos que é posible conseguir o que nos propoñemos se o perseguimos con empeño, ela conseguiu que lle publicasen as súas fántasticas historias ainda sendo moi noviña. Gracias a Andrea pola súa amabilidade e a Xerais.
MOCHILAS VIAXEIRAS
O venres, 17 de novembro, comezamos unha nova viaxe de aventuras a través de libros, revistas, xogos…para compartir en familia.
BOA VIAXE!
HORTOCOLIÑA SETEMBRO - OUTUBRO
Aínda que nos atrasamos un pouco, por fin saíu a nosa revista Hortocoliña. Esperamos que sigades
enviandonos noticias. Gracias por colaborar!
Como xa sabedes para poder lela só tedes que clicar na imaxe.
ENTREGA DE PREMIOS DE SAMAÍN
Este martes 31 de outubro, celebramos o Samaín, as clases estaban
invadidas de vampiros, bruxas, aliens,... E despois do recreo,
fixemos a entrega de premios as mellores portas de Infantil
e Primaria, as mellores cabazas de cada ciclo, e aos mellores contos
das "Olimpiadas do terror". Gracias por participar !
