Animación á lectura

Madriñas e Padriños Lectores

 Un curso máis as alumnas e alumnos de primaria exerceron como madriñas e padriños lectores dos máis pequenos, poñéndolle voz ós seus contos favoritos, e compartindo unha sesión de lectura cargada de significatividade e diversión.

Isto si son boas prácticas lectoras!

 

 

Enlace ó álbum

Pep Bruno tamén nos manda un saúdo

Ademáis de Antonio García Teijeiro, Pep Bruno, o ilustrador de Pétala ou de A noite das mudanzas entre outros tamén se lembrou do CEIP de Sigüeiro e escribiunos a súa dedicatoria. Moitas gracias por darlle forma e cor aos contos que tanto nos gustan aos rapaces e rapazas de Sigüeiro.

 

Dedicatoria de Antonio García Teijeiro

Antonio García Teijeiro, Premio Nacional de Literatura Infantil e Xuvenil 2017 pola súa obra Poemar o mar, participaba hoxe nos Encontros Plan de Mellora de Bibliotecas Escolares. Dende alí, deixábanos un agasallo en forma de dedicatoria a todos os nenos e nenas do CEIP de Sigüeiro.

 Moitas grazas Antonio pola dedicatoria e, sobre todo, por escribir na nosa lingua unha poesía que gusta tanto aos nosos rapaces e aos non tan nenos.

Tentaremos seguir o teu consello e encher de poesía o mar dos nosos soños.

Rosa Aneiros visita o noso cole

Hoxe recibimos unha visita moi especial no noso cole, a de Rosa Aneiros, autora do libro A batalla da pequena Chañan Curi Coca, que estivemos lendo os/as alumnos/as de 4º de primaria.

Contounos que para escribir o libro se inspirou nunha historia real dun desafiuzamento, ao que sumou personaxes da guerreira inca Chañan, historia que coñeceu nunha viaxe a Perú. 

Fixémoslle moitas preguntas e asinounos o seu libro. Podedes ver as fotos no seguinte álbum:

Álbum: Curso 2017 - 2018 -> Rosa Aneiros

CartasEmocionantes

"A alegría ía, ía,

cando ti rías.

A tristeza eza, eza,

cando chores con franqueza.

A rabia abia, abia,

cando a túa cara cambia.

O medo edo, edo,

se te encondes tralos dedos.

A calma alma, alma,

cando saltas e das palmas.

E o amor mor, mor,

se nos abrazamos nos."

"Un Monstro de Cores" (adaptación)

 

As emoción agardan por nós en cada recanto, e iso sábeo ben o noso alumnado.

E se non, mirade a cantidade de sentimentos e sensacións que decidiron compartir.

 

Accede ó álbum "Cartas Emocionantes" e emociónate con nós.

 Canto traballo vai ter Nica para repartilas todas!

 

 

AbrideAFiestra

 Para celebrar o Día de Rosalía xunto coa Asociación de Escritoras e Escritores en Lingua Galega

pedimos que as familias enviasen fotos con poemas ou imaxes. Xa nos están a chegar as primeiras.

Preme na imaxe para velas todas ou visita a nosa galería.

MOCHILAS A VIAXAR!

 

Xa están listas as MOCHILAS VIAXEIRAS, comezamos unha nova viaxe.

A partir de mañán, e como levamos facendo os últimos cursos dentro das actividades de fomento e dinamización da biblioteca do centro, cada aula contará cunha recompilación de materiais gráficos e audiovisuais que o seu alumnado poderá levar á casa para gozar, xunto coa súa familia de.... 

ese conto que tanto nos gustou,

ese libro de poemas que ten palabras fermosas,

as imaxes dun álbum que tanto me abraiaron,

esa música que fai bailar ás pedras,

unha película,

un libro que fala do tema que andamos a estudar....

 

Se tedes algunha dúbida sobre o seu funcionamento non vos preocupes, porque Nica pensa en todo.

Cada mochila vai acompañada de toda a información precisa sobre o seu funcionamento.

"Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura".

CONTA CONTOS DE MAIO

As xornadas de Conta Contos dos mércores están a ser todo un éxito.... 

Este mércores, tres alumnas de 6º narraron as historias de "Toribio" facendo un percorrido literario e literal polos seus inventos. Pasamos un rato ben divertido.

Parabéns para elas!

TORIBIO CHEGA AO NOSO CENTRO......POR PEDRO BRANDARIZ

Toribio é un neno de oito anos cun enxeño fóra do común que desfruta inventando todo tipo de artiluxos imposibles. Xunto a él, e da man do seu creador Carlos Casares, viaxaremos sen tregua polo mundo da fantasía.

Carlos Casares creou esta saga nos anos 90, adiantándose así ao fenómeno que este estilo de  literarura infantil causa na actualidade.

Hoxe, o alumnado do centro puido disfrutar da presentación deste personaxe de xeito lúdico da man de Pedro Brandariz, divertido contacontos que encheu a nosa xornada de cor e risas.

COS NOSOS CONTOS

A nosa Nica é moi presumida, xa sabedes canto lle gusta ir deixando polos recunchos do cole as súas fotos nas que, iso si, sempre sae lendo, porque xa sabedes que é algo que lle encaaantaaaa!.

Así que...cavilando.....chegou a unha conclusión.....

Por que vou encher todo coas miñas fotos lendo, se aquí hai moitísimos nenos e nenas os que lles encanta ler?