Entre as actividades propostas durante este ano polo Concello de Oroso para continuar a promocionar o Camiño Inglés, convocouse a 3ª edición do concurso escolar sobre o Camiño Inglés, no que se convidaba ó alumnado de 5º e 6º de educación primaria dos centros educativos do Concello, a escribirlle unha carta ás personaxes destacadas que percorreron a ruta ó longo dos séculos.

Neste curso a carta do alumnado ía dirixida ó herdeiro do ducado da Toscana, Cosme III de Médici, o que precisaba dotes de investigación para empaparse da personaxe antes de afiar o lapis e dotar a misiva de expresividade e emoción.

Isto foi o que fixeron as alumnas Xiana Rodríguez  (6º B) e Noa Ratón (6ºA) acadando o 1º e 2º premio respectivamente, e que recibiron onte na VI Gala da Cultura no Centro Sociocultural "Fernando Casas e Novoa" da man do concelleiro Eduardo Veiras.

Parabéns ás dúas.

A verdadeira aprendizaxe, a que perdura na memoria, é aquela que se constrúe facendo a partir da experiencia propia, que está dotada de significado e vinculada coas emocións, que estimula a capacidade de investigar, que favorece a colaboración e a autoxestión da aprendizaxe por parte do alumnado e que desenvolve comportamentos responsables, colaborativos e de traballo en equipo.

Exemplo de isto é a actividade desenvolvida hoxe no noso centro, "A Feira do Tempo". Coa implicación de todo o profesorado e alumnado, amosando o gran traballo realizado ó longo do curso a través do seu particular percorrido dende a Prehistoria ata ó Modernismo, sen esquecer a Cultura Clásica, a magnificencia do Antigo Exipto ou as construcións Medievais. Unha festa chea de obradoiros, presentacións, xogos, vídeos..... onde todo vale para aprender xogando e xogar aprendendo todos/as xuntos/as.

Visita a galería para ver máis

Emprendemos unha nova viaxe polo mundo das palabras.

Como en toda viaxe, precisamos unha mochila na que levar o necesario. Por iso Nica, xa ten todo preparado para que, unha vez máis, podamos vivir un sinfin de aventuras, emocións e ratos inolvidables en familia. Este curso, ademais dos libros apaixoantes, tamén atoparemos xogos para estimular o enxeño e poñer a proba a nosa creatividade.

Con cada libro que abrimos iniciamos unha nova viaxe. 

Apúntaste?

Dentro das actividades a desenvolver con motivo da celebración do día das Letras Galegas, o alumnado do noso centro participa esta semana nunhas xornadas de convivencia cos compañeiros e compañeiras do CEIP Camiño Inglés, nas que gozarán da literatura de María Victoria Moreno á beira do río Carboeiro. Máis fotos clicando na imaxe:

Como cada curso o alumnado do noso cole celebra o "Día do Libro", e que mellor xeito de facelo que lendo. E ó grande! Cunha lectura ininterrompida na bilbioteca durante toda a xornada escolar, na que participou o noso alumnado, e para a que seleccionamos un clásico da nosa literatura adaptado ó noso alumnado, "As Aventuras de Don Quixote".

(enlace ó álbum)

 Un curso máis as alumnas e alumnos de primaria exerceron como madriñas e padriños lectores dos máis pequenos, poñéndolle voz ós seus contos favoritos, e compartindo unha sesión de lectura cargada de significatividade e diversión.

Isto si son boas prácticas lectoras!

Enlace ó álbum

Todo un éxito esta xornada de Intercambio Solidario! 

Ata a climatoloxía quixo contribuir coa súa mellor cara agasallándonos cun ceo azul e un enorme Sol.

Moitos foron os nenos e nenas que se achegaron ó centro acompañados das súas familias e cargados, non só de alimentos, se non tamén dunha gran ilusión que podiamos ver reflexada nos seus rostros. 

Porque  Xenerosidade e Solidariedade forman parte desas palabras con maiúscula que deben ter un lugar destacado na nosa escola  para transformarse neses aprendizaxes competencias imprescincibles para a vida.

Graciñas Familias! Porque isto non sería posible sen vós.

Todos aqueles/as que non puidestes achegarvos non vos preocupedes, porque este sábado repetimos de 11:30 a 13:30 na Praza do Concello.

Rir, gozar, imaxinar, compartir, debuxar, crear,.....son verbas que asociamos coa lectura de historias posibles ou fantásticas que nos transportan no tempo e no espazo a aquelas realidades coas que nos gusta soñar.

Por iso na biblioteca andamos a renovar os nosos fondos na procura de novas aventuras.

Pero pensamos que un libro ten tantas vidas coma  lectores e se esa nova vida podemos darlla a  través dunha actividade solidaria é outra desas boas historias para compartir entre todos/as.

Este martes 17 e o sábado 21, intercambiaremos con todos/as vós "Libros por Alimentos". O recollido entregarase ós servizos sociais do Concello de Oroso, quen colabora con nós na súa xestión.

Hai unha historia agardando por vós! 

E o primeiro reto xa está aqui!

Onde está Nica? Desapareceu da biblioteca sen que ninguén se decatara e non sabemos que pasou.

No seu lugar, apareceu unha nota e unhas fotos para que, entre todos, descifremos o misterio.

E o noso alumnado púxose a investigar sen demora.....

Durante estos días, e ata o vindeiro venres 17, data na que se desvelará este primeiro misterio, analizarán unha serie de imaxes que Nica vai mandando dende o seu lugar de destino.

E algúns parece que xa atoparon a solución.

Estade atentos as mensaxes de Nica

Por fin Nica desvelou o segredo mellor gardado deste novo curso, o novo proxecto de biblioteca.

"Maxia + Fantasía = Mitoloxía" pretende achegarnos desde o universo da literatura de ficción, ó marabilloso mundo dos mitos, rebosante de historias imposibles cheas de elementos sobrenaturais. Onde habitan innumerables seres fantásticos. Formúlanse un sinfín de conxuros máxicos. Relatánse lendas de aquí e de acolá. E onde mortais e deuses comparten aventuras.

E arrancamos o proxecto centrados na maxia como eixe motivador, a través dun personaxe literario moi vinculado co tema que, como todos e todas descubriron, é Harry Potter.

Sorteo das casa na biblioteca co Sombreiro Seleccionador

Despois do sorteo, o alumnado de E. Infantil desenvolveu diferentes actividades para achegarse a este mundo máxico; lendo a carta de admisión á escola de Howards, comprobando o seu billete de tren, compartindo graxeas de tódolos sabores e mesmo maquillándose como o protagonista da historia.

Clicade na foto para ver que ven o pasaron!

Así que por un tempo, o noso centro vai converterse en Howards, e cada ciclo pertencerá a unha das súas casas desde onde, e a través dun traballo de equipo, irán superando unha serie de misterios e retos.

E o primerio está a piques de chegar