CEIP Plurilingüe de Sigüeiro

E se comezamos o mes de maio coa colocación dun ramilliño de xesta nas nosas portas, chegou agora, que o tempo nolo permitiu, o momento da elaboración de dous MAIOS, un por etapa, Infantil e Primaria. Comezamos colocando as ramas verdes e rematamos coas flores. Quedaron moi chulos!

Trasladámolos a pista de deportes e bailamos arredor deles cantando as nosas coplas. Foi moi divertido!

O mércores 8 de maio puxemos punto e final ao proxecto "Dos Orillas". Conectámonos por videochamada cos nosos socios americanos do colexio Royal Palm Elementary en Miami para despedirnos, pois eles rematan xa o curso e van disfrutar dun merecido descanso. Pero non pensedes que teñen máis vacacións ca nós, pois en agosto tócalles comezar de novo!

Despois duns videos de despedida e agradecemento, preparamos uns bailes tradicionais e unha pequena merenda. Nós fixemos unha coreografía country coa música de Cotton Eye Joe e probamos os típicos sandwiches de manteiga de cacahuete e marmelada. Pola súa banda, en Miami bailaron a Macarena e degustaron tortilla. 

A valoración do proxecto por parte de alumnado e profesorado foi moi positiva. Acadáronse todos os obxectivos propostos xa que aprendemos un montón de cousas sobre a cultura, a xeografía, a historia, as tradicións e, sobre todo, as linguas do outro lado do Atlántico. Pero o máis importante é que fixemos amigos/as a máis de 6.500 Qm de distancia. Así que, quen sabe? Igual o punto e final se converte nun punto e... seguido!

As artes marciais son deporte olímpico dende Sydney 2000, aínda que algunhas como o taekwondo xa tiveran presencia como deporte de exhibición en Seúl 1988 e Barcelona 1992. Os nenos e nenas de 3º de Primaria fálanvos neste video destas prácticas e tradicións centenarias.

O noso Club de Teatro do colexio quere amosar ás familias o seu traballo. E para iso puxéronse en acción, distribuíron o tempo e... que mellor que os martes pola tarde, que é cando hai titorías, para representar as obras para as familias que o desexen! Pois logo 3 martes do mes de maio: día 7, Club de Teatro de 5º nivel; día 14, Club de Teatro de 4º nivel e día 21, Club de teatro de 3º nivel. 

E se é solidario mellor que mellor! Así que postos en contacto con Servizos Sociais do Concello, farase ao mesmo tempo, recollida de alimentos para as persoas necesitadas do Oroso.

 COMEZAMOOOOS! Primeira obra do Club de Teatro de 5º: "Unha clase imposible"

Despedimos o inverno, damos a benvida á primavera e celebramos o esplendor da natureza. As mil cores da primavera! Paisaxes verdes intensos, prados tinguidos de amarelo e branco das margaridas, froiteiras en flor, amarelo das xestas, rosa, violeta...

Comeza o mes de MAIO! Temos que celebrar que a primavera xa está no seu apoxeo, temos moitas horas de luz e foise a escuridade do inverno. Veñen as bolboretas e canta o cuco!

No CEIP Plurilingüe de Sigüeiro lembramos unha tradición moi arraigada en certas zonas de Galicia, todo o alumnado levará un ramalliño de xesta para a casa para afastar o mal de ollo, a mala sorte e o meigallo.

Queredes coñecer outro deporte olímpico? Pois os nenos e nenas de 2º de Primaria fálanvos neste video sobre o tenis, un deporte que se disputou de xeito esporádico ao longo da historia dos Xogos Olímpicos. Aínda que formou parte do programa da primeira olimpiada moderna en Atenas 1896, posteriormente foi retirado e non sería ata Seúl 1988 cando se volveu reincorporar definitivamente. Non perdades detalle do que nos contan os compañeiros de 2º.

O pasado venres, 26 de abril, os alumnos e alumnas de 6º de Primaria desprazáronse ata a Cidade da Cultura para asistir ao Congreso de Innovación na Formación Profesional "FP Innova".

Alí exploraron e interactuaron cos diferentes stands de emprendemento e innovación nos que o alumnado dos diferentes ciclos formativos e os seus profes lles explicaban o que debían facer.

Algúns dos espazos que máis gustaron foron o "drone soccer" ou futbol con drons, a gastroaula na que puideron elaborar diferentes pratos así como degustalos, o futbolín robótico ou o simulador de realidade virtual para emerxencias hospitalarias.

O día 23 de abril Migallas Teatro realizou na biblioteca unha función do espectáculo “Cantacontos”, destinado ao alumnado de Educación Infantil.

Migallas Teatro entregou o agasallo de Nica ao mellor lector de Educación Infantil: Xoel Bouzas Fernández de 5ºA.

This week, we celebrated World Book Day with a storytelling in the playground. First graders listened to "Polar bear, polar bear, what do you hear?" in the voice of our language assistant Chloe. We used the big blackboard in the playground to write the names of the animals in the story.

Esta semana, celebramos o Día do Libro cun contacontos no patio. Os de 1º escoitaron o conto "Polar bear, polar bear, what do you hear?" na voz da nosa auxiliar de conversa Chloe. Usamos a gran pizarra do patio para escribir os nomes dos animais da historia.

Then, divided in groups, we read more books about animals, drew them and wrote their names in small blackboards and played "What's the time Mr. Wolf?" moving like the different animals do. A great day out enjoying English and books!

Despois, divididos en grupos, lemos máis libros sobre animais, debuxámolos e escribimos o seu nome en pequenas pizarras e xogamos a "What's the time Mr. Wolf?" movéndonos como fan os diferentes animais. Un gran día gozando co inglés e cos libros!