O pasado venres, 26 de abril, os alumnos e alumnas de 6º de Primaria desprazáronse ata a Cidade da Cultura para asistir ao Congreso de Innovación na Formación Profesional "FP Innova".

Alí exploraron e interactuaron cos diferentes stands de emprendemento e innovación nos que o alumnado dos diferentes ciclos formativos e os seus profes lles explicaban o que debían facer.

Algúns dos espazos que máis gustaron foron o "drone soccer" ou futbol con drons, a gastroaula na que puideron elaborar diferentes pratos así como degustalos, o futbolín robótico ou o simulador de realidade virtual para emerxencias hospitalarias.

O alumnado clasificado na 1ª fase da proba de atletismo campo a través, desprazouse hoxe ata Porto do Son para particiar na Fase provincial. Foi unha xornada emocionante na que non acadamos premios pero obtivemos moi bos resultados. Parabéns aos nenos e nenas participantes, que o fixeron moi ben!

Hoxe o alumnado de 2º e 3º de Primaria asistiu a un espectáculo de maxia promovido polo concello. Foi na alameda de Gois e pasárono xenial. 

O alumnado de 5º e 6º participou, nesta última semana de febreiro, nun obradoiro que nos achegou Augas de Galicia, no que se abordou a temática das inundacións. Reflexionouse sobre os riscos e consecuencias; efectos negativos e positivos dun fenómeno natural e necesario.

O 8 de marzo é unha data especial para as mulleres, por un día son as protagonistas. É un día de reivindicación e de recoñecemento da súa valía que tantas veces ao longo da historia e aínda hoxe pasa desapercibida. No DÍA INTERNACIONAL DA MULLER, no noso colexio fixemos múltiples actividades para reflexionar sobre a igualdade e poñer en valor o traballo da muller. O noso desexo é que esta celebración non quede só nun día senón que se estenda a todo o ano.

MULLERES OLÍMPICAS e como non, entre elas a nosa ANA PELETEIRO!

Ademais de gravar pequenos vídeos sobre elas e o deporte no que destacan, plasmámolas neste mural. 

 "CONTOS PARA IGUAIS" e "QUE QUERES SER DE MAIOR?" 

Dende o concello achegáronnos un Contacontos para os peques de 4 anos e un obradoiro para o alumnado de 3º. Sempre é bo que nos conviden a reflexionar e a observar a nosa historia e o noso entorno, para darnos conta de que a miúdo vemos como normais comportamentos que en realidade non o son tanto. Fixéronnos entender que debemos agradecer e valorar os logros que se acadaron ata o momento e por último debuxamos e falamos do que queremos ser de maiores.

"EDUCACIÓN EN VALORES, A IGUALDADE" 

Dende a ONG "Mestura" achegáronnos para o alumnado de 4º un obradoiro moi interesante e divertido. Reflexionamos sobre certos comportamentos diarios, sobre unha serie de valores (fotaleza, valentía, intelixencia, amabilidade, sensibilidade, empatía...) e tamén falamos dos traballos que nos gustaría desempeñar de maiores.

Este mércores o alumnado de 5º e 6º viaxou a cidade da Coruña para visitar a Torre de Hércules e o Museo Nacional da Ciencia e Tecnoloxía

(MUNCYT). Neste último puideron ver, entre outras cousas, parte do avión que trouxo o Guernica a España, o Jumbo  Lope de Vega. Para

rematar fixeron un taller de Biodiversidade e Bioluminiscencia. Foi unha mañá moi aproveitada. 

O alumnado de 3º de Primaria pasouno en grande na DOMUS e no MUNCYT da Coruña. Algo que lles chamou a atención foi a cabina do Boeing 747 “Lope de Vega”, o avión que trouxo o "Guernica" a España ou o primeiro ordenador. Impresionante!

Despois dunha semana de bromas e moitas risas chegou o Día Grande do Entroido!

A choiva fixo que tiveramos que alterar a programación prevista e así non puidemos facer o desfile cos outros coles polas Rúas e Alameda de Sigüeiro. Trasladamos o desfile ao pavillón e acompañáronnos as familias. Como nos divertimos! Hai que dicir que tamén pasamos algo de nervios porque eso de desfilar diante das familias danos certa angustia. A temática deste curso AS OLIMPIADAS, deunos pé para versionar os disfraces de cada nivel, que estiveron relacionados cos deportes. Dende a natación ata o monopatinaxe, pasando por atletismo, ciclismo, tenis, artes marciais... 

Hoxe é o día grande da celebración do Nadal no colexio! Se antonte os nenos e nenas de 5º visitaron a residencia de maiores de Porto Avieira para facerlle representacións e cantarlle panxoliñas e onte se fixo o Festival de Nadal no salón de actos para o alumnado de Infantil, 1º e 2º, hoxe é o día máis grande. Rematamos o trimestre e celebramos o Nadal con múltiples actividades. Empezamos a mañá recibindo a Melgasar, o carteiro real, que sempre nos visita neste día grazas á colaboración da ANPA. Con el puideron falar e entregarlle as cartas todo o alumnado de Infantil, 1º e 2º. 

A continuación na sala de Psico asistimos á representación do conto "Onde está Larry?" de Teatro Calavera. Foi moi divertido.

E mentres tanto no salón de actos, máis teatro, neste caso para o alumnado de 2º e 3º ciclo. Trémola Teatro ofreceunos "As aventuras de Didi". Rimos a escachadas e pasámolo en grande!

E para rematar Festival de Nadal con actuacións do noso alumnado; teatro, panxoliñas... Estivo xenial!

E chega o Nadal! Así de bonita loce a nosa entrada, OS REIS MAGOS NAS OLIMPIADAS!!!