Remata o curso e chegan as excursións para celebralo. Esta vez fomos a Pobo Aventura en Teixeiro (Curtis). Pasámolo xenial.

Hoxe, dentro das actividades organizadas para a celebración das Letras Galegas, os alumnos do Club de Teatro de 2º A e B, representaron diante das súas familias dúas obras "A pelexa das cores" e "A bruxa Regañadentes". O evento tivo lugar no salón de actos do colexio e ten un fin solidario recaudar alimentos non perecedeiros para o Banco de Alimentos de Santiago(Balrial). Estes pequenos actores e atrices mostraron a súa paixón e talento nas obras que prepararon con esmero, nos recreos, ao longo do curso. Foron merecedores dos aplausos das súas familias, compañeiros e profesorado. Arte e solidaridade da man para axudar aos que máis o precisan. Ao mesmo tempo a Biblioteca segue co seu mercadiño solidario de libros, un libro un alimento.

O xoves 18 e venres 19, o alumnado de 6º de Primaria xunto coas súas titoras participaron na actividade de "Intercambio

cultural"  polo Courel e a Ribeira Sacra, dentro do Proxecto Terra. Foron dous día moi aproveitados. O primeiro día, pola

mañá, visitamos os Museos Etnográfico e Xeolóxico de Quiroga, pola tarde o Castro da Torre e rematamos o día cun

roteiro ata aldea de Seceda. O segundo día gozamos do Val das Mouras, da Albariza da Granxa de Santa Eufemia e das

fermosas vistas do Mirador de Campodola. Xa pola tarde fixemos un percorrido en catamarán polos canóns do Sil.

Foi unha aventura moi agradable e interesante, temos que agradecer o bo facer dos monitores Guille e Iván e de Sabela,

coordinadora do Proxecto.

 Castro da Torre de Sobredo

Despois de diversas actividades levadas a cabo, dende o comezo do mes de maio, para homenaxear a lingua galega, chegou o DÍA GRANDE DAS NOSAS LETRAS! 

Comezamos a mañá cun alfareiro de Buño. Ensinounos moitas cousas sobre o barro e os utensilios que se empregan para elaborar as diferentes pezas. Estivo traballando e despois puidemos ser nós os protagonistas. Que interesante!

Xa despois do recreo levouse a cabo o acto principal no patio. Comezamos co baile que todo o alumnado do cole estivo preparando ao longo do mes "O pesiño" de Leilía. Todos a bailar uns puntos de muñeira!

A continuación, xa sentados nas gradas, completamos o crebacabezas de Francisco Fernández Del Riego, mentres aprendemos interesantes informacións del.

Despois tivo lugar a entrega de premios do concurso das Letras Galegas.

De seguido puidemos disfrutar da canción "Lela" interpretada pola gran alumna Alicia, o baile de muiñeira do alumnado de Lembranzas do Tambre e para rematar, bailamos todos xuntos. Unha gran xornada. Pero non se acaban aquí as actividades das Letras, seguiremos interpretando as obras de teatro para as familias ao longo do mes e visitaremos a Residencia de Porto Avieira.

Hoxe, 5 de maio, celebramos a Festa dos Maios no cole. Xa comezamos onte a elaboración de dous maios, un para Infantil e 1º e outro para o resto de Primaria. Foi sorprendente ver como as estructuras de madeira se iban cubrindo de ramas verdes e de flores e tornándose cada vez máis bonitas. Todo unha explosión de Primavera. Xa no día de hoxe trasladámolos á pista e cantamos as coplas á vez que xiramos arredor deles. Foi moi divertido!

Hoxe estivo no colexio, grazas á editorial Edelvives, o mago VÍCTOR NOIR. Da súa man puidemos viaxar a un mundo de fantasía e ilusión. Pasámolo xenial!

Hoxe, día 17 de marzo, o noso alumnado clasificado na 2ª fase de Atletismo Campo a Través, dentro do Programa Xogade, participou na Fase Provincial do Campionato nas instalacións do Club de Campo de Ferrol, obtendo moi bos resultados. Acadamos un 3º posto da provincia por equipos e obtivemos un 4º posto individual de Claudia Dono. PARABÉNS para o alumnado e o profesorado organizador! 

Hoxe XORNADA DE XOGOS TRADICIONAIS!!! Que ben o pasamos. Grazas á Asociacion Sociocultural Enredos.