Este venres, 1 de decembro, trasladámonos hasta a área recreativa da Madalena en Castrofeito, O Pino, para participar na Fasa Zonal Escolar de Cross. Fomos uns sesenta nenos e nenas que o pasamos xenial!

Competimos cun montón de colexios e acadamos uns moi bos resultados. Fomos campións por equipos en benxamín femenino, benxamín masculino e alevín femenino. E como individuais Mateo Rosende quedou de 1º na súa categoría, Alejandra Cebreiro de 2ª na súa e Xiana Reboredo de 3ª. Non podía estar mellor!!!

Despois de correr, un chocolatiño quente, que por certo estaba boísimo, e a recoller os premios!

E volta para o cole mais contentos que un cuco cos nosos premios!

A Organización de Nacións Unidas ten institucionalizado cada 25 de novembro como Día internacional da eliminación da violencia contra as mulleres, entendendo por esta, todo acto de violencia baseado na pertenza ao sexo feminino, ou que teña ou poida ter como resultado un dano ou sufrimento físico, sexual, psicolóxico para a muller; así como as ameazas de tales actos, a coacción ou a privación arbitraria da liberdade, tanto se se produce na vida pública como na vida privada.

Hoxe conmemoramos esa data no colexio con diversas actividades. Ao entrar, o alumnado de 5º e 6º asistiu a unha charla no salón de actos, do Plan Director para a convivencia e a mellora da seguridade nos centros educativos. Foi impartida por un garda civil e a temática A violencia contra a muller.

Despois estivemos nun acto no pavillón, co alumnado do instituto e do Camiño Inglés. Tamén estivo presente o Alcalde e a Concelleira de educación. 

Para empezar, todo o alumnado e profesorado do instituto interpretaron unha coreografía dunha canción, con letra adaptada reivindicativa da violencia contra as mulleres. Fantástico baile! Parabéns para o IES de Oroso!

A continuación foron oito rapazas e rapaces do CEIP Plurilingüe do Camiño Inglés os que nos agasallaron cuns lemas que eles mesmos fixeron, rexeitando a violencia contra as mulleres.

E para rematar un minuto de silencio polas mulleres mortas a consecuencia da violencia machista.

Dende o colexio traballaremos hoxe e todos os días do curso para que aprendamos a respectarnos, a ser tolerantes e ter empatía cos demais, e por suposto, para que a violencia non teña cabida de ningunha das maneiras!!!

Aínda que nos atrasamos un pouco, por fin saíu a nosa revista Hortocoliña. Esperamos que sigades

enviandonos noticias. Gracias por colaborar!

Como xa sabedes para poder lela só tedes que clicar na imaxe.

O alumnado de 4º de Primaria participou nun obradoiro STEAM de Arte Pop, empregando imaxes e temas da sociedade do consumo e da comunicación de masas. Levaba por título Non STOP para a arte POP e foi promovido pola Afundación Abanca. Tratouse dun divertido xogo de pistas para coñecer e achegarnos á cultura pop, clave e referencia do mundo do comic, a televisión, o cine e a música. Tivo lugar en Santiago na Sede Afundación.

Hoxe o alumnado de 3º Ciclo asistiu a representación da obra Wombo Combo no Auditorio do Centro Cultural de Sigüeiro invitados polo concello. Nesta peza reflexiónase sobre a vida virtual e a sociedade na adolescencia. A súa protagonista, Sara, ten a sensación de que podería  desaparecer e ningúen se decataría. Ten outra vida na que xoga en liña con ducias de persoas e na que cada vez pasa máis tempo. Deixa de falar, de comer, de durmir... ata que entra nun videoxogo que lle propón retos que debe cumprir na vida real. Paula Carballeira, referente do teatro infantil en galego, é a autora do texto creado para a compañía Galeatro. 

Esta semana o alumnado de 2º Ciclo puido aprender un montón de cousas sobre unha das rutas a Santiago de Compostela. Trátase do Camiño Inglés que ademais pasa polo noso concello e pola vila de Sigüeiro, e que nos últimos anos experimentou un gran auxe aumentando enormemente o número de camiñantes que a través del se dirixen a Santiago. Foi por conta da Asociación de Concellos do Camiño Inglés e co financiamento de Turismo de Galicia para sensibilizar e difundir os valores xacobeos. E nada mellor que aprender xogando, nesta ocasión utilizamos un tableiro cun xogo similar ao tradicional Oca. Que divertido!!!

E chegado novembro castañas asadas comemos!

Hoxe celebramos o MAGOSTO no cole. Foi unha xornada moi divertida: castañas asadas, xogos, zume...

Ao longo desta semana acompañáronnos no centro uns amigos da Empresa Integra, que promove a inclusión sociolaboral de persoas con discapacidade. Durante tres días desenvolveron actividades para o alumnado de 1º e 2º ciclo. O obxectivo sensibilizar sobre a DIVERSIDADE FUNCIONAL.

Os niveis de 1º e 2º traballaron o conto "Por catro esquiniñas de nada". A través del descubriron valores como a amizade, a aceptación, a superación, a autoestima, o respecto ás diferenzas, a diversidade...  e  puideron tomar conciencia das discapacidades.

O alumnado de 3º e 4º niveis estivo vendo e dinamizando o conto "Cro Cro na escola dos  esqueletes". Puido comprobar como as diferencias son moi enriquecedoras e favorecedoras para nós e a nosa contorna. 

 Este martes 31 de outubro, celebramos o Samaín, as clases estaban

invadidas de vampiros, bruxas, aliens,...  E despois do recreo,

fixemos a entrega de premios  as mellores portas de Infantil

e Primaria, as mellores cabazas de cada ciclo, e aos mellores contos

das "Olimpiadas do terror". Gracias por participar !

Álbum: Sen categoría -> Samaín 23

E chegou o SAMAÍN!!! No cole pasámolo de medo!

Ao longo da semana pasada os nenos e nenas máis maiores estivéronnos lendo os contos que eles mesmos inventaron. Canta imaxinación! Trasladáronnos a lugares cheos de fantasía e sobre todo de TERROR! Os mellores contos tiveron un premio.

Tamén estivemos decorando as portas das aulas. Obxectivo: Terror mesturado con Olimpiadas

Por último trouxemos a nosa cabaza decorada coa temática deste curso, OLIMPIADAS. Con elas fixemos unha exposición DE MEDO! Que ben quedaron.

E para rematar, OS PREMIOS! Hoxe no recreo saberemos cales foron os CONTOS, as PORTAS e as CABAZAS seleccionadas.