Plambe

Hoxe, coñecemos arañas ás que non lles gusta tecer e lobos que nos fan rir cos seus "ventos", así o contou Ana Meilán. Esta escritora, visitounos grazas ao programa Lectura e Familias e, sen dúbida, animounos a ler para seguir coñecendo os personaxes dos seus libros.

Graciñas a todas as familias que participastes nesta actividade!!

Daia deixanos unhas recomendacións para estas vacacións...

Preme na imaxe para ampliala.

Un dos obxectivos que pretendemos acadar este curso, a través do PDI de centro sobre desenvolvemento sostible, é REUTILIZAR. Así que hoxe, puxémonos mans á obra.

Grazas á colaboración das familias conseguimos encher o corredor do cole de material de refugallo.

Para que, preguntarédesvos? Pois para crear unha aldea. Si, si! Unha aldea.

Organizámonos en 7 grupos e, dentro de cada un deles, alumnado de todas as idades.

Unha vez tiñan claro o reto: expuxeron ideas, tomaron decisións, organizáronse e crearon. Vaia se crearon! En breve veredes o resultado!!

Sen dúbida, foi un día do máis enriquecedor onde todas e todos se sentiron partícipes, onde os máis maiores do cole orientaron e axudaron aos máis peques, onde todas e todos colaboraron para un obxectivo común, onde se respiraba ilusión, concentración e moita imaxinación, onde (unha vez máis) comprobamos que xuntos somos máis fortes!!!

Veredes dende aquí como traballaron.

Novembro é o mes da ciencia en galego nas bibliotecas... a nosa converteuse en escenario dun montón de experimentos, onde cada curso lle explicou ao resto de compañeiras e compañeiros do cole os seus descubrimentos. Este ano, todos relacionados con enerxías renovables, contaminación e reciclaxe.

Un pasiño máis cara o coñecemento dun xeito de vida máis sostible.

Dende aquí podedes ver máis fotos.