Na aula de inglés, o alumnado de 3ª de primaria estivo a realizar un traballo cooperativo sobre especies en perigo de extinción na nosa comunidade e as paisaxes onde habitan. Do mesmo xeito, buscaron posibles solucións para recuperar estas especies e analizaron que podemos mellorar para coidar o medio e as paisaxes onde viven.
O resultado deste traballo de investigación son uns murais que están expostos no pasillo do cole.
E así de colorido quedou o noso patio! O alumnado participante no Plan Proxecta, profesorado e familias pintaron varias obras do pintor Leandro Lamas nas paredes do cole, onde se aprecian distintas paisaxes, e a ti, cal che gusta máis?
Non deixedes de dar unha voltiña estes días polos xardíns do cole e veredes uns carteis para saber máis sobre algunhas das árbores do cole. Aquí tedes ás nenas e aos nenos de 4 anos e de 3º de primaria colocándoos, encántanos a nosa paisaxe!
Como ven sendo tradicional no cole, o pasado día 16 de maio, achegámonos ata Vilar de Donas para pasar unha xornada de xogo, música e convivencia para conmemorar o Día das Letras Galegas
Aproveitamos a ocasión para construír un maio ben fermoso e florido con elementos naturais que nos ofrece a paisaxe primaveral.
Graciñas a todas as familias pola vosa colaboración aportando flores, laranxas,...