O vindeiro luns, 18 de decembro, na escola de nais e pais trataremos a adición a videoxogos, redes sociais…Nestes días previos, Pilar Porral de Coeduca realiza obradoiros e charlas co alumnado de primaria sobre esta temática.
O longo do día de hoxe, o alumnado do centro seguiu realizando diferentes actividades de sensibilización con motivo do Día Mundial de persoas con discapacidade. Visitaron a Aula sensorial creada para ocasión nun espazo da biblio, escribiron o seu nome en braille, puxéronse na pel dun neno con discapacidade visual...
Grazas ás mestras do Departamento de Orientación do cole por organizar estas actividades tan chulas!
A asociación Down Lugo achegouse ao cole para facer varios obradoiros e commemorar así o Día Internacional das Persoas con Discapacidade.
Reflexionaron sobre a diversidade a través de distintas actividades, o alumnado de infantil a partir do conto "Elmer" e o alumnado de 5º e 6º de educación primaria cun xogo de preguntas.
Conmemoramos o 25N, Día Internacional Contra a Violencia de Xénero.
Na biblioteca do cole, visionamos un vídeo creado polo alumnado de 5º de educación primaria para o III Certame Coreografíate.
Tamén nos mostraron reflexións e impresións sobre o 25N e tras a súa participación nesta actividade.
Posteriormente, xuntámonos no patio co cole co alumnado e profesorado do IES do Camiño para unir forzas ante a loita contra a violencia de xénero, a través da música, lectura dun manifesto e poemas.
Grazas ao alumnado do IES por agasallarnos con eses globos que tinguiron o patio de cor violeta. A nós fíxonos moita ilusión poder entregarlles as pulseiras que estivemos elaborando para este día e que levan por lema: 25N ALTO E CLARO