O xoves 7 de abril parte do alumnado das ensinanzas para adultos asistiu  á  charla impartida por Pilar  López e Severino Rodríguez,  integrantes da asociación Semente Ribeira Sacra.

 Nela informáronnos  da  convocatoria da VIII Edición Concurso de Proxectos Empresariais, certame que naceu alá polo ano 2014 co obxectivo de impulsar a creatividade  en novos proxectos de empresa. Faláronnos, tamén, dos distintos proxectos gañadores de edicións pasadas e  animaron a todo o alumnado que teña unha idea empresarial  a presentarse.

Do 1 de marzo ao 31 de maio estará aberto o prazo de presentación de ideas, a través da web sementeribeirasacra.org.

Na próxima semana realizaránse os exames da convocatoria extraordinaria dos niveis 1 e 3 do Ensino Secundario para persoas adultas.

Para acceder ás datas e horas de ditas probas preme no seguinte arquivo.

Onte xoves 21 de abril publicouse no DOG  a RESOLUCIÓN do 7 de abril de 2022, da Secretaría Xeral de Educación e Formación Profesional, pola que se convocan probas de acceso ás ensinanzas deportivas para o curso 2022/23.

Ten acceso ás ensinanzas deportivas de grao medio o alumnado que cumpra os seguintes requisitos:

a) Dispor do título de graduado en educación secundaria, ou equivalente para os efectos académicos, e superar unha proba específica. Para o acceso ao segundo nivel de grao medio, ter superados os estudos do primeiro nivel na correspondente modalidade ou especialidade deportiva.
b) O alumnado que non dispoña do título de graduado en educación secundaria, ou equivalente para os efectos académicos, deberá ter 17 anos e superar a proba de madureza, ademais da correspondente proba específica.
c) A proba de madureza poderase substituír pola proba de acceso a ciclos formativos de grao medio de formación profesional ou a parte común da proba de acceso aos ciclos formativos de grao superior de formación profesional ou a de artes plásticas e deseño, ou a de acceso á universidade para maiores de 25 anos.

O prazo de inscrición será o comprendido entre o día seguinte ao da publicación da convocatoria no Diario Oficial de Galicia e o día 29 de xuño de 2022.

No IES Río Cabe o próximo curso está previsto impartir o Nivel 1 das ensinanzas de Técnico deportivo en fútbol, polo que calquera alumno/a interesado/a pode obter máis información na Secretaría do centro ou chamando ao teléfono 982828034.

Para máis información preme aquí.

O alumnado do Ciclo de Turismo remata o mes de marzo con dúas intensas xornadas adicadas o románico da Ribeira Sacra lucense.

Na  primeira saída visítase o que fora un antigo mosteiro feminino da orden benedictina, a igrexa de Santa María de Pesqueiras en Chantada; no Saviñao, Santo Estevo de Ribas de Miño, outrora tamén mosteiro e hoxe un dos templos máis destacados da arte románica da Ribeira Sacra; coroando o meandro do Cabo do Mundo, Santa María de Nogueira, ben coñecida polas impresionantes pinturas murais renacentistas que alberga; e para rematar, San Salvador de Asma, mosteiro dúplice de finais do século X do que hoxe queda a igrexa parroquial coas características dos templos románicos da zona, nave única e artesonado de madeira.  

A segunda xornada estivo adicada, na súa maior parte, ó monacato feminino de Pantón, comezando polo mosteiro de San Salvador de Ferreira, único que conserva vida monacal, con igrexa románica, claustro renacentista e outras dependencias barrocas. A continuación visitouse a igrexa de San Fiz de Cangas, pertencente a un antigo mosteiro de monxas benedictinas do que non queda ningún outro vestixio. Igual que no caso anterior, a interesante igrexa de San Miguel de Eiré é o único espazo que se conserva dun conxunto monacal benedictino do século XII.

Rematou a saída coa visita a un exemplo da arte románica compostelá, San Paio de Diomondi. Anexo á igrexa atópase un pazo, residencia de verán dos bispos de Lugo, que ven de convertirse en albergue de peregrinos para o Camiño de Inverno.

Premendo no seguinte enlace poderedes acceder as datas en que se realizarán os exames finais das avaliacións ordinaria e extraordinaria do Bacharelato semipresencial.

O alumnado matriculado en materias de primeiro e segundo que desexe ser avaliado, das materias de primeiro, na avaliación ordinaria de xuño  deberá comunicalo en Xefatura de estudos adultos, antes do 15 de abril.

En caso contrario, as materias de primeiro serán avaliadas en maio coas de segundo.

Os exames finais dos módulos do Nivel 2 Técnico Deportivo Fútbol celebraranse os días 20 e  21 de abril seguindo o horario que aparece a continuación:

Para coñecer en profundidade  o Plan de Sostenibilidade Turística Ribeira Sacra contamos coa presenza, na aula do CS de Guías, información e asistencia turísticas, da xerente do Consorcio de Turismo, Alexandra Seara.

A charla versou sobre as liñas de actuación do Plan: Mobilidade sostible, paisaxe cultural, transformación competitiva, gobernanza colaborativa e produto, marketing e intelixencia turística. 

Unha ponencia interesante e didáctica que se alargou cun coloquio moi participativo por parte de todo o alumnado presente.

Sempre é un pracer contar con profesionales da talla de Alexandra Seara e co seu bo facer para achegar a realidade turística da Ribeira Sacra á aula.

Convócanse os premios extraordinarios de Formación Profesional de grao superior correspondentes ao curso 20/21. Xuntamos  a Orde do 8 de marzo que se publicou no DOG o  pasado luns día 21.

O prazo de presentación de solicitudes será dun mes, contado dende o día seguinte ao da publicación no DOG.

Para máis información https://www.edu.xunta.gal/portal/node/36528

Infórmase da convocatoria de cursos de lingua galega preparatorios das probas para obter os certificados de lingua galega Celga 1, Celga 2, Celga 3 e Celga 4.

O prazo de presentación das solicitudes de inscrición será de 15 días hábiles, que se contarán a partir do día seguinte ao da publicación da resolución no Diario Oficial de Galicia.

Se queres saber máis preme o seguinte enlace:

                                          Resolución 26 xaneiro 22 (DOG 14 febreiro)

Na primeira semana de febreiro, Begoña G. Aguiar visitou a aula de Turismo para achegarnos ao mundo dos petróglifos do suroeste de Lugo, tema sobre o que versou a súa tese doutoral.

A disertación tivo continuación nunha saída de campo polo Concello de Sober na que visitamos os gravados rupestres da Pena do Xestal en Proendos, os da Paxota na parroquia de Bolmente e os da Pena do Lagarto na parroquia de Pinol. 

Resultou unha experiencia moi interesante pola calidade dos recursos e polo ben facer da guía oficial de Turismo e doutora en historia, Begoña G.