Infórmase da convocatoria de cursos de lingua galega preparatorios das probas para obter os certificados de lingua galega Celga 1, Celga 2, Celga 3 e Celga 4.

O prazo de presentación das solicitudes de inscrición será de 15 días hábiles, que se contarán a partir do día seguinte ao da publicación da resolución no Diario Oficial de Galicia.

Se queres saber máis preme o seguinte enlace:

                                          Resolución 26 xaneiro 22 (DOG 14 febreiro)

Na primeira semana de febreiro, Begoña G. Aguiar visitou a aula de Turismo para achegarnos ao mundo dos petróglifos do suroeste de Lugo, tema sobre o que versou a súa tese doutoral.

A disertación tivo continuación nunha saída de campo polo Concello de Sober na que visitamos os gravados rupestres da Pena do Xestal en Proendos, os da Paxota na parroquia de Bolmente e os da Pena do Lagarto na parroquia de Pinol. 

Resultou unha experiencia moi interesante pola calidade dos recursos e polo ben facer da guía oficial de Turismo e doutora en historia, Begoña G.

O próximo luns, día 7 de febreiro, ás 17:50h comezaremos   os Niveis 2 (aula 013) e  Nivel 4 da ESA (aula 004). Podedes descargar o voso horario nos seguintes enlaces:

                             NIVEL 2                          NIVEL 4

Na próxima semana celebraranse os exames finais dos niveis 1 e 3 do ensino secundario para persoas adultas. Premendo no seguinte enlace poderás acceder a toda a información.

As clases dos niveis 2 e 4 comezarán o luns 7 de febreiro nos respectivos horarios.

No DOG do 12 de xaneiro de 2022 podes acceder a Orde do 17 de decembro de 2021 que regula as probas de acceso aos ciclos formativos de Grao Medio e de Grao Superior de Formación Profesional para o ano 2022.

Os prazos de presentación de solicitudes son os seguintes:

• Probas de acceso a ciclos formativos de grao medio: O prazo de presentación estará abranguido entre os días 3 e 16 de marzo de 2022, ambos os dous incluídos.
• Probas de acceso a ciclos formativos de grao superior: O prazo de presentación estará abranguido entre os días 31 de xaneiro e 11 de febreiro de 2022, ambos os dous incluídos.

Para  máis información:

                                        GRAO MEDIO                                  GRAO SUPERIOR

                                                                       CALENDARIO  PROBAS

 Na primeira semana de febreiro celebraranse os exames finais dos niveis 1 e 3 do ensino secundario para persoas adultas. Premendo no seguinte enlace poderás acceder a toda a información.

Informamos tamén que dende o 10 ao 18 de xaneiro está aberto o prazo de matrícula para alumnado de nova incorporación aos niveis ofertados no segundo cuadrimestre.

As clases dos niveis 2 e 4 comezarán o luns 7 de febreiro nos respectivos horarios.

En nocturno rematamos a primeira avalación do curso 2021-2022 cunha excursión á  Coruña.

A saída estivo organizada polo alumnado do CS de Guía, información e asistencia turísticas. Viaxaron con eles os seus compañeiros e compañeiras da ESA e de BAC.

As alumnas, Noelia, Carmen e Ana realizaron prácticas das tarefas propias do guiado de grupos turísticos de maneira moi satisfactoria durante toda a viaxe.

Dedicamos a mañá a percorrer os recursos máis salientables da cidade e a visitar a Oficina de Turismo da Praza de María Pita para coñecer o seu funcionamento de primeira man,  mentres o alumnado da ESA  e BAC visitaban o Aquarium Finisterrae.

A tarde comezaría cunha visita guiada ao cemiterio de San Amaro, declarado Monumento Histórico e incluído na Ruta Europea de Cementerios Singulares, donde descansan numerosas personalidades ilustres como Juana de Vega, Manuel Murguía, Eduardo Pondal, Curros Enríquez, Wenceslao Fernández Flórez,…

Despois do entretido relato do guía e actor Suso Martínez por San Amaro, desprazámonos  ao porto de A Coruña para coñecer a magnífica exposición de fotografía “Peter Lindbergh: Untold Stories” unha retrospectiva do autor. É a primeira vez que chega a España unha exposición de Peter Lindbergh.

Rematamos a xornada paseando pola cidade ao tempo que desfrutabamos do alumeado do Nadal.

A sala de estudo de adultos permanecerá dispoñible (en cor verde) para todo  o alumnado do centro seguindo o horario que aparece a continuación:

O uso de dita aula rexirase polas seguintes normas.

No ciclo de Turismo rematamos as saídas do mes de outubro con tres visitas: xacemento arqueolóxico do Preguntoiro, San Vicente do Pino e adega Regina Viarum.

Desprazámonos ata o xacemento medieval do Preguntoiro para ver as excavacións arqueolóxicas que están levando a cabo un equipo de investigadores da Universidade de Lisboa, do Instituto de Ciencias do Patrimonio do CSIC, e da Universidad Complutense de Madrid.

Xurxo Ayán, director técnico da iniciativa, foi o noso cicerone nesta visita e explicounos que tratan de afondar nas orixes do mosteiro de San Vicenzo xa que as tumbas excavadas na roca -ademais doutros achados actuais parecen indicar a existencia dun eremitorio antecedente de Pombeiro, ao tempo que pretenden obter máis datos sobre o pasado da Ribeira Sacra

. 

 Na visita á Torre da Homenaxe é a igrexa do Conxunto monumental de San Vicente do Pino contamos coas explicacions de Mabel, ex alumna do Ciclo, e con Berta, alumna a piques de rematar o proxecto final.

Con Mabel percorremos a igrexa para coñecer os recientes traballos de rehabilitación entre os que se atopa a recuperación das pinturas murais situadas na cabeceIra do templo.

Berta acompañounos polo interior da musealizada Torre da Homenaxe explicándonos a historia da mesma para rematar no máis alto disfrutando das vistas do Val de Lemos.

A última saida, organizada por Noelia -alumna do Ciclo de Turismo-, tivo como destino a adega Regina Viarum en Amandi.

E alí, documental, visita guiada con explicacións dos diferentes procesos de vinificación, cata e desfrute da panorámica dos canóns do Sil dende a terraza que colga sobre os viñedos.