No seguinte arquivo atópase a normativa das Ensinanzas Deportivas de Réxime Especial actualizada a outubro de 2023 

PROGRAMA FORMATIVO:

Formación de carácter non formal, asociada, entre outras posibles, a unha cualificación de nivel 2 do Catálogo Nacional de Cualificacións Profesionais. 

 *AF0: Tecnoloxías Habilitadoras Dixitais.

 *AF1:UD1: Xestión de correo electrónico, google calendar e marcadores sociais.

 *AF2:UD1: Intro ás contornas dixitais

 *AF3:UD1: Intro a Office365

 *AF4:UD1: Seguridade en terminais móbiles: Configuración e copias de seguridade.

 *AF5: UD1: Aplicacións de xestión de equipos.

DESTINATARIOS: Todas as persoas que non estean cursando ningunha ensinanza regrada, no caso de esgotarse as plazas terán preferencia as persoas maiores de 55 anos.

CERTIFICACIÓN Ó ALUMNADO: Expedida polo centro, con indicación da formación recibida, e acreditable como 2 unidades de competencia en relación coa familia profesional correspondente.

DURACIÓN DA FORMACIÓN:    30 horas

NÚMERO DE FORMACIÓNS A IMPARTIR:   4  (formaranse grupos de mínimo de 15 persoas), dende outubro a decembro.

PROCEDEMENTO PARA INSCRIBIRSE NA FORMACIÓN: As persoas interesadas cubrirán o seguinte formulario cubrindo a preferencia horaria e entregarano asinado na secretaría do centro ou enviarano por correo ao enderezo ies.rio.cabe@edu.xunta.gal

ORGANIZACIÓN DA FORMACIÓN: 

Luns – Mércores…...12 a 14h   15 días

Luns – Mércores…...20 a 22h   15 días

Martes - Xoves …….10 – 12h.   15 días

Martes - Xoves …….18 – 20h.   15 días

O formato poderase adaptar ás necesidades do grupo, se as condicións o permiten.

 A primeira visita, “Camiño de inverno, un itinerario máis?”, estivo a cargo de Ana. Un roteiro con saída de Diomondi onde visitamos a igrexa e o pazo episcopal, hoxe albergue de peregrinos, continuamos polos codos, antiga calzada romana, e rematamos en Belesar.

 Con Montse percorremos “A ruta do panadeiro” que nos levou dende Ferreira ata Marce pasando por Recerende, Sta Mariña e A Míllara.

 Bea y Ricardo organizaron para nós, “El gran tour de El Bierzo”. Comezamos a visita na Galería e Mirador de Orellán dende onde tivemos as mellores vistas das Médulas -antigas minas romanas de ouro-, continuamos no Castelo dos Templarios en Ponferrada, viaxamos a un dos pobos máis bonitos de España, Santiago de Peñalba, visitamos o Pazo de Canedo e rematamos en Vilafranca do Bierzo.

 

O venres 9 de xuño celebramos a graduación do alumnado de 2º Bac de diúrno e das ensinanzas de adultos: ESA, BAC e ciclo de Turismo . 

Foron un total de 81 alumnos e alumnas quenes, acompañados de profesorado , familias e compañeiros, se graduaron, lembraron vivencias dos anos compartidos no Cabe e desfrutaron das palabras dedicadas a eles nos distintos discursos e da música interpretada por compañeiros e o seu profesor, Xurxo R. Labrador. 

Tivemos a honra de ter como padriño e convidado na despedida, a Edgar Cloos, xuíz retirado, presidente da Audiencia Provincial de Lugo, a quen agradecemos a súa presenza e as súas verbas. Grazas tamén a todos os asistentes ó evento por participar nunca xornada para non olvidar.

Podedes ver máis fotos de 2º BAC na galería 1 e de Ensinanzas de Adultos na  galería 2

Premendo no seguinte enlace podedes acceder ao calendario de exames finais do CS Guía, Información e asistencia Turísticas.

No mes de marzo, alumnado e profesorado do CS de Guías, información e asistencia turísticas, asistimos nos Escolapios a unha charla sobre o Cardeal Rodrigo De Castro e fixemos un roteiro gourmet no que visitamos as instalacións da queixería Airas Moniz e Casa Baltar, a “Granxa do doce de leite“.

Conmemorando o quinto centenario do nacemento do cardeal Rodrigo de Castro e Osorio celebrouse no salón de actos dos Escolapios unha conferencia impartida por Felipe Aira na que disertou sobre este personaxe histórico e distintos acontecementos da vida do fundador do Colexio da Nosa Señora da Antiga.

A outra actividade, o roteiro gourmet, levounos a Airas Moniz, unha empresa chantadina que elabora queixo de alta calidade, galardonado varios anos coma o mellor queixo azul de España no Salón Gourmet de Madrid.

O queixo Savel, xunto coas outras variedades que elaboran e a manteiga, está presente nalgúns dos mellores restaurantes nacionais e internacionais .

Durante á visita contáronnos en qué consiste a nova experiencia que están a ofertar, trátase dunha explicación dos procesos de elaboración de cada un dos queixos seguida dunha visita a explotación gandeira e remata coa cata e degustación dos seus queixos acompañada de viño.

E para rematar, visitamos Casa Baltar. Varias xeracións traballaron nesta granxa para obter un leite de excelente calidade e valor nutricional que agora se emprega para elaborar un produto exquisito elaborado de xeito tradicional, o doce de leite, que se distribúe por toda España.

Non sei cal nos gustou máis, o xeado ou o doce de leite que comemos a culleradas.

Comezamos o mes de febreiro cunha saída ao o Pazo de Tor. Sempre nos gusta visitar esta casa solariega de Tor, é un privilexio poder ver o edificio e todos os mobles, pertenzas, obras de arte, … tal e como o deixou a súa última propietaria Maripaz Taboada de Andrés y Zúñiga.

Foi ela quen donou o pazo á Deputación de Lugo para que se conservara como museo, e cumprindo o seu desexo abriu como tal en 2006.

Nesta ocasión, como novidade, mostráronnos a parte inferior da vivenda que albergaba os cuartos do servizo.

Unha boa opción para coñecer a vida nos pazos galegos!

A mediados de mes acercámonos o Hotel Cardenal para coñecer a súa oferta aloxativa.

O establecemento, de catro estrelas, situado no centro da cidade e con vista ao río Cabe e o Conxunto Monumental de San Vicente do Pino, é unha interesante referencia para os turistas que chegan a Monforte interesados en coñocer este territorio.

As habitacións están moi ben equipadas e as suites teñen unha distribución e unhas vistas magníficas.

Se tivésemos que escoller, reservaríamos as que miran a San Vicente dende unha ampla terraza que invita ao relax.

Rematamos as actividades do mes visitando o Pazo Molinos de Antero fundado polo cabaleiro Manuel Antero Yáñez Rivadeneira,administrador e depositario da renda de Monforte e outras comarcas galegas, fiscal xeral da Encomenda de Quiroga e  rexedor perpetuo de Monforte.

O feito de ocupar todos estes cargos fixo que se conserven no seu pazo unha grande cantidade de documentos con milleiros de datos de grande interese da historia social e económica de finais do século XVIII  e principios do XIX.

Ademais de vivenda o pazo tiña outros usos: centro de recadación de impostos, notaría e xestión de bens da nobreza. Estas prácticas motivaron a posta en funcionamento de  todo un sistema de seguridade da época baseado en mirillas que se atopan por toda a casa e que permitían ver a todos os que entraban.

Matías,  propietario e magnífico cicerone na nosa visita, explicounos a relación desta propiedade coa historia do Camiño de Inverno. A carón do pazo pasaba o antigo camiño real de Castela que atravesaba Monforte  e que parece coincidir con esta ruta a Santiago.

Na actualidade o  Complexo Molinos de Antero conta tamén cunha oferta aloxativa formada por tres habitacións e tres apartamentos situados nas antigas caballerizas anexas ao pazo.

Unha tarde de grandes descubrimentos!!!

Para rematar a estadía no Real Betis Balompié o noso grupo asistiu ao partido de Europa League Real Betis contra o Manchester United no estadio Benito Villamarín.

Esta expedición estivo formada por 15 alumnos/as de varios IES de Galicia e tres profesores.

Dende o IES Río Cabe expresamos o noso profundo agradecemento a quen fixo posible esta visita así como ao Real Betis Balompié pola oportunidade brindada.