O venres, 19 de xuño, desenvolveuse na Facultade de Xeografía de Santiago de Compostela, o acto de entrega de premios autonómicos do III concurso escolar: Explica xeografía coas túas fotos, no que Lois Pimentel Iglesias, de 2º de bacharelato, foi unha das cinco persoas recoñecidas co primeiro premio. Parabéns, Lois!
Lois no momento de recollida do premio, explicando a súa fotografía O rural galego... á venda!. Cabo del están a presidenta autonómica da Asociación de geógrafos españoles, a presidenta do grupo de traballo de Xeografía da PAU, o xefe de departamento de Xeografía da facultade de Xeografía e Historia, e o decano da facultade.
Lois coas outras catro persoas premiadas, dos institutos Luis Seoane (Pontevedra), colegio Alca (A Coruña) e Fernando Wirtz Suárez (A Coruña).
