Información xeral, Oferta educativa, Organigrama, Consello escolar, Equipo directivo, ESO, Bacharelato, Formación Profesional, Localización, Horario, Comisións, Transporte escolar, Historia, Seccións bilingües, Infraestruturas
Comisión Económica (decreto 324/1996 do 26 de xullo)
- Director: Javier Dapena Castro
- Secretaria: Rosa Aldrey Villar
- Profesor/a: Javier Benito Torres
- Alumno/a: Lena Picos González
- Pais/nais: José Miguéns Esparís
Segundo bacharelato
O Decreto 86/2015, , do 125 de xuño, polo que se establece a ordenación e o currículo da Educación Secundaria Obrigatoria e do Bacharelato na Comunidade Autónoma de Galicia (DOG de 29 de xuño de 2015), a Orde do 15 de xullo de 2015, polo que se establece a relación de materias de libre configuración autonómica de elección para os centros docentes na etapa da Educación Secundaria Obrigatoria e Baclarelato, e se regula o seu currículo e a súa oferta ( DOG do 21 de xullo de 015), a Orde do 13 de xullo de 2016 pola que se amplica a relacion de materias de libre configuración autonómica de elección para os centros docentes nas etapas de Educación Secundaria e Bacharelato e se regula o seu currículo e a súa oferta (DOG do 04 de agosto de 2016) e a Resolución do 15 de xullo de 2016 da Dirección Xeral de Educación, Formación Profesional e Innovación educativa, pola que se dictan instruccións para impartir, no curso 2016-17, do currículo establelcido no decreto 86/2015, do 25 de xuño ( DOG do 01 de agosto de 2016) regulan o Bacharelato na actualidade.
Como complemento a esta lexislación publicarónse unhas Aclaracións da Dirección Xeral de Educación, Formación Profesional e Innovación educativa a diversos aspectos do bacharelato derivado do réxime transitorio da implantación da Lei Orgánica 8/2013, de 09 de decembro ( LOMCE), realizadas en resposta as consultas formuladas no inicio do curso 2016-17.
A continuación amósase o listado das materias de cada curso, coa adaptación á oferta que se realiza no noso centro, no que se imparten as modalidades de Ciencias e de Humanidades e ciencias sociais. Após recóllense algúns aspectos xerais que tamén poden ser de interese, como son o límite de permanencia na etapa, a promoción de curso e titulación, os cambios de modalidade, e as ensinanzas de Relixión e Valores Éticos
É importante que se teña en conta que nas materias que teñen na súa denominación "II" é necesario superar previamente a "I" para que poida ser avaliada a II correspondente. No caso da Lingua estranxeira o idioma ten que ser o mesmo na I que na II.
Así mesmo, hai materias de 2º curso para as que é necesario ou ben cursar (e superar) previamente unha materia de 1º ou ben acreditar os coñecementos necesarios, segundo o procedemento que establecen os departamentos didácticos correspondentes. Estas materias indícanse coa nota "precisa de..."
Descagar na seguinte ligazón a oferta educativa de segundo de bacharelato:
- Descarga PDF 2º DE BACHARELATO DE CIENCIAS
- Descarga PDF 2º DE BACHARELATO DE HUMANIDADES E CIENCIAS SOCIAIS
MATERIAS A CURSAR EN 2º DE BACHARELATO DE CIENCIAS
IMPORTANTE: As materias que levan o distintivo “II” tiveron que ser cursadas en 1º para poder elixilas en 2º. O mesmo sucede con “Química” e “Física” que só se elixirán se en 1º se cursou “Física e química”
MATERIAS A CURSAR EN 2º DE BACHARELATOS DE HUMANIDADES E CIENCIAS SOCIAIS
IMPORTANTE: As materias que levan o distintivo “II” tiveron que ser cursadas en 1º para poder elixilas en 2º.
Algúns aspectos normativos sobre o Bacharelato
Acceso e permanencia
Poderán acceder aos estudos de bacharelato os alumnos e as alumnas que estean en posesión do título de graduado en educación secundaria obrigatoria e teñan superada a avaliación final de educación secundaria obrigatoria pola opción de ensinanzas académicas.
De acordo co artigo 53.2 da Lei orgánica 2/2006, do 3 de maio, o título de técnico de artes plásticas e deseño permitirá o acceso directo a calquera das modalidades de bacharelato. Así mesmo, conforme o artigo 65.3 da Lei orgánica 2/2006, do 3 de maio, o título de técnico deportivo permitirá o acceso a calquera das modalidades de bacharelato.
O bacharelato abrangue dous cursos, desenvolverase en modalidades diferentes e organizarase de modo flexible, coa finalidade de que poida ofrecer unha preparación especializada ao alumnado acorde coas súas perspectivas e os seus intereses de formación ou permita a incorporación á vida activa logo de finalizado este.
Os alumnos e as alumnas poderán permanecer cursando bacharelato en réxime ordinario durante catro anos. Despois dese período pódese continuar estudos no réxime de ensinanzas de persoas adultas.
Nos casos de enfermidade prolongada, incorporación a un posto de traballo ou de obrigas de tipo familiar ou persoal que impidan seguir de xeito normal os estudos,pódeselle solicitar á dirección do centro, antes do 30 de abril, a anulación da matrícula. A solicitude(*) debe ir acompañada das xustificacións pertinentes. Se a resolución é favorable o ano non computará aos efectos do límite de permanencia máxima na etapa antes mencionado.
(*)Pódese descargar un modelo de solicitude nesta páxina
Ao remate do bacharelato obtense o título de bacharel, que faculta para acceder aos estudos universitarios e de Formación profesional de grao superior.
Promoción e titulación
Ao final de cada curso lévase a cabo unha sesión de avaliación final ordinaria, no mes de xuño, na que se determina o grao de consecución dascompetencias e o logro dos obxectivos da etapa nas avaliacións continua e final das materias dos bloques de materias troncais, específicas e de libre configuración autonómica
Os alumnos e as alumnas terán promoción de primeiro a segundo de bacharelato cando teñan superadas as materias cursadas ou teñan avaliación negativa en dúas materias, como máximo. En todo caso, deberán matricularse en segundo curso das materias pendentes de primeiro. Os centros docentes deberán organizar as consecuentes actividades de recuperación e a avaliación das materias pendentes.
Para os efectos deste apartado, só se computarán as materias que como mínimo o alumno ou a alumna deben cursar en cada un dos bloques. No bloque de materias de libre configuración autonómica só se computará Lingua Galega e Literatura, con independencia de que os alumnos e as alumnas poidan cursar máis materias do devandito bloque.
Sen superar o prazo máximo para cursar o bacharelato, os alumnos e as alumnas poderán repetir cada un dos cursos de bacharelato unha soa vez como máximo, aínda que excepcionalmente poderán repetir un dos cursos unha segunda vez, logo dun informe favorable do equipo docente
Cambio de modalidade
PRIMEIRO CURSO DE BACHARELATO
O alumnado que no ano académico 2015- 2016 realizou o primeiro curso de bacharelato e deba permanecer no mesmo curso no 2016 -2017, deberá matricularse de todas as materias, repetir o curso na súa totalidade e non manterá as cualificacións obtidas no curso anterior.
SEGUNDO CURSO DE BACHARELATO
O alumnado que cursou as ensinanzas de segundo de bacharelato no curso 2015-2016 e finalizou con avaliación negativa nalgunha das materias cursadas poderá optar, por repetir o curso completo ou por matricularse unicamente das materias non superadas. Os centros garantirán que o alumnado teña información sobre esta posibilidade.
O alumnado que opte por repetir o segundo curso de bacharelato completo non manterá as cualificacións das materias superadas previamente.
O alumnado que se matricule no 2ºcurso de bacharelato unicamente das materias non superadas rexerase polas seguintes regras en cada un dos casos:
a) Materias pendentes de superación de segundo curso con idéntica denominación na planificación LOE e LOMCE e incluidas na planificación da LOMCE no bloque de materias troncais xerais: deberá cursar a mesma materia ou materias que tivera pendentes de superar.
b) Materias pendentes de superación de segundo curso con diferente denominación LOE e LOMCE eincluídas na planificación da LOMCE como materias troncais xerais pero incluídas no anexo único da Orde ECD/462/2016, [300]de 31 de marzo (o caso da Lingua estranxeira): deberá cursar a materia.
c) Materias pendentes de superación de segundo curso con idéntica denominación en LOE e LOMCE e clasificadas en LOMCE como materias troncais de opción ou específicas, o alumnado poderá optar por:
—Cursar a mesma materia ou materias que tivera pendentes de superar de segundo.
—Substituír o mesmo número de materias pendentes de superar por outras, entre as perencentes ao mesmo bloque de materias determinadas no Decreto 86/2015, do 25 de xuño, non cursadas previamente. No caso de materias troncais de opción, se opta por substituílas por outra deberá ser da mesma modalidade e non cursada previamente. Cando a materia pendente sexa Historia da Filosofía, que pasa de ser materia común de todas as modalidades de bacharelato na LOE a ser materia troncal de opción da modalidade de Humanidades coa LOMCE, o alumnado da modalidade de Humanidades que teña suspensa a materia de Historia da Filosofía, se opta por substituíla debe ser por outra pertencente ao mesmo bloque de materias troncais de opción, da mesma modalidade e non cursada previamente.
Se o alumnado cursa a modalidade de Ciencias ou de Artes e ten pendente de superar a materia de Historia da Filosofía pode optar por:
—cursala de novo, na condición de materia específica dentro das materias troncais de opción doutra modalidade.
— substituíla, por outra materia dentro do bloque das materias específicas. Hai que ter en conta que dentro dese bloque de materias específicas pode estar incluída unha materia troncal de opción.
d) Materia ou materias pendentes de superación de segundo curso LOE que desaparecen da oferta educativa do segundo curso LOMCE.
O alumnado que ten pendente a materia de Literatura Universal, materia propia das modalidades de Humanidades e Artes na LOE e que na estrutura LOMCE non está incluída nese segundo curso, deberá substituíla por outra da súa elección dentro das troncais de opción ou específicas.
e) Materias pendentes de segundo curso con idéntica denominación en LOE e LOMCE e incluidas en LOMCE como materias de libre configuración autonómica, o alumnado poderá optar por:
—Cursar a mesma materia ou materias que tivera pendentes de segundo (Sería o caso da materia Electrotecnia)
—Substituíla por outras entre as pertencentes ao mesmo bloque de materias.
Os centros, de acordo coa súa organización docente, permitirán que o alumnado que o solicite poida asistir ás clases das materias que ten superadas e daquelas materias (como Latín, Matemáticas Aplicadas ás CC.SS e Fundamentos da Arte) que algún alumnado non cursou pero que podería preparar para a realización da avaliación individualizada, no caso de que opte por realizar esta proba.
Todas aquelas situacións individuais do alumnado que non estean contempladas na Orde ECD/2016 de 31 de marzo, serán resoltas pola Dirección Xeral, previo informe do Servizo de Inspección Educativa.
Relixión e Valores Éticos.
Ao inicio de cada curso, no proceso de matriculación, o alumnado maior de idade ou, en caso contrario, os seus pais, nais ou titores legais, deberá indicar a opción que escolle para estas ensinanzas, sen que esa elección condicione a dos anos escolares seguintes.
No caso da Relixión pódese optar por calquera das confesións relixiosas que recolle a disposición adicional segunda da Lei orgánica 2/2006 (actualmente son as seguintes: católica, evanxélica, islámica e xudaica).
A avaliación da materia de relixión católica realizarase nos mesmos termos e cos mesmos efectos ca a das outras materias do bacharelato. A avaliación doutras confesións relixiosas axustarase ao establecido nos acordos de colaboración en materia educativa subscritos con elas polo Estado español.
Coa finalidade de garantir o principio de igualdade e a libre concorrencia, as cualificacións desta materia non computarán na obtención da nota media para os efectos de acceso á universidade, a ciclos superiores de formación profesional e a outros estudos nin nas convocatorias para a obtención de bolsas e axudas ao estudo en que deban entrar en concorrencia os expedientes académicos.
A materia de Valores Éticos ten como obxectivo básico orientar o alumnado adolescente na escolla do seu proxecto de vida persoal. A orientación de Valores Éticos permitirá que ese proxecto se vaia enchendo de xeito acorde coa racionalidade práctica. Isto supón que o proxecto, por racional, vai requirir virtudes intelectuais como o rigor, a coherencia, a honradez intelectual ou o apego á realidade. Pola dimensión práctica desa racionalidade, o proxecto requirirá que o alumnado vaia construíndo, desde a reflexión, un código ético de valores e normas que determinarán as súas decisións para guiar a súa conduta de tal xeito que realce a súa dignidade persoal e, ao mesmo tempo, permita a súa realización plena e feliz como persoas e a promoción de relacións sociais marcadas polo recoñecemento das outras persoas, o respecto cara a elas, e pola finalidade de alcanzar cotas cada vez maiores de xustiza, tanto no nivel máis próximo á persoa como no nivel global.
Enlaces:
- Enlace á normativa estatal e autonómica sobre Educación aplicada en Galicia
- Enlace os currículos por materias e cursos no Bacharelato en Galicia
Estrutura Ciclos Formativos
ESTRUCTURA CICLOS FORMATIVOS
O Decreto 107/2014, do 4 de setembro, polo que se regulan aspectos específicos da formación profesional básica das ensinanzas de formación profesional do sistema educativo en Galicia e se establecen vinte e un currículos de títulos profesionais básicos. (DOG do 15 de setembro de 2014); a Orde do 13 de xullo de 2015 pola que se regulan as ensinanzas de formación profesional básica na Comunidade Autónoma de Galicia, así como o acceso e a admisión nestas ensinanzas. (DOG do 2 de xullo de 2015); a Orde do 10 de xuño de 2016 pola que se actualiza a oferta de formación profesional do sistema educativo, polo réxime ordinario, en centros públicos da Comunidade Autónoma de Galicia para o curso académico 2016/17. (DOG do 23 de xuño de 2016) e a Resolución do 4 de agosto de 2016, da Dirección Xeral de Educación, Formación Profesional e Innovación Educativa, pola que se ditan instrucións para o desenvolvemento dos ciclos formativos de formación profesional do sistema educativo no curso 2016/17. (DOG do 18 de agosto de 2016) son o marco legal que soporta a estructura dos ciclos formativos en Galicia.
De acordo coa oferta do noso centro, a continuación amósase o listado dos módulos de cada ciclo formativo. Após recóllense algúns aspectos xerais que tamén poden ser de interese.
DESCARGA NESTA LIGAZÓN PDF DE OFERTAS DE CICLO FORMATIVOS
OFERTA CICLOS FORMATIVOS
Admisión a Ciclos Formativos.
A solicitude deberá realizarse mediante o asistente informático vía web para todos os réximes e graos, agás para o segundo curso do réxime ordinario.
Logo de realizada a solicitude web, a aplicación informática xera un impreso con instrucións individualizadas para cada solicitante. O impreso xerado pola aplicación informática indica a documentación que cómpre achegar. Esta documentación cos impresos xerados deberá ser entregada, en prazo, en calquera centro público de Galicia con oferta de ciclos formativos de formación profesional. Este documento será validado polo centro e unha das copias será selada e entregada á persoa solicitante. Sen estes requisitos, a solicitude carece de validez e non será tida en conta no proceso de admisión.
No caso de que o impreso xerado pola aplicación informática indique que se trata dun documento xa validado e que non é necesario entregalo nun centro, non será preciso máis trámite, pero o documento impreso deberase conservar como resgardo da solicitude de admisión.
Algúns aspectos normativos sobre a Formación Profesional
Que é a Formación Profesional?
A formación profesional é un conxunto de accións formativas, durante un período máximo de dous anos, que te capacitan para o exercicio dunha profesión e te preparan para o acceso ao emprego.
Como está organizada?
A formación profesional ordénase segundo un grupo de ocupacións –familias profesionais– (comunicación, imaxe e son; electricidade e electrónica; actividades marítimo-pesqueiras, sanidade, etc.)..
Pola súa vez, as familias profesionais están constituídas por ciclos formativos que poden ser de Grao Medio e Grao Superior.
Cada ciclo formativo comprende un conxunto de módulos profesionais de formación teórica e práctica.
Tanto os ciclos de grao medio como os de grao superior inclúen un módulo de formación en centros de traballo (FCT), de duración comprendida entre tres e seis meses, para o que se dispón de axudas económicas.
Como podo acceder?
Podes realizar o acceso ben directamente ou ben mediante unha proba, se non reúnes os requisitos do acceso directo.
-- Acceso a Grao Medio:
1.-Directo: cómpre teres o título de graduado/a en educación secundaria ou equivalente.
2.-Mediante proba: podes concorrer, con carácter xeral, se cumpriches 17 anos ou se os cumpres no ano en que se realicen as probas.
-- Acceso a Grao Superior:
1.-Directo: cómpre dispores do título de bacharelato ou equivalente.
2.-Mediante proba: podes acceder se tes 19 anos ou se os cumpres no ano de realización da proba, ou 18 anos se tes o título de técnico nun ciclo formativo que pertenza a algunha familia profesional incluída na opción á que opta, consonte ao que se establece no Anexo V da orde do 02 de decembro de 2008.
Que modalidades podo estudar?
Neste Centro podes cursar ciclos formativos de forma presencial:
·
Ciclo Medio de Comercio
·
Ciclo Superior de Xestión de vendas e espazos comerciais.
·
Ciclo Superior de Comercio Internacional
Onde e cando podo facer a inscrición?
A Dirección xeral publica o procedemento de Admisión ( consultar http://www.edu.xunta.es/fp/). Para o curso 2016-17 foi do 27 de xuño o 5 de xullo de 2016.
A solicitude deberá realizarse mediante o asistente informático vía web para todos os réximes e graos, agás para o segundo curso do réxime ordinario.
Logo de realizada a solicitude web, a aplicación informática xera un impreso con instrucións individualizadas para cada solicitante. O impreso xerado pola aplicación informática indica a documentación que cómpre achegar. Esta documentación cos impresos xerados deberá ser entregada, en prazo, en calquera centro público de Galicia con oferta de ciclos formativos de formación profesional. Este documento será validado polo centro e unha das copias será selada e entregada á persoa solicitante. Sen estes requisitos, a solicitude carece de validez e non será tida en conta no proceso de admisión.
No caso de que o impreso xerado pola aplicación informática indique que se trata dun documento xa validado e que non é necesario entregalo nun centro, non será preciso máis trámite, pero o documento impreso deberase conservar como resgardo da solicitude de admisión.
Ao rematar, que titulación teño?
Cando conclúas un ciclo formativo podes obter estes títulos:
– Técnico/a da correspondente profesión, en caso de superares todos os módulos que integran o ciclo formativo de grao medio.
No mundo laboral, sitúate nun nivel 2 de cualificación dentro da Unión Europea.
– Técnico/a superior da correspondente profesión, se os módulos que superaches integran un ciclo formativo de grao superior.
No mundo laboral, sitúate nun nivel 3 de cualificación dentro da Unión Europea.
E despois, que saídas teño?
-- Ciclos Medios
Saídas profesionais: podes acceder directamente ao mercado laboral ou converterte en emprendedor/a ao constituír a túa propia empresa.
Saídas académicas: co título de técnico/a podes acceder ao primeiro curso de calquera modalidade de bacharelato. Tamén tes a posibilidade de cursar un ciclo de grao superior se cumpres os requisitos de acceso directo (Título de Bacharelato) ou superas a proba de acceso para estes ciclos.
-- Ciclos Superiores
Co título de técnico/a superior podes acceder directamente, sen proba de acceso, a determinadas ensinanzas universitarias. Nos actuais plans de estudos de 1º e 2º ciclo só podes acceder a determinadas titulacións.
Para iso, as universidades reservan:
– O 15 % das prazas en titulacións de primeiro ciclo (enxeñarías técnicas, diplomaturas, maxisterio, etc.).
– O 7 % das prazas en titulacións de primeiro e segundo ciclo (enxeñarías, licenciaturas, etc.).
Cos novos títulos de FP podes acceder a calquera titulación independentemente do ciclo superior cursado. Non obstante, poderanse establecer prioridades na vinculación dos títulos de técnico superior coas ramas de coñecemento en que se estruturan as ensinanzas.
Podes chegar a validar, segundo o caso, de 60 a 120 ECTS (sistema Europeo de transferencia de créditos) dos novos títulos universitarios de grao, equivalente a un ou dous cursos académicos.
Enlaces:
- Enlace á normativa estatal e autonómica sobre Educación aplicada en Galicia
- Enlace a normativa da Formación Profesional
- Enlace os currículos e perfís profesionais dos ciclos formativos da familia de Comercio e Marketing
- Enlace a validacións de módulos profesionais
- Formación profesional básica
Comisión de Convivencia (decreto 8/2015, de 8 de xaneiro polo que se desenvolve a lei 4/2011)
- Director: Javier Dapena Castro
- Xefe de Estudos: Xosé Neiro Ramos
- Alumnos/as: Lois Nieto Rodríguez
- Profesor/a: María Eugenia Temprano Afonso
- Pais/nais: Pablo Brea González
- Persoal Non docente: María Jesús Carbajales Lariño
Características xerais das Seccións Bilingües
O IES Pontepedriña foi un dos dous centros cos que se iniciou en Galicia, no curso 1999-2000, o plan experimental de Seccións europeas, que posteriormente deu lugar ao plan de Seccións bilingües, regulado pola Orde do 18 de abril de 2007 (DOG do 7 de maio de 2007).
As seccións bilingües son materias de ESO ou Bacharelato ou módulos de Formación profesional que se imparten de xeito bilingüe, en galego ou castelán e nunha lingua estranxeira.
O profesorado que imparte as clases, ademais de ser titular da materia correspondente, posúe a titulación mínima no idioma que determina a normativa anteriormente citada.
No caso do noso centro, as Seccións bilingües autorizadas son as seguintes, todas elas pertencentes ao idioma inglés:
- Bioloxía e xeoloxía (3º e 4º de ESO)
- Música (3º ESO)
- Ciencias sociais, xeografía e historia (3º e 4º de ESO)
A introdución da lingua estranxeira en cada sección faise de xeito progresivo, co propósito de asegurar, ademais do reforzo das aprendizaxes do idioma, a adquisición dos contidos propios da materia obxecto da sección.
Para incorporarse aos grupos de seccións bilingües tan só se require a autorización escrita dos pais (pode descargarse un modelo nesta ligazón). Porén, a experiencia amosa que é moi recomendable que o alumnado posúa uns coñecementos aceptables, para o seu nivel educativo, da lingua estranxeira, principalmente para non poñer en risco a súa aprendizaxe dos contidos das áreas de ESO nas que se desenvolven as seccións.
Comisión de Biblioteca
- Profesor/a e Coordinadora da Biblioteca: Cristina Quintáns Ruído
- Pai/nai: Paula Cons Varela.
- Representante do Concello: Xesús Domínguez Domínguez
- Equipo Directivo: Rosa Aldrey Villar
(de fora do Consello: Responsable da biblioteca pública máis próxima)
Plano do centro
Premendo nas imaxes pódese descargar unha versión con maior resolución.
Plantas baixa e primeira:
Plantas segunda e terceira:
Rutas de transporte escolar
No noso centro hai dúas rutas de transporte escolar, establecidas pola Delegación provincial da Consellería de Educación.
A empresa Mombus comunica os horarios de saída nas diferentes paradas. Son horarios aproximados.
RUTA Nº 1 - CRUXEIRAS
- 08:05h. Parque Montouto
- 08:08h. Cruxeiras
- 08:11h. Poboa
- 08:13h. San Sadurniño
- 08:15h. travesía Montouto (Che). Nova parada
- 08:17h. Outeiro
- 08:25h. Instituto
RUTA Nº 2 - OS TILOS
- 08:10h. Os Tilos 1
- 08:12h. Club Os Tilos
- 08:15h. Cruce de Covas
- 08:16h. Chalet
- 08:17h. Hotel
- 08:25h. Instituto
O alumnado de ESO ten dereito ao uso dese transporte. Ademais, a Consellería de Educación autorizou que as prazas excedentes puidesen ser empregadas tamén por alumnado de bacharelato.
Así mesmo, o alumnado de ESO que reúna certas condicións (tales como ser escolarizado neste centro por decisión da Comisión de Escolarización e sen pertencer á zona de influencia deste IES) pode usar de xeito gratuíto o transporte regular como transporte escolar. Para máis información sobre este aspecto podes dirixirte á secretaría do centro.
Historia do IES Pontepedriña
O IES Pontepedriña, que na súa orixe tivo o nome de Instituto de Bacharelato Mixto nº 6, entrou en funcionamento no curso 1990-1991, impartíndose clases de BUP e COU.
Foi un dos centros de España nos que se implantaron anticipadamente e con carácter experimental as ensinanzas reguladas pola LOXSE. Deste xeito, a ESO e o bacharelato estanse a impartir no IES Pontepedriña desde o ano escolar 1993-94 (a implantación con carácter xeral en todos os centros de España iniciaríase no ano 1995-96).
A oferta educativa de formación profesional iniciouse no curso 1998-99 cos ciclos formativos de grao superior de Comercio internacional e de Animación sociocultural. Posteriormente ampliouse coa incorporación, no curso 1999-2000, do ciclo de grao medio de Comercio e no 2000-01 do ciclo de grao superior de Xestión comercial e márketing.
Desde o curso 1999-2000 estánse a impartir en 3º e 4º de ESO ensinazas bilingües (galego-inglés) de Bioloxía e xeoloxía xunto con Música. De feito, o IES Pontepedriña foi un dos dous centros de Galicia nos que se iniciou con carácter experimental o programa de Seccións europeas, como se denominou nese momento, e que actualmente recibe o nome de Seccións bilingües.
Así mesmo, os programas de formación en centros de traballo para os alumnos de formación profesional específica estánse a desenvolver parcialmente no estranxeiro: EE.UU, Inglaterra, Irlanda e Francia.
Por outra parte, no IES Pontepedriña participaron e participan, como lectores ou como estudiantes universitarios en formación, persoas de moitos países e nacionalidades europeas: británicos (Inglaterra e Escocia), Portugal, Francia e Bretaña, Alemania, Rumanía, Italia, Armenia e Irlanda, colaborando na inmensa maioría dos casos, co profesorado das materias de linguas.
Por último, desde o curso 2010-2011, o centro está a participar no proxecto Abalar, polo que as aulas de 1º e 2º de ESO inclúen nas súas dotacións un miniportátil por cada alumno.
Horario xeral de clases e de secretaría
HORARIO XERAL DO CENTRO
Horario lectivo.
O horario lectivo está establecido do seguinte xeito:
- ESO e Bacharelato de 8:45 ata 14:25 de luns a venres e de 16:30 ata 18:10 os martes.
- Ciclos Formativos de 14:50 ata 21:00 de martes a venres. Os luns de 14:50 ata 21:50 horas.
- Formación Profesional Básica de 14:50 ata 21:00 horas os luns e martes. É de 14:50 ata as 20:10 os mércores, xoves e venres.
Ensino | Días | Entrada | Saída |
Educación Secundaria e Bacharelato | De lúns a venres | 08:45 | 14:35 |
Martes | 16:30 | 18:10 | |
Ciclos Formativos | De martes a venres | 14:50 | 21:00 |
Luns | 14:50 | 21:50 | |
Formación Profesional Básica (1º e 2º curso) | Luns e martes | 14:50 | 21:00 |
Mércores a venres | 14:50 | 20:10 |
Os recreos teñen o seguinte horario:
- 1º recreo: 10:25 horas a 10:45 horas.
- 2º recreo: 12:25 horas a 12:45 horas.
Horas e condicións de dispoñibilidade de uso das instalacións para o alumnado.
- O centro permanece aberto de 8:30 a 21:30 horas durante o curso (os luns ata 21:50 horas).
- O alumnado pode usar as instalacións deportivas así como a Biblioteca que permanece aberta e controlada por profesorado polas mañás (ver horario de biblioteca).
Horario de verán.
- No mes de xullo o centro e as oficinas permanecen abertos ó público de 9 a 14 horas de luns a venres.
- O horario de apertura durante o mes de agosto é de 10 a 12 horas tres días a semana que serán dados a coñecer no mes de xuño.
Horario da Biblioteca
- No horario figura o profesorado membro da equipa da Biblioteca e as súas horas de garda.
- Alumnado pode utilizar a biblioteca nos periodos de lecer (cor azul). No resto do horario debe facelo acompañado do profesor/a de aula.