Saltar navegación.
Inicio
Instituto de educación secundaria

Administrativo

Departamento do ciclo de Administrativo

CHARLA "OFERTA FORMATIVA DE CICLOS NO IES PEDRA DA AUGA"

Os alumnos e alumnas de 4º ESO e 1º de Bacharelato participaron nunha charla impartida polo alumnado do Ciclo Superior de Administración e Finanzas, coordinada pola profesora Marisa Gómez, na que coñeceron de primeira mán os aspectos mais relevantes dos ciclos ofertados no noso centro.

VISITA ÁS BODEGAS MARQUÉS DE VIZHOJA

Os alumnos e alumnas do Ciclo Medio de Xestión Administrativa e do Ciclo Superior de Administración e Finanzas, acompañados polos profesores Xoán Lorenzo e Marisa Gómez, asistiron a unha visita guiada polas Bodegas Marqués de Vizhoja  ubicadas  no Pazo A Moreira, situado en Arbo, Pontevedra, coñecendo de primeira mán o funcionamento integral dunha empresa do sector vinícola.

DÍA MUNDIAL DOS DEREITOS DO CONSUMIDOR

Para conmemorar este ano o "Día Mundial dos Dereitos do Consumidor"  traballamos: "As sete R do consumidor responsable".

Alumnos e alumnas do Ciclo de Grao Superior de Administración e Finanzas, guiados pola profesora Mayca Rivas, impartiron distintos obradoiros ao alumnado da ESO co obxectivo de sensibilizalos con prácticas eficaces para  cuidar o noso entorno.

Preme na imaxe para acceder á galería.

VISITA A SOGAMA E Á CASA GRANDE DE XANCEDA

Alumnos e alumnas  dos Ciclos Formativos da Familia Profesional de Administración, acompañados polos profesores: Rosa Salinas, Marisa Gómez e Xoán Lorenzo, realizaron hoxe unha visita a dúas empresas en A Coruña: "SOGAMA" dedicada á xestión e tratamento de residuos urbanos,  e a “Casa Grande de Xanceda”, unha das  empresas líderes no mercado español de lácteos ecolóxicos.

Preme na imaxe para acceder á galería.

VISITA AOS XULGADOS DO SOCIAL

Co obxectivo de observar en directo xuízos reais relacionados coa materia de “Recursos Humanos", e contrastar os coñecementos teóricos adquiridos na aula coa súa aplicación no mundo real, os alumnos e alumnas do 2º Curso dos Ciclos de Xestión Administrativa e de Administración e Finanzas, acompañados das profesoras: Eva Agustina González e Rosa Salinas, realizaron hoxe unha saída aos xulgados do social de Vigo.

 

XVIII ENCONTRO INTERNACIONAL DE JOVENS CIENTISTAS DAS ESCOLAS ASSOCIADAS DA UNESCO

Entre os días 13 e 16 de Xaneiro celebrouse en Sá de Bandeira, Santarem (Portugal) o “XVIII Encontro Internacional de Jovens Cientistas das Escolas Associadas da Unesco”.

O IES Pedra da Auga participou nesta reunión representado por dous alumnos do Ciclo de Grao Superior de Administración e Finanzas: Martín Míguez e Natalia Filgueira, coordinados e acompañados pola profesora Marisa Gómez.

Preme na imaxe para acceder á galería.

 

EXAMES PROBAS LIBRES CICLO MEDIO DE XESTION ADMINISTRATIVA

EXAMES PROBAS LIBRES CICLO MEDIO  DE XESTIÓN ADMINISTRATIVA

Distribuir contido