Ofrecemos unha coidada selección de recursos de información e orientación académica. As actividades propostas refírense ás seguintes cuestións:-Hábitos e técnicas de estudo: avaliación e recomedacións serias, específicas e audiovisuais.-Oferta de estudos universitarios de formación profesional e de ensinanzas de réxime especial.-Vídeos explicativos do conxunto da oferta de estudos de Formación Profesional.-Información detallada e audiovisual dos distintos graos universitarios.-Programa Informático Orienta 2015-16.

"A elección de estudos ou dunha profesión é un proceso longo". Este documento de Lourdes Otero Rodríguez móstranos, tras unha reflexión, os aspectos que contempla o Programa Orienta. Lembrámosvos que o Programa Orienta é unha ferramenta informática para que valoredes as distintas posibilidades que se abren ante vós.

ENLACE CO PROGRAMA ORIENTA

Facilitamos acceso ao programa informático Orienta 2016 como medio de axuda para a toma de decisións sobre o teu futuro académico. Preme na imaxe para ter acceso:

Este instituto tenta ir incluíndo, cada vez máis, as novas tecnoloxías na formación dos nosos alumnos. Por este motivo xurdiron estes blogs que agora optan a este prestixioso premio.

O pasado fin de semana, coincidindo coas festas do Lázaro, o IES García Barbón contou cun stand na feira e realizou unhas xornadas de portas abertas para dar a coñecer a súa actividade e oferta formativa.

Considéranse un éxito, especialmente o stand (que era a primeira vez que se realizaba). Moitas grazas a todas as persoas que se pararon por este, ás que preguntaron e ás que nos felicitaron pola iniciativa. Grazas tamén a Julia Morales polo seu traballo intenso na organización desta Feira do Lázaro. Igualmente, moitas gracias a xente que pasou polo instituto co fin de coñecernos. E, como non, grazas a todas as persoas que o fixeron posible (profesores, alumnos,...).

O IES García Barbón estará presente na Feira de San Lázaro, alí contará cunha caseta onde se facilitará información acerca da oferta informativa e das instalacións coas que conta. O horario na feira será dende as 10 h ata ás 20 h os días 12 e 13 de marzo (sábado e domingo).

Ademais, aproveitarase para realizar unha xornada de portas abertas no propio instituto. Así, poderase coñecer, ademais da oferta formativa, as instalacións e os medios cos que se conta neste instituto. Podedes achegarvos o sábado en horario de 17 h ás 20 h e o domingo de 11 h ás 14 h e de 17 h ás 20 h.

Tanto no stand como no instituto, estarán presentes profesores e alumnos, que poderán achegar aos visitantes as súas experiencias.

Só faltas ti!

Neste esquema pódese consultar toda a información sobre as Xornadas de Orientación 2016. A partir de agora xa estamos a pensar nas do ano que vén!

Esta é a avaliación do segundo día, 7 de marzo, das Xornadas de Información Académica e Orientación Académica 2016.

•  Primeiro día

• Segundo día

Xa só quédanos agradecer a toda a xente que fixo que estas xornadas puidésense realizar e que fosen un éxito. Xa estamos a pensar en repetir experiencia o ano que vén de novo!