Prepárate para celebrar a chegada da primavera e participa na elaboración do noso florido "maio" . Tamén podes vir recitar as túas satíricas coplas.
Coa chegada do mes de maio, os “maios” saen ás rúas das nosas vilas e cidades.
A "festa dos maios" é unha das manifestacións máis antigas da cultura popular. Os "maios" son figuras de madeira, adobiadas de follas, flores e froitos que celebran o final do inverno e a chegada da primavera.
Nas “Festas dos Maios” estas construcións, normalmente cónicas, desfilan polas rúas ó tempo que se recitan coplas, breves composicións xeralmente de carácter satírico e crítico coa actualidade. Entóanse acompañadas do ritmo de dous paus (a forma máis tradicional) e doutros instrumentos ou do son de elementos típicos galegos, como as cunchas de vieira.
Non hai “maios” sen coplas.
Poden ser alegres e primaverais, ou , as máis habituais, críticas e satíricas, sobre temas e personaxes de actualidade.
CONCURSO DE COPLAS
1. Poderá participar calquera membro da comunidade educativa do IES David Buján..
2. Cada participante comporá tres coplas, como mínimo coas seguintes características:
estrofas de catro versos de arte menor con rima nos pares e poden quedar soltos os impares.
ritmos marcado
as complas centraranse na crítica dun tema de actualidade: deportiva, escolar, municipal, política, ... cun ton de denuncia e reivindicación
3. Será condición indispensable que os traballos sexan orixinais e inéditos. O prazo de admisión rematará o 19 de maio ás 23:59 horas.
4. Admitirase un traballo como máximo por cada participante.
5. Os traballos enviaranse ao enderezo edlg@iesdavidbujan.gal xunto cos datos persoais da persoa participante
7. O IES David Buján poderá realizar unha exposición con todas as coplas presentadas a concurso.
8. Haberá gorentosos premios para todos os participantes. O premio para o gañador é unha camiseta do Reizentolo, se hai máis de 25 participantes.
9. A participación neste concurso implica a total aceptación das presentes bases.
10. Podes comezar as túas coplas cunhas estrofas introdutorias como as que veñen a continuación:
PARTICIPA
Tamén deixamos un vídeo onde Eira nos explica que son os maios e como facer coplas.
En Portugal o 25 de abril conmemórase o Día da Liberdade. A data celebra a revolta dos militares portugueses que o 25 de abril de 1974 deron un golpe de estado militar para acabar coa ditadura imposta por Salzar que durou 41 anos. Vitoriosos os revolucionarios conseguiron instaurar en Portugal un réxime democrático e unha nova constitución.
O símbolo do 25 de abril é o caravel, porque nese día uha muller regaloulles caraveis aos soldados como mostra de agradecemento. En sinal de gratitude, os soldados colocaron as flores nos canos das súas armas.
Desta forma, o 25 de abril en Portugal é coñecido como o Dia da Liberdade e o día da Revolução dos Cravos.
Deixamos unha versión de Pablo Alborán e Cecilia Krull para La Casa de papel da icónica canción de José Afonso (Grândola, vila morena), un dos máis importantes símbolos da data e un himno antifascista a nivel internacional.
O Día do Libro (tamén denominado Día Mundial do Libro e o Dereito de Autor, Día Internacional do Libro e Día Mundial do Libro) é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor. (Fonte: wikipedia)
No IES DAVID BUJÁN imos celebrar a data coa presenza da escritora Emma Pedreira Lombardía, autora de libros referencias da literatura galega recente. A actividade inscríbese, e é financiada polo Ministerio de Cultura e Deporte, dentro das Actividades de Promoción das Letras.
A escritora terá un primeira encontro co alumnado de 1º da ESO onde, acompañada dunha maleta, falará de libros. Despois será a quenda do alumnado de 2º da ESO, cos que falará da súa obra.
O EDLG do IES David Buján convoca un concurso de elaboración de marcapáxinas relacionados co autor homenaxeado no ano 2023 polo Día das Letras Galegas (17 de maio).
BASES
1. Poderá participar calquera membro da comunidade educativa do IES David Buján..
2. O marcapáxinas debe recoller algunha imaxe relacionada co autor ou a súa obra e tamén algún texto alusivo, fragmento, frase curta etc, sobre a súa obra en galego.
3. Será condición indispensable que os traballos sexan orixinais e inéditos. O prazo de admisión rematará o 12 de maio ás 23:59 horas e o xurado dará a coñecer a súa decisión na semana das “Letras Galegas”.
4. Admitirase un traballo como máximo por cada participante.
5. Cada marcador deberá ter dúas caras, medidas de 18×5 cm, formato PNG e resolución 300dpi.
6. Os traballos enviaranse ao enderezo edlg@iesdavidbujan.gal xunto cos datos persoais da persoa participante
7. O IES David Buján realizará unha exposición con todos os marcadores presentados a concurso.
8. Haberá gorentosos premios para todos os particpantes. O premio para o gañador é unha camiseta do Reizentolo
9. A participación neste concurso implica a total aceptación das presentes bases.
Xa se abre o concurso do mes de MARZO. Haberá, coma xa é tradicional, un sorteo de gorentosos premios entre todos os participantes (hai que rematar as dúas cancións). Entre todos os que fagan as dúas cancións tamén se sorteará unha camiseta que estará exposta todo o mes de febreiro na cortiza do EDLG, sempre que particpen máis de 40 persoas.
Nesta ocasión as cancións son "O mundo está derrotado", de Familia Caamagno e "Un pobo de artistas" de DAKIDARRÍA ft. Tanxugueiras, O Rabelo
Preme na ligazón e participa. Lembra enviar o teu nome completo e curso.
O sorteo será o día 24 de abril . Aberta a participación ata o 23 de abril.
Comeza o Musigal para escoller a canción do 2022 que máis nos gustou.
Participa propoñendocancións para seren incluídas nas roldas clasificatorias. Manda as túas proposta ao edlg@iesdavidbujan.gal ( co asunto "Musigal 2022") ou informa o profesorado de LG ou do EDLG. Podes conseguir puntos do EDLG
Tamén podes participar votando as cancións xa propostas, dende a túa sesión (coa conta do centro). Só podes votar unha vez por eliminatoria.
Para seleccionar as finalistas faranse tantas roldas como cancións se propoñan. Sortearase unha camiseta, bocatas e puntos do EDLG entre os que voten.
O IES David Buján, O IES Afonso X O Sabio e o Concello de Cambre convocan unha nova edición do Certame Literario Xoán Díaz. Ata o día 15 de abril está aberto o prazo para presentar traballos de poesía, narración e microteatro nas tres categorías (de 12 a 14, de 15 a 18 e de 19 a 26).
