Skip to Content

Calendario de exames Avaliación Extraordinaria de 1º de Bacharelato

Extraordinaria 1º de Bacharelato

Na ligazón que publicada ao final desta nova pódese consultar o calendario de exames para as probas da avaliación extraordinaria de 1º de Bacharelato no IES A Sangriña.

Aqueles/as profesores/as que teñan horas de docencia nas horas asignadas para estas probas de recuperación, priorizarán a proba sendo substituídos por un profesor/a de garda no grupo no que tiveren docencia asignada en simultáneo.

O calendario de exames pode consultarse premendo aquí.

Procedemento RECLAMACIÓN das cualificacións obtidas na avaliación de 1º de BACHARELATO e ESO

 

  

Consulta do procedemento e os prazos para a reclamación das cualificacións obtidas na avaliación ordinaria e extraordinaria de 1º de Bacharelato e de ESO premendo aquí.

 

Premios extraordinarios de ESO ao rendemento académico

Premios ESO

Os Premios extraordinarios de ESO ao rendemento académico van dirixidos ao alumnado que finalizase os estudos de educación secundaria obrigatoria neste curso nun centro docente da Comunidade Autónoma de Galicia. O prazo de solicitude é do 07/06/2024 ás 00:00 ao 08/07/2024 ás 23:59.

Poderá optar aos premios extraordinarios de educación secundaria obrigatoria ao rendemento académico o alumnado que cumpra os seguintes requisitos:

  1. Ter cursado durante o ano académico 2023/24 cuarto curso de educación secundaria obrigatoria no réxime ordinario en calquera dos centros docentes da Comunidade Autónoma de Galicia, seguindo o currículo oficial vixente nela.
  2. Estar proposto polo equipo docente para a expedición do título de graduado en educación secundaria.
  3. Ter obtido no conxunto dos catro cursos de educación secundaria obrigatoria unha nota media igual ou superior a 9,00 puntos. A nota media calcularase de acordo co establecido no artigo 29.2 da Orde do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia (DOG núm. 183, do 26 de setembro).

Todos os requisitos relacionados neste artigo deberán posuírse no día en que remate o prazo de presentación de solicitudes.

Para consultar a información completa e facer a solicitude, podes premer aquí.

Somos finalistas do concurso «Empresa familiar nas aulas»

Premios_AGEF_IES A Sangriña

O noso alumnado de Economía de 1º de Bacharelato acudiu a Santiago de Compostela para recibir o recoñecemento á súa participación no concurso «Empresa familiar nas aulas», do que foron finalistas.

«Empresa familiar nas aulas», organizado pola Asociación Galega de Empresa Familiar (AGEF) e Afundación, ten como obxectivo fomentar o espírito emprendedor da mocidade galega. Nesta cuarta edición, ademais das charlas de 18 empresarios en centros educativos e as visitas dos estudantes ás compañías familiares participantes, o programa incluíu un taller práctico de economía circular. Os IES Xoán Montes e Félix Muriel gañaron o concurso con proxectos de emprendemento sostible.

Roteiro xeométrico pola vila da Guarda

Roteiro xeométrico pola vila da Guarda

O alumnado de 3º de ESO do IES A Sangriña realizou un roteiro xeométrico pola vila da Guarda. Esta actividade foi organizada polo departamento de Física e Química.

De maneira práctica, os e as estudantes puideron facer exercicios lúdicos e ao aire libre de xeometría, parte das matemáticas que estuda o espazo e as formas e figuras que poden ocupalo.

Visitamos o Centro Domajó

Centro Domajó  IES A Sangriña

Os nosos alumnos visitaron o Centro Domajó. Alí puideron gozar de distintas propostas de adestramento na sala de Fitness e do adestramento funcional coa versátil pelota de Fitball.

Domajó é un centro deportivo especializado en; pilates, ximnasia correctiva, rehabilitación, aeróbic, fisioterapia, psicoloxía, fitness e musculación.

Para máis información podes consultar o seu Facebook aquí.

1º de ESO organiza un show benéfico para A Illa de Tali

A ILLA DE TALI IES A SANGRIÑA

O alumnado de 1º de ESO do IES A Sangriña está a organizar un show benéfico para conseguir fondos para axudar á Illa de Tali, un refuxio interespecie que ten como obxectivo o rescate, a rehabilitación e a adopción de animais, salvando todo tipo de vidas para darlles a segunda oportunidade que sempre mereceron despois de ser abandonados e/ou maltratados, coñecendo de diferentes xeitos a crueldade humana.

O show benéfico estrutúrase en volta dunha actuación musical que se vai celebrar o próximo 21 de xuño e para a que o alumnado está a vender entradas coa finalidade de conseguir diñeiro para conseguir financiar este refuxio interespecie.

Como parte deste proxecto, o noso alumnado visitou as instalacións da Illa de Tali e vivindo unha experiencia emocionante, consciente e moi amorosa e divertida.

Podes ver o álbum de fotos da excursión aquí.

Aquí podes saber máis sobre A Illa de Tali.

Imos de roteiro ao Monte Trega!!!

Roteiro Monte Santa Trega IES A Sangriña

O pasado venres 24 de maio, o noso alumnado de 3º de ESO realizou un roteiro ata o cumio do Monte de Santa Trega organizado polo Departamento de Inglés. 

A profesora Tessa Thomson, de Seattle, contou coas mellores guías turísticas. Foron as nosas  alumnas as que lle amosaron e explicaron en inglés temas de tanto interes como a historia castrexa, a desembocadura do Miño, a fronteira con Portugal ou as Festas do Monte.

Pasámolo xenial!!

Aquí podedes ver algunhas fotografías máis da xornada

Selección de centros e alumnado para o programa EduMob

Edumob Sangriña

A Consellería de Educación vén de publicar información sobre a selección de centros e alumnado matriculado en centros públicos de ensino non universitario da Comunidade Autónoma de Galicia para participar no programa EduMob de intercambio individual de alumnado. 

Achégase Resolución do 23 de maio de 2024, da Dirección Xeral de Ordenación e Innovación Educativa pola que se convoca a selección de centros e alumnado matriculado en centros públicos de ensino non universitario da Comunidade Autónoma de Galicia para participar no programa EduMob de intercambio individual de alumnado en réxime de reciprocidade con alumnado matriculado en centros pertencentes á Région Académique de Grand Est (Francia) durante o curso 2024/2025.

O prazo de presentación de solicitudes abrangue dende o día seguinte da súa publicación ata o 8 de xuño de 2024.

A solicitude realizarase a traves da sede electrónica da Xunta de Galicia

Calendario de exames Avaliación Extraordinaria de 2º de Bacharelato

Na ligazón que publicada ao final desta nova pódese consultar o calendario de exames para as probas da avaliación extraordinaria de 2º de Bacharelato no IES A Sangriña.

As datas e horas oficiais das probas poderán modificarse, de maneira excepcional, unicamente por acordo unánime entre o/a docente e a totalidade do alumnado convocado para a mesma. As eventuais modificacións deberán ter en consideración que a sesión da avaliación extraordinaria 2º de Bacharelato se adiantará ao martes 11 de xuño, unha vez que a Consellaría de Educación, Ciencia, Universidades e Formación Profesional vén de publicar que a matrícula para as probas extraordinarias da ABAU comezará o día 13 dese mesmo mes.

Aqueles/as profesores/as que teñan horas de docencia nas horas asignadas para estas probas de recuperación, priorizarán a proba sendo substituídos por un profesor/a de garda no grupo no que tiveren docencia asignada en simultáneo.

O calendario de exames pode consultarse premendo aquí.

Distribuir contido


by Dr. Radut