Skip to Content

CHARLAS DE DIVULGACIÓN DA UVIGO E A USC

Coa charla do pasado venres 16 de abril dáse por rematada a programación de charlas de divulgación científica e humanística no curso actual, organizadas desde o departamento de Orientación e departamentos didácticos de Bioloxía e Xeoloxía, Física e Química, Latín, e Grego, en colaboración coas Universidades de Vigo e Santiago.
Todas elas tiveron unha grande acollida e satisfacción por parte do alumnado ao que ía dirixido dos cursos finais de etapa, polo que agardamos continuar a colaborar para o vindeiro curso coas tres universidades de Galicia, ampliando á Universidade da Coruña.

Desde aquí queremos agradecer ao profesorado universitario que se trasladase ata o noso IES para procurar que os relatorios se desenvolvesen de xeito presencial.

TITORÍA ENTRE IGUAIS

O pasado día 24 de marzo aprobouse no claustro o programa TEI (Titoría entre iguais) e que xa se está a desenvolver desde o segundo trimestre co alumnado de 1º e 3º ESO. O programa de “Titoría entre iguais” trata de sensibilizar contra o acoso escolar e promove un modelo de relación entre compañeiros e compañeiras baseado no respecto mutuo, a corresponsabilidade e a solidariedade. Alumnado de 1º de ESO será titorizado por un compañeiro ou compañeira de 3º de ESO, que estará preto del ou dela coa finalidade de axudalo na súa integración no centro, diminuír a súa inseguridade, resolver os conflitos mediante o diálogo, actuar como referente para a mellora da autoestima e diminuír os desequilibrios de forzas que orixinan a violencia e o acoso.

Ante as circunstancias actuais e debido a necesidade de continuar cos protocolos Covid, tivo que ser adaptado e o obxectivo para este curso é inicialo no centro con actividades de sensibilización e de convivencia dentro do grupo, a desenvolver nas sesións de titoría. Coa aprobación do claustro do dito program, o noso IES A SANGRIÑA entra a formar parte da gran Rede Nacional de centros TEI, na que están implantando o Programa de Andrés Bellido (psicólogo) creador deste método que se desenvolve en mais de 1000 centros de toda España para a mellora da convivencia, prevención da violencia e acoso escolar.

Para obter máis información sobre o programa TEI e o problema do acoso escolar, recomendamos o visionado do programa á carta de RTVE "Crónicas", dedicado ao acoso escolar.

AGASALLA UN LIBRO E UNHA FLOR

Co gallo da celebración o vindeiro día 23 de abril do Día do Libro, desde a Bibliotrega queremos que vos animedes a participar na actividade Agasalla un libro e unha flor. 

A proposta é como segue: descarga unha imaxe da portada do libro que recomendarías ou ofrecerías, xunto coa imaxe dunha flor. Podes asinar ou non a túa recomendación. Se tes posibilidade de imprimilo en cor, entrégallo ao profesorado resposable da biblioteca (David Andrade e María Carneiro). Tamén podes remitilo á dirección de correo electrónico bibliotrega@gmail.com con data límite do vindeiro mércores día 21. As vosas propostas serán expostas para que sexan un agasallo para todas e todos, na celebración do Día do Libro.

 

A LUSOFONÍA VISTA DA GUARDA

Charlas sobre a “Adicción ao xogo”.

Este mes, o alumnado de 4º de ESO e 2”1º de bacharelato asistiu a unhas charlas sobre adiccion ao xogo impartidas polo psicólogo Antonio Tova de Llano. O relator comezou por unificar conceptos como xogo, xogo patolóxico e adicción, e analizou como inflúe nas persoas o xogo e a súa aceptación social a través da publicidade. Reflexionouse tamén sobre a repercusión do xogo no eido social, laboral e familiar, a súa presenza nas redes sociais e a súa afectación no rendemento da rapazada.

 

O alumnado do Ciclo Superior de Administración e Finanzas presenta os Proxectos de fin de Ciclo

O día 17 do pasado mes de marzo tivo lugar a presentación dos proxectos de fin de ciclo por parte dos alumnos de 2º Ciclo Superior de Administración e Finanzas.

Nestes traballos, realizados en grupos de entre 3 e 4 membros, preséntase e desenvólvese unha idea de negocio baseada non só na iniciativa persoal dos creadores senón tamén en datos obxectivos recadados a través de entrevistas, enquisas a través de plataformas web, informes económicos etc. Este proxecto supón a integración nun documento único e orixinal de todos os coñecementos, destrezas e experiencias adquiridos ao longo dos dous cursos do ciclo.

Os plans de empresa baseábanse nos seguintes negocios:

  • “Sala Jean”: creación dun salón recreativo e sala de bingo na Guarda.
  • “AllCars”: empresa dedicada á venda de coches usados procedentes de subastas e flotas, tamén na Guarda.
  • “Good Vibes”: é un tenda de produtos e xoguetes eróticos en Tomiño, tamén con venda online.
  • “Enxebre gran a gran”: aposta pola venda a granel de produtos alimenticios e de droguería para fomentar o consumo suficiente e o non uso de plásticos desbotables. Situada en Tui.
  • “Smoöy A Guarda”: franquicia da coñecida tenda de iogures xeados. 

Actuou como coordinador-titor o profesor J. Carlos López Pazos acompañado polos demais membros do equipo docente do grupo.

Obras premiadas no Concurso de Fotografía Matemática

Velaquí as fotografias premiadas no Concurso de Fotografía Matemática. Parabéns!

Primeiro premio:

Segundo premio:

Terceiro premio:

 

 

Obradoiro de iniciación á banda deseñada.

Este mércores 24 de marzo estará co alumnado de 1º de ESO, a través de videocondeferencia, Josuha Acuña Martínez (XanBreo), profesor de Debuxo especialista en banda deseñada e anatomía artística. Un luxo!

G

Medidores de CO2

Prégase a todo o profesorado que faga uso dos medidores de CO2 co fin de manter e controlar o mantemento das condicións sanitarias máis axeitadas desde o punto de vista da calidade do aire nas instalacións do centro. Se as medicións son moi elevadas (máis de 700 ppm) probade a apagar o medidor e acendédeo fóra da fiestra. Grazas a todas e todos pola vosa colaboración.

 

O vello dos contos.

Xa está no IES A Sangriña a exposición de Xosé Mosquera Pérez, "O vello dos contos", pioneiro da radio en Galicia. Trátase dunha mostra fotografica organizada polo Certame Escolar de Podcast e Relato Radiofónico Xosé Mosquera Pérez, que homenaxea a este persoeiro.
Nas vindeiras semanas achegarémonos á súa figura e aos comezos da radio en galego. Viva a radio na escola!

 

Distribuir contido


by Dr. Radut