Skip to Content

Matemáticas

Plan de Continxencia e Plan de ensino virtual ante a COVID-19

O Plan de Continxencia e Plan de ensino virtual ante a COVID-19 do IES A Sangriña para o curso 2020-2021, segundo o disposto na Resolución conxunta da Secretaria Xeral Técnica e da Secretaría Xeral de educación e Formación Profesional do 2 de novembro do 2020, queda dispoñible para consulta no arquivo adxunto.

Programacións didácticas dos Departamentos, curso 2020-2021.

Os documentos adxuntos conteñen as programacións didácticas de todos os Departamentos do IES A Sangriña, para o presente curso 2020-2021.

Addendas ás programacións didácticas, curso 2019-2020

Addendas ás programacións didácticas dos Departamentos, elaboradas por causa do estado de alarma declarado pola pandemia da COVID-19, durante o curso 2019-2020. Nelas recóllese a forma de avaliar no terceiro trimestre e no final de curso. 
Para acceder aos documentos requírese o seguinte contrasinal: addendas.

 

Rally Científico e Matemático sen Fronteiras 2020

Hoxe traémosvos unha boa nova! Un grupiño de rapazas e rapaces de 1º de ESO quedou seleccionado para concursar na final galega do Rally Matemático, tras realizar o exame o pasado día 10 de marzo.

O equipo participante está formado por alumnado de dous grupos, 1º ESO B e 1º ESO C. De 1º ESO B son Arantxa Baz Martínez, Ángela Lomba Adrover, Roberto Martínez Alonso e Raquel Méndez Rosales; de 1º ESO C, Bruno Alonso Alonso, Aleixo Constenla Ferradáns, Miguel Domínguez Vasconcellos e Paula Durán Baz.

A fase galega celebrarase, supostamente, o día 16 de abril na Facultade de Química de Santiago de Compostela.

Parabéns, rapazada!

Máis información na web de Igaciencia: http://www.igaciencia.eu/

II Concurso de Fotografía Matemática

O Departamento de Matemáticas convoca un ano máis o Concurso de Fotografía Matemática, para celebrar o Día de π, que non podía ser outro día máis ca o 14 de marzo.

O concurso está aberto ata o día 28 de febreiro; tendes as bases no arquivo adxunto.

Animádevos a participar!

Distribuir contido


by Dr. Radut