Se queres axudar a pomba da paz para que non canse de voar, pasa o rato por riba da imaxe.

 COMO WANGARI.

 NA ESCOLA DO CRUCEIRO QUIXEMOS CELEBRAR ESTE ANO O

DÍA DA PAZ

PRANTANDO ÁRBORES:

UN CAMELIO E UN CASTIÑEIRO, PARA O PRESENTE.

 SEMENTES DE CARBALLO PARA O FUTURO.

COMO WANGARI,

 SEMENTAMOS PAZ.

NA AULA DOS MAIORES DA ESCOLA DE CRUCEIRO, ESTE ANO ADMIRAMOS AS FERMOSAS POMBAS DA PAZ PINTADAS POR PABLO PICASSO.

PERO TAMÉN DESCUBRIMOS A IMPACTANTE OBRA NA QUE DENUNCIA O HORROR DA GUERRA.

NESTAS DATAS, QUIXEMOS FACERLLE UNHA HOMENAXE Ó PINTOR INTERPRETANDO FRAGMENTOS DA SÚA OBRA GUERNICA

" E SE TODOS DECIMOS NON!

A GUERRA SERÁ

O PASADO

E A PAZ O FUTURO"

Bertold Brecht

PRESENTÁMOSVOS A CÉSAR.

CÉSAR É O SACAPENAS DO NOSO COMPAÑEIRO CÉSAR.

A CÉSAR SACAPENAS FÍXOO A MAMÁ DE CESAR COMPAÑEIRO. PEDIULLO O SEU FILLO DESPOIS DE TER LIDO NA ESCOLA O CONTO QUE NOS PRESTOU A PROFE LAURA.

AGORA NA SÚA CASA TEÑEN UNHA HISTORIA E UN MONECO MÁIS E UNHAS CANTAS PENAS MENOS.

e...

AGORA QUE REMATA O PRIMEIRO TRIMESTRE QUEREMOS AMOSARVOS UNHA SELECCIÓN DOS TRABALLOS QUE LEVAMOS FEITO NO CADERNO DOS AMIGOS E AMIGAS DE DANIEL

SE QUERES VER ALGUNHA DAS ACTIVIDADES QUE FIXEMOS COS NOSOS COMPAÑEIROS DE CUVIDE NO POLIDEPORTIVO DE RIANXO E A AULA ACTIVA DO MAR...

SÍGUEME...

"Polo San Martiño,

trompos ó camiño!!"

Dixo a avoa Lola. Botouse a andar e chegou á escola.

Pero o trompo quedáralle na casa!.

Por fortuna, Aida estaba tamén na escola. Os nenos e nenas da escola de Asados nestas datas andan sempre co seu trompo ou buxaina, e Aida prestoulle o seu á avoa Lola.

Que dominio! 

O trompo xirou no cortizo e na baldosa do chan e ata nas mans de Aitor e da súa avoa!

Para se despedir a avoa Lola agasallounos con outro refrán:

" No San Martiño,

vellos ó abrigo,

noces e pan trigo"

- ONTE EN ASADOS CHEIRABA A PORCO CHAMUSCADO!. Dixo a profe

- É QUE HOXE É O SAN MARTIÑO. Decatouse Jorge

-   AI PORQUIÑO PEQUENIÑO, XA CHEGOU O SAN MARTIÑO. Cantou Andrea       

- TEMOS QUE ESCONDER Ó NOSO PORQUIÑO!! Lembrounos Cesar.

E alá fomos. A esconder o porco. Non vaia ser que veña alguén a collérnolo para facer xamón de papel.

Cando xa o tivemos ben escondido, enterámonos de algo que parece incrible:

" ALÁ ARRIBA NAQUEL MONTE

TEÑEN UN PORCO COLGADO,

E O QUE QUEIRA CHOURIZOS

QUE LLE TIRE POLO RABO "

Andrea, Rubén, Silvia, César, Borja, Jorge, Aitor, Iván, Paula, Rocío, Breogán, Miguel, Eloy, Raúl, Ainara, Hugo e Sol