Escola de Capela

DÍA DO LIBRO

Con motivo do día do libro quixemos escribir contos

para incluir no noso traballo dos castelos.

Fixemos a actividade en pequenos grupos.

Ao inicio houbo as típicas dificultades

para tomar decisións sobre

o que poñemos e o que non.

Pero finalmente houbo acordo e

incorporamos a nosa biblioteca tres novos exemplares.

Co traballo rematado quixemos compartilo cos compañeiros

nunha sesión de contacontos que imos a deixar subtitulada

porque aínda que normalmente non temos dificultades para berrar

(incluso máis da conta!) 

xa postos en escea, ás veces a vergonza fai das súas.

Aínda así fixémolo moi ben!!!

Félix, Uxía Lorenzo, Iker T., Xoel, Uxía Lojo e Marta

contáronnos:

"O AMOR"

Gabriel, Álex, Cristian, Xiana, Nerea e Kiara

contáronnos:

"OS PEIXES E O TIBURÓN"

Os máis pequenos, cunha pouquiña de axuda,

contaron:

"O CONTO DO CASTELO"

versionando o seu propio conto sobre a marcha,

empeñados en comezalo constantemente.

E é que como todo o mundo sabe:

Había unha vez...

Fotocopiados en formato mini, metemos os nosos contos

nunha caixa-castelo e achegámolos a casa

para compartir coas familias nun día tan especial:

CASTELO DE SOUTOMAIOR

O Mércores 17 de Abril visitamos o Castelo de Soutomaior.

Levábamos taaaaaanto tempo agardando!!!

Coa visita xa programada informáronnos de que

actualmente o Castelo non conta con monitores

que guíen as visitas.

Sen dúbida, esta foi unha moi mala nova,

pois somos moitos e a organización por parte

de guías ou monitores facilita o desenvovemento

das actividades nas que participamos.

Nese momento pensamos que xa non sería viable,

pero a profe Celia

(coordenadora de actividades complementarias)

non se desanimou e ofreceuse a preparar a visita

e xunto co profe Rubén facer de guías

para que a actividade puidera sair adiante.

Nós, que levamos tanto tempo traballando

sobre os castelos, queremos agradecerllo moi especialmente!!!

Co problema dos guías solucionado,

a choiva tivo que facer das súas

e obrigarnos a agardar unha semana máis.

Superados todos os contratempos,

finalmente realizamos a visita:

ENCANTOUNOS!!!

e volvemos a Capela

cun montón de fotos para o noso libro dos castelos.

DISNEYLAND

En Semana Santa Beltrán e Kiara visitaron ao seu avó en Suíza

e aproveitando a viaxe achegáronse novamente a Disneyland Paris.

Coma sempre acordáronse de nós e volveron con moito que contar,

fotos para ensinar e bombóns para compartir!!!

Moitas grazas chicos!

Aproveitamos a ocasión para saudar ao seu avó

e agradecerlle que sempre se acorde de nós enviándonos bombóns

(que por certo, están boísimos!).

SALÓN DO LIBRO

O Martes 19 de Marzo visitamos o Salón do libro en Pontevedra.

Primeiro percorremos a exposición "A toda máquina"

e despois asistimos á obra de teatro "Os seis barbudos".

POLIDEPORTIVO

O Mércores 13 de Marzo achegámonos ata o polideportivo de Rianxo

para participar na sesión de educación física correspondente ao segundo trimestre.

Aproveitamos o desprazamento para visitar a Biblioteca do Concello

e fixemos moito deporte!

BIBLIOTECA

O Xoves 7 de Marzo achegámonos ata a biblioteca do CRA

para participar na sesión correspondente ao segundo trimestre.

Nesta ocasión chegamos ata alí convidados por OQO Editora:

unha fábrica de contos!!!

Álex e Patricia foron os esncargados de contar, cantar, tocar,...

historias que saen da súa fábrica.

MOITAS GRAZAS!

CASTELO E SOL

"Castillo y Sol" Paul klee 1928.

PARABÉNS!!!

O Venres festexamos o aniversario de Uxía Lorenzo.

É a máis maior da aula de infantil: xa ten 6 anos!!!

PARABÉNS CHICA!

A FESTA DO ENTROIDO

Os castelos tivéronnos (e terannos) ocupados durante un tempo:


O xoves pasado trasladamos parte do traballo de aula

ata o centro cultrural para ambientar o espazo da festa do entroido.

A partir de aí, as familias fixeron o resto.

Con moita imaxinación e algunha que outra creación propia,

completaron o noso traballo e deixaron todo listo

á espera de que o tempo nos dera unha tregua.

E así foi!!!

O venres 8 de Febreiro puidemos festexar o entroido

xunto con todos os compañeiros e compañeiras do CRA.

O pasarrúas,

que abarcou dende a Prehistoria ata a Idade Media,

contou coa participación de:

prehistóricos, picapedras, guerreiros, vikingos,

exipcios, romanos, bufóns, damas, cabaleiros,…

Tod@s estaban guapísim@s!!!

Nós desfilamos de bufóns.

 E aínda que tivemos algunha dúbida, ao final atrevémonos co xornal.

Como sempre, as familias estiveron aí para facer posible a idea.


Con tanto axetreo, esquecémonos de facerlles unha foto de grupo aos pais e nais.

Que pena!

Estaban moi guapos e moi simpáticos,

xa que con moito sentido do humor decidiron acompañarnos disfrazados!

Pola ilusión posta na organización e o traballo realizado:

un aplauso para as familias!

E aínda que xa o saben:

MIL GRAZAS POR TODO!

Distribuir contido