Skip to Content

Novas

Participamos na XVI Feira Matemática en A Coruña, organizada por Agapema

Lun, 17/04/2023 - 17:39

O pasado sábado 15 de abril de 2023, participamos en Palexo (A Coruña) na XVI Feira Matemática organizada por Agapema. As alumnas de 3º ESO Sara Pereiro Vázquez e Yurena Rodríguez Rey, en representación das súas compañeiras e compañeiros, xunto co seu profesor de Bioloxía e Xeoloxía, Xacobo de Toro, atenderon o stand do Colexio oficial de Médicos de A Coruña amosando o seu proxecto RCP e convidaron aos asistentes á feira a fabricar os seus torsos con materiais reciclados.

Compartindo experiencias educativas de emprendemento no VI Encontro Arteixo Innovación

Xov, 13/04/2023 - 18:08

O Pasado mércores 12 de abril a directora, Gema Castro, e a xefa de estudos de ESO, Raquel Veira, asistiron ao VI Encontro de Experiencias "Arteixo Innovación" no que Marta Marzoa, Xerente da Asociación de Empresarios do Polígono de Sabón, compartiu co resto de asistentes, nomeadamente representantes de empresas e centros educativos, as experiencias educativas de emprendemento desenvolvidas en colaboración entre AEPI Sabón e o CPI O Cruce, desde os inicios co PROEM ata UnReCre o Erasmus+ sobre emprendemento, reciclaxe e creatividade que nos levou de viaxe a Grecia no curso anterior.

Día mundial da auga 22 de marzo

Mér, 22/03/2023 - 15:28

Mural dia auga elaboracion

O mércores 22 de marzo conmemoramos o día mundial da auga, traballando nas aulas con actividades de sensibilización para fomentar un consumo responsable e o alumnado de 2ºESO A elaborou un mural no que se pon de manifesto que cada pinga de auga conta. Para iso contou coa colaboración do alumnado de infantil e primaria xa que cada estudante desas estapas pintou a súa propia pinga e se foron pegando todas xuntas ao longo da mañá.

Día internacional dos bosques 21 de marzo

Mar, 21/03/2023 - 15:14

Alumnado 2ºA recollida de lixo

O martes 21 de marzo de 2023 conmemoramos o día internacional dos bosques cunha recollida de lixo en espazos naturais na contorna do centro. O alumnado de 2ºA que traballa neste curso na conmemoración das datas máis sinaladas da axenda verde planificou e desenvolveu a actividade.

Curso SVB e DEA no CPI Plurilingüe O Cruce

Mar, 21/03/2023 - 15:12

O pasado luns 20 de marzo o profesorado do CPI Plurlingüe O Cruce participou nun curso de soporte vital básico e uso de desfibrilador externo automático organizado polo Concello de Cerceda no centro. Unha formación moi interesante para estar preparados no caso de ter que actuar ante unha emerxencia.

Podcast do 8M Día da Muller

Lun, 06/03/2023 - 13:20

Co gallo da celebración do Día da Muller, o vindeiro mércores 8 de marzo, o equipo de biblioteca do centro entrevistou na radio escolar do CPI Plurilingüe O Cruce a dúas mulleres de Cerceda: María e Marta de edades diferentes. Falaron de estudos, traballo, sociedade no seu conxunto... reflexionando sobre os tempos de antes e os de agora no día a día das mulleres, esperamos que vos guste e que sirva como punto de partida de bos debates o podcast que elaboraron e que compartimos a continuación:

Grazas ao equipo de biblioteca polo seu traballo e a Marta e María por visitar a nosa radio e por compartir con nós as súas vivencias.

Premio para o alumnado de 3º ESO no concurso escolar sobre RCP do Colexio Oficial de Médicos

Lun, 27/02/2023 - 18:59

Premio RCP

No día de hoxe o alumnado de 3º ESO recibiu na Cidade de Cultura un premio pola súa participación no concurso escolar sobre reanimación cardiopulmonar do Colexio Oficial de Médicos. Os centros premiados foron xunto co noso, Centro Público Integrado CPI O Cruce, o instituto IES Perdouro de Burela, o colexio Peleteiro de Santiago de Compostela e o colexio CEIP Isidro Parga Pondal de Oleiros. 

Distribuir contido


by Dr. Radut