Skip to Content

CPInclue

Actividades e proxectos enmarcadas no programa CPInclue, nomeadamente, nas liñas de inclueT, igualaT, emocionaT e conviveT

Quen e quen do Día Internacional da muller 8M

Ven, 08/03/2024 - 13:01

Para a conmemoración do Día internacional da Muller 8 de marzo, profesorado de secundaria do centro instalou no taboleiro da entrada un xogo xigante de "Quen é quen?" de mulleres importantes na actualidade e ao longo dos tempos en deportes, ciencia, literatura, arte e política.

Día da Paz 30 de xaneiro 2024 - Lipdub ESO

Mar, 30/01/2024 - 06:41

O alumnado de ESO, polo día da paz do 2024, creou para vós este lipdub en colaboración co seu profesorado.

Conmemoración do día internacional das persoas con discapacidade

Mér, 06/12/2023 - 08:37

Co gallo do día internacional das persoas con discapacidade, 3 de decembro, na tarde do martes realizamos no centro unha "xincana dos sentidos" na que o alumnado de ESO tivo que superar unha serie de retos poñéndose no lugar de persoas con diferentes capacidades.

Conmemorando o 25N

Mar, 05/12/2023 - 05:17

Con motivo do Día Internacional para a Eliminación da Violencia de Xénero, pedímoslle ao alumnado de secundaria que participase nalgún dos concursos organizados polo Equipo de Dinamización da Lingua Galega (concurso de lemas) e pola Equipo de Biblioteca (concurso de microrrelatos).

Os resultados foron moi interesantes como se pode comprobar nas fotos que se achegan.

As gañadoras no concurso de lemas foron:

  • na primeira categoría (1º e2º ESO): Gemma Cameán Suárez
  • na segunda categoría (3º e 4º ESO): Andriely Katily Guedes Matias e Liana Miranda Sousa

Así conmemoramos no centro o 25 N: Día internacional da eliminación da violencia contra as mulleres

Dom, 26/11/2023 - 15:10

Co gallo do 25 de novembro, Día Internacional da eliminación da violencia contra as mulleres, leváronse a cabo no centro diversas actividades orientadas a contribuir á prevención e eliminación deste problema social tan grave.

O alumnado de 4º ESO pintou un mural no patio no que os ladrillos en negro representan as mulleres asasinadas, vítimas de violencia machista, entre o 25 de novembro do ano pasado e o 25 de novembro deste ano.

Invasión zombi no CPI O Cruce

Mar, 31/10/2023 - 09:31

Este artigo foi empregado para introducir un xogo de escape de Samaín que fixemos co alumnado de ESO na tarde do martes 31 de outubro. No xogo desenvolvemos actividades de: lóxica, retos lingüísticos, matemáticos, puzzles, tangram, origami, música, arte e moito máis, podedes ver máis fotos no Instagram co Club de Ciencia.

Warning Danger GIFfrom Warning GIFs

 

Esta tarde de martes 31 de outubro no CPI Plurilingüe O Cruce está sendo algo complicada... Mentres o profesorado estaba comendo castañas do magosto e o alumnado ultimando detalles dos disfraces de Samaín, un feixe de zombis chegaron a Cerceda e asaltaron o recinto do cole invadindo algúns dos seus espazos. Os xornais xa publican a fatal noticia...

Distribuir contido


by Dr. Radut