Invasión zombi no CPI O Cruce

Este artigo foi empregado para introducir un xogo de escape de Samaín que fixemos co alumnado de ESO na tarde do martes 31 de outubro. No xogo desenvolvemos actividades de: lóxica, retos lingüísticos, matemáticos, puzzles, tangram, origami, música, arte e moito máis, podedes ver máis fotos no Instagram co Club de Ciencia.

Esta tarde de martes 31 de outubro no CPI Plurilingüe O Cruce está sendo algo complicada... Mentres o profesorado estaba comendo castañas do magosto e o alumnado ultimando detalles dos disfraces de Samaín, un feixe de zombis chegaron a Cerceda e asaltaron o recinto do cole invadindo algúns dos seus espazos. Os xornais xa publican a fatal noticia...

Para conseguir saír do cole con seguridade necesitamos resolver unha serie de retos que nos levarán a averiguar que espazos da planta baixa están libres de zombis... Seguide atentamente as intrucións das profas e profes...

Ademais de permitirvos chegar sans e salvos ao bus para volver a casa, resolver ben todos os retos terá premio!

BENVIDAS E BENVIDOS AO NOSO XOGO DE ESCAPE DE SAMAÍN