Skip to Content

INFORMACIÓN DE INTERESE

NOVAS

 

 ADMISIÓN E MATRÍCULA

 

COMEDOR

 

SECRETARÍA VIRTUAL

AXUDAS


 CALENDARIO ESCOLAR

 

 

 

Admisión alumnado curso 2024/25

INTERCAMBIO LINGÜÍSTICO E CULTURAL – BRETAÑA (FRANCIA) 2023/2024

 

Do venres 16 ao venres 23 de febreiro 2024, o CPI O Cruce acolleu a 20 alumnos franceses de Riantec (na Bretaña francesa) e as súas respectivas profesoras.

A través do programa EduExchanges, os alumnos franceses viñeron a coñecer a seus amigos de 3º e 4º da ESO, cos que realizan intercambios regulares dende fai varios meses, aloxándose nas súas respectivas casas. Asistiron ás clases e ás distintas actividades que lles preparamos no colexio: experimentos, gravación dun podcast e incluso celebración do día de Rosalía de Castro no Auditorio. Ademais descubriron todos xuntos algúns dos atractivos turísticos da nosa provincia visitando as cidades de Santiago de Compostela e da Coruña.

Este proxecto non só busca fortalecer as habilidades lingüísticas dos nosos estudantes, senón tamén fomentar a comprensión intercultural e a apreciación mutua. Confiamos en que esta experiencia contribuirá de maneira significativa ao desenrolo persoal e académico do noso alumnado.

Dentro dunhas semanas devolverémoslles a visita... À bientôt!

Celebrando o Día de Rosalía

Con motivo da conmemoración do Día de Rosalía, o alumnado de 2ºESO gravou unha serie de vídeos nos que recitaban algúns poema (ou fragmentos de poemas) da escritora homenaxeada.

  • En 2ºA o texto elixido foi a cuarta estrofa de “A gaita galega”, publicado en Cantares Gallegos.
  • En 2ºB o texto seleccionado foi o poema “A xustiza pola man”, publicado en Follas Novas.
  • En 2ºC o texto que se reproduciu foi un fragmento de “Has de cantar” (todo o apartado III e parte do IV), da obra Cantares Gallegos. 

Podedes visionalos premendo no enlace do título.

Aproximación ao (de)sexo

O 6 de febreiro o alumnado de 3º e 4º da ESO participou nunha actividade consistente nun teatro-foro co título de “A pornografía na adolescencia”, da man da compañía Talía Teatro.

Tratábase dun programa de investigación teatral que terá como finalidade a montaxe dunha peza dramática titulada “Desexo”.

O punto de partida era unha serie de escenas inconclusas para as que o alumnado debía facer propostas coas distintas formas de continuar e os finais posibles.

Para levar a cabo a actividade contamos cunha parella de actores, Marta Ríos e Daniel Trillo, que interpretaban todas as escenas; Bárbara Penas, a sexóloga que asesoraba o programa; e Diego Rey, coordinador do programa e director da obra resultante.

Un interesante programa que pon de manifesto o traballo que aínda queda por facer coa mocidade.

Conmemoración do Día Internacional da Muller e a Nena na Ciencia e visita do secretario xeral técnico

 

No día de hoxe realizamos no centro varias actividades en relación coa celebración do Día Internacional da Muller e a Nena na Ciencia que será o vindeiro domingo 11 de febreiro. Comezamos cunha charla en liña coa astrofísica Evanthia Hatziminaoglou coa que contactamos a través do programa Skype a Scientist. Ela falounos do seu traballo como investigadora no Observatorio Europeo Austral (ESO) en Alemaña e como xefa do Centro Rexional ALMA, o radiotelescopio máis potente do mundo, situado en Chile e tamén da importancia do papel da muller na ciencia e da conmemoración deste día.

Por outra banda persoal dos CFRs de Ferrol e A Coruña acompañounos ao longo da mañá para presentar o kit didáctico de Polos Creativos creado especialmente para este día. O kit está formado por cinco actividades lúdicas para o alumnado sobre mulleres e ciencia e tamén astrónomas en particular. 

Contamos tamén coa visita do secretario xeral técnico, Manuel Vila, e persoal do seu equipo que compartiu a xornada co alumnado participando activamente nos xogos. Foi unha mañá moi interesante e divertida na que aprendemos e gozamos moito. Grazas todas e todos pola organización e por participar. 

Máis información | Edu XuntaGaliciaPress e Instagram do Club de Ciencia

Entroido 2024: mandadiños do Bartolo para E. Infantil e E. Primaria

Distribuir contido


by Dr. Radut