Skip to Content

Proxectos Europeos

Compartindo experiencias educativas de emprendemento no VI Encontro Arteixo Innovación

O Pasado mércores 12 de abril a directora, Gema Castro, e a xefa de estudos de ESO, Raquel Veira, asistiron ao VI Encontro de Experiencias "Arteixo Innovación" no que Marta Marzoa, Xerente da Asociación de Empresarios do Polígono de Sabón, compartiu co resto de asistentes, nomeadamente representantes de empresas e centros educativos, as experiencias educativas de emprendemento desenvolvidas en colaboración entre AEPI Sabón e o CPI O Cruce, desde os inicios co PROEM ata UnReCre o Erasmus+ sobre emprendemento, reciclaxe e creatividade que nos levou de viaxe a Grecia no curso anterior.

O CPI O Cruce recibe o Recoñecemento á calidade dos proxectos Erasmus+ 2022

O Servizo Español para a Internacionalización da Educación (SEPIE), celebra as súas "Xornadas Anuais de Difusión e Informativas Erasmus+" nestes días 19 e 20 de decembro de 2022, de xeito presencial no Teatro Real de Madrid e virtual con streaming a través da canle de Youtube do SEPIE.

Viaxe a Bélxica de 2º ESO maio 2022 no marco do proxecto Erasmus+ DLAB

Alumnado de 4º ESO viaxou a Grecia no marco do proxecto Erasmus+ "Undertaking, Recycling and Creating"

Recentemente 12 estudantes de 4º ESO viaxaron a Grecia, xunto coas profesoras Asunción del Valle, Pilar Tabarés e Raquel Veira, no marco do proxecto Erasmus+ "Undertaking, Recycling and Creating" coordinado pola Asociación de empresarios do polígono de Sabón. 

De Cerceda ao Parlamento Europeo. O Cruce na CRTVG

Como sabedes a iniciativa do alumnado de 4º ESO para que as linguas cooficiais, catalán, euskera e galego, sexan recoñecidas como tales no Parlamento Europeo tivo moita repercusión mediática nestes días e moitos apoios traducidos en xa máis de 3000 sinaturas en Change.org.

Moitos foron os medios, de prensa escrita e de radio, que se fixeron eco da proposta e tamén a CRTVG veu ao centro a gravar unha reportaxe para saber máis do papel de alumnas e alumnos como embaixadoras e embaixadores do Parlamento Europeo e da iniciativa das linguas cooficiais en particular.  Podedes ver o vídeo completo premendo na imaxe sobre estas liñas.

Parabéns nenas e nenos, bo traballo!

Video de presentación do CPI O Cruce como Escola Embaixadora do Parlamento Europeo

Participamos na Maker Faire Galicia co proxecto Erasmus+ Ocean Connections

Mañá, 20 de novembro, participaremos xunto co CESGA, na xornada adicada a educación da Maker Faire Galicia 2020 co noso proxecto europeo Erasmus+ Ocean Connections.

Ao longo do día faremos varias conexións en directo para explicar pormenorizadamente o desenvolvemento do proxecto e os seus resultados, non o perdades!

Máis información | Ocean Connections e Maker Faire Galicia

Distribuir contido


by Dr. Radut