Entre os días 5 e 11 de novembro de 2023, 25 alumnas e alumnos de 1º ESO participan na Digitalweek no centro de inmersión lingüística de Os Peares. Organizado pola CCEFPU, é un programa de inmersión lingüística en inglés a través do desenvolvemento de actividades dixitais, nomeadamente: robótica, creación de páxinas web, deseño, escaneo e impresión 3D e tamén actividades físicas, de convivencia e cultura.

Máis información | Digitalweek

O alumnado de 3º ESO de Educación Dixital participou no mes de novembro na EU Code Week cunha actividade que consistiu en deseñar e construir taboleiros Bee-Bot para o alumnado de 6º de Educación Infantil e 1º de Educación primaria. 

A pasada semana tivemos o pracer de recibir, no marco do programa de acreditación Erasmus+ KA121 2021/27, a visita do experto convidado  profesor Lukasz Kosowski, nado en Polonia, reside e traballa como formador de profesorado na República Checa. Entre os días 2 e 6 de outubro desenvolvemos con el actividades de formación, observación de aula e reflexión con profesorado do centro de todas as etapas educativas (Infantil, Primaria e ESO).

Moitos de vós lembraredes que hai dous anos co gallo da nosa participación no programa de escolas embaixadoras do Parlamento Europeo, alumnado de 4ºESO iniciou en redes sociais unha campaña para oficializar a lingua galega no Parlamento Europeo que tivo moita repercusión. Hoxe en La Voz de Galicia lembran que o noso alumnado foi pioneiro nesa reivindicación.

Máis info | La Voz de Galicia