Skip to Content

Novas

Modelo Declaración Responsable para descarga

Resumo do protocolo COVID do centro

Para tratar de aclarar as dúbidas que lóxicamente xenera este inicio de curso tan singular, elaboramos un resumo do protocolo do centro que compartimos agardando que resulte de utilidade para toda a comunidade educativa. 

Agradecemos a vosa colaboración e comprensión nestes días complicados e agardamos que o curso que imos comezar se desenvolva con toda a normalidade que o contexto sanitario permita.

 

Modelos de autorizacións para saída e recollida de alumnado

Co obxectivo de axilizar trámites neste inicio de curso, publicamos os modelos de autorizacións para saída e recollida do alumnado do centro.

Pódense descargar e imprimir para entregar xa cubertos, pero tamén hai opción de recollelos impresos no propio centro.

 

Protocolo de adaptación ao contexto da Covid-19

Actualizado á versión 3. En proceso de edición e mellora.

Achégase versión 1 do Plan de adaptación ao contexto COVID 19 xunto cos planos de circulación e recreos.

Publicación das cualificacións da convocatoria extraordinaria de setembro e novo prazo de matrícula (ESO)

As cualificacións correspondentes á convocatoria extraordinaria de setembro publicaranse en Abalar o venres día 4 de setembro ás 10h.

O alumnado de 4º ESO (ou doutros cursos da ESO se precisa algún tipo de informe/certificación) pode recoller a documentación correspondente a partir do mesmo venres día 4.

Ábrese tamén nesa data o prazo para o alumnado da ESO pendente de matricular no centro para o curso 2020/2021. O novo prazo de matrícula será do 4 ao 10 de setembro de 2020.

Poden imprimir os impresos desde esta ligazón ou recollelos na secretaría do centro.

Nova versión do protocolo de adaptación do contexto da Covid-19 e incorporación gradual do alumnado ao inicio do curso

Actualización: modificación das datas de inicio do curso en ESO, despois do anuncio da Xunta da decisión de adiar o mesmo.

O curso escolar en Galicia comezará o 10 de setembro coa incorporación gradual do alumnado:

  • O xoves 10 de setembro iniciará o curso o alumnado de 4º curso de Educación Infantil (3 anos) e 5º de Infantil e 1º, 2º e 3º de Educación Primaria.
  • O venres 11 de setembro, iniciarán o curso escolar as alumnas e os alumnos de 6º de Educación Infantil e de 4º, 5º e 6º de Educación Primaria.
  • O mércores 16 23 de setembro volverán ás aulas os alumnos e as alumnas de 1º e 2º de ESO.
  • O xoves 17 24 de setembro farao o alumnado de 3º de ESO.
  • E finalmente o venres 18 25 de setembro incorporarase o alumnado de 4º de ESO.

Este calendario gradual facilitará a adaptación do alumnado ás novas dinámicas do centro.

Por outra banda, as "Instrucións polas que se incorporan a declaración de actuacións coordinadas en materia de saúde pública aprobadas polo Consejo Interterritorial do Sistema Nacional de Salud Pública e a actualización das recomendacións sanitarias do Comité Clínico ao protocolo do 22 de xullo de adaptación ao contexto da COVID 19 nos centros de ensino non universitario de Galicia para o curso 2020-2021" poden consultarse na seguinte ligazón: Protocolo Covid versión 31/08.

Ponse tamén a disposición unha versión reducida do protocolo (36 páxinas) denominada: "Guía resumo"

Protocolo para o desenvolvemento das probas da convocatoria extraordinaria de setembro

A vindeira semana terán lugar as probas correspondentes á convocatoria extraordinaria de setembro, de acordo co calendario publicado no mes de xullo e de forma presencial, se a situación sanitaria o permite. 

Para tratar de garantir a máxima seguridade posible, achegamos o seguinte protocolo que inclúe unha serie de medidas básicas que todas e todos deberemos respectar. Agradecemos que o alumnado que teña que se presentar a probas no centro, nos días 1 e/ou 2 de setembro, o lea con detemento para asegurar o seu cumprimento.

Distribuir contido


by Dr. Radut