Skip to Content

Novas

Clube de lectura 4º

Xov, 21/12/2023 - 06:12

Durante este trimestre, as nosas alumnas do clube de lectura de 4º de E.P. estiveron lendo o libro ''O misterio dos fillos de Lúa'', da nosa autora patria, Fina Casalderrey. Cando fixemos a reunión todas estivemos dacordo en que o libro fora moi entretido de ler, e moi divertido, pese a que non contaba moito. A historia, narrada dende o punto de vista dun neno, que quere descubrir quen rapta aos fillos da súa gata Lúa, e moi cotiá, contándonos o día a día na aldea dun neno, a súa familia e a súa amiga Blanca.

Como non podía ser doutra forma, decidimos que queriamos decorar uns gatiños, como os fillos de Lúa, así que imprimimos uns cantos na impresora 3D e pintámolos con pintura acrílica. Este foi o resultado, e cada unha puido levar o seu gatiño a casa.

Club lectura 4º

Clube de lectura 3º

Xov, 21/12/2023 - 06:04

Como cada ano, comezamos un novo clube de lectura no curso 2023/2024, esta ano coa incorporación dos nenos e nenas de 3º de Primaria. O alumnado de ambas clases estivo moi motivado con esta actividade, xa que o libro que mandamos ler: ''Perrock Holmes y el scape room imposible'', tivo unha gran acollida. 

Comezamos falando sobre o libro, dando liberdade aos nenos para comentar a súa opinión, que en xeral foi positiva. Moitos nenos/as consideráronno un libro moi divertido, e quedaron con ganas de seguir lendo esta saga. Falamos tamén da relación entre os irmáns protagonistas, e de que moitas veces queremos aos nosos irmáns e irmás, aínda que nos pelexemos con eles/as.

Por último, fixemos un scape room na biblioteca, donde o alumnado tiña que atopar tres números, resolvendo puzzles, encrucillados e xeroglíficos. Pasámolo moi ben, e os/as participantes tiveron un pequeno premio ao acabar a proba. Esperamos con moitas ganas o clube de lectura do seguinte trimestre.

 

 Club lectura 3º

Feliz Nadal

Lun, 18/12/2023 - 17:59

O alumnado de lingua latina deséxavos unhas boas festas e un feliz ano novo 2024.

Podedes ver o vídeo da felicitación pulsando no seguinte enlace: Felicitación

Visita de profesoras do Agrupamento de Escolas de Trancoso

Lun, 18/12/2023 - 08:05

Na semana do 11 ao 15 de decembro de 2023 tivemos no centro ás profesoras Cristina e Rosa do Agrupamento de Escolas de Trancoso (Portugal) facendo unha actividade de job shadow no marco da acreditación Erasmus+.

Fabricamos xabrón con aceite de cociña reciclado e filtrado

Mér, 06/12/2023 - 13:27

No marco do CPInnova, na liña de sostibilidade, traballamos na reciclaxe de aceite de cociña, procedente das casas dos membros da comunidade educativa e do propio comedor do centro. De xeito conxunto do departamento de Artes Plásticas e o de Física e química traballan neste proxecto interdisciplinar co alumnado de 4º ESO fabricando con este aceite usado, unha vez filtrado, xabrón para uso doméstico.

Actividades para unha "Mobilidade segura e saudable" co alumnado de ESO

Mar, 28/11/2023 - 19:18

aesleme

Ao longo do mes de novembro, no marco da campaña de MOBILIDADE SEGURA E SAUDABLE, o alumnado de 1º, 2º e 3º da ESO asistiu a unha charla “PODE PASARCHE” impartida por un compañeiro de AESLEME (Asociación para o Estudo da Lesión Medular Espinal). A charla constou das seguintes partes: Factores de risco, medidas preventivas, actuación en caso de accidente e consecuencias dos accidentes.

No caso do grupo de 4º da ESO, a charla “SE CONTROLAS VOLVES” centrouse en que o alumnado coñeza os efectos do consumo de alcol e drogas, traballar a presión grupal para que aprendan a dicir NON e o fomento do condutor alternativo cando saen e teñen que coller algún vehículo para volver a casa.

A finalidade deste programa de prevención é que os rapaces e as rapazas do centro coñezan de primeira man os riscos e as consecuencias dalgunhas condutas imprudentes.

Así conmemoramos no centro o 25 N: Día internacional da eliminación da violencia contra as mulleres

Dom, 26/11/2023 - 15:10

Co gallo do 25 de novembro, Día Internacional da eliminación da violencia contra as mulleres, leváronse a cabo no centro diversas actividades orientadas a contribuir á prevención e eliminación deste problema social tan grave.

O alumnado de 4º ESO pintou un mural no patio no que os ladrillos en negro representan as mulleres asasinadas, vítimas de violencia machista, entre o 25 de novembro do ano pasado e o 25 de novembro deste ano.

Distribuir contido


by Dr. Radut