O curso comezará o xoves 8 de setembro. Nos vindeiros días comunicaremos horarios e novidades deste curso no que comeza a implantación da LOMLOE nos cursos impares.

Cambio Relixión/Valores:

Si algún pai/nai desexa facer o cambio de relixión a valores ou viceversa, poden facelo antes do inicio do curso, ata o día 7. Teñen que pasar pola secretaría do centro e completar o formulario correspondente.

Coa implantación da LOMLOE (este curso en 1º, 3º e 5º) a materia de valores desparece e pasa a ser Proxecto Competencial. 

Publicada a listaxe provisional do fondo solidario de libros de texto: 7/7/22. 

Período de reclamación: 2 días seguintes á publicación: Venres 8 e luns 11 de xullo.

A entrega de libros será en Setembro. 

Temos libros suficientes en 4º, non é necesario mercar ningún libro neste nivel agas o de inglés (é un cadernillo) polo que todo alumnado recibirá un lote de 5 libros do centro, ainda que non fixeran a solicitude. 

O alumnado de 3º que resultou beneficiado coa axuda de fondolibros ten asignado un nº determinado, 4 ou 5 libros (un total de 31 alumnos/as). Repartiranse os primeiros días do curso. O alumnado que non teña axuda ou que non lle corresponden todos os libros, deben mercalos. 

Libros de texto para o vindeiro curso 22/23.

5º e 6º: Están incluídos dentro do proxecto Edixgal

3º: Renovación de libros pola adaptación ao curriculo LOMLOE. Mercar o activity book (en vermello). Podénse mercar co cheque de axuda a material.

4º:Fondo liros do centro. Mercar o activity book (en vermello).

1º e 2º: Funxibles, non mercar ata setembro.

(Arranxado un erro: o libro de naturais de 2º ponia que era en castelán cando en realidade é en galego. O isbn estaba correcto en galego, pero podìa inducir a error)

Benqueridas familias, 

Durante todo o mes de xuño poden matricular ao alumnado para o vindeiro curso. O prazo remata o día 30, pero queremos recordarlles que si queren solicitar as axudas de libros e material escolar, estas finalizan o 22 de xuño, polo que recomendamos que realicen ambos trámites con anterioridade a esta última data.

 Documentación para matrícula: (a instancia e autorización poden descargalas picando nelas)

 Instancia de matrícula curso 2022/23.

 Autorización uso de imaxe.

 Fotocopia DNI dos pais ou titores legais.

 Fotocopia  de todas follas do libro de familia; da cartilla da Seguridade Social e da cartilla de vacinacións.

 Dúas fotografías tipo carné.

 Certificado de empadroamento, só si van usar o transporte escolar.

No DOG do 18 de maio saiu publicada a orde de axudas de libros de texto, material escolar e fondo libros. Teñen toda información no enlace da aplicación fondolibros

Teñen de prazo para presentar solicitudes ata o 22 de xuño.

O alumnado de 5º e 6º non accede a axudas de libros porque están todos incluídos dentro do programa Edixgal (libros electronicos) pero si poden acceder ás axudas de material escolar.

O alumnado de 3º e 4º entra na categoria de fondolibros mentres que os de 1º e 2º acceden as axudas de libros de texto (210 ou 140 €, segundo a renta per capita familiar sexa menor de 6000 € ou10000 € respectivamente)

As axudas de material son de 50 € para as rentas igual ou inferior a 6000 €.

Poden presentar as axudas no centro completando os anexos I e II ou electrónicamente a través da sede da xunta e aportando a documentación necesaria.

Saiu publicada no BOE a convocatoria de becas para alumnos con NEAE (Necesidade Especifica de Apoio Educativo) para o curso 2022-23.

Poderán acollerse a estas becas aqueles alumnos diagnosticados con TEA (incluído ASPERGER), TDHA, discapacidade, trastorno grave de conduta o de comunicación, reeducación psicopedagóxica, reeducación da linguaxe e que teñan recoñecida unha minusvalía como mínimo do 33% e que a sua vez estean acudindo a un centro de reeducación ou reforzo distinto ó do centro.

O prazo vai desde o 19 de maio ata o 30 de setembro e as solicitudes faranse a través do seguinte enlace:

https://www.educacionyfp.gob.es/servicios-al-ciudadano/catalogo/estudiantes/becas-ayudas/para-estudiar/artisticas/necesidad-especifica-apoyo-educativo.html

Enviamos enlace do video que fixeron os de Vexo Veo Xacobeo sobre a excursión dos nenos e nenas de 1º e 2º a Santiago.

https://vimeo.com/710756207