COMUNICADO EXTRAESCOLARES.

Pobra Do Caramiñal, 16 de Outubro de 2023.

Estimadas familias,

dende a Anpa de Bandaseca, seguimos a traballar para que os vosos fillos e fillas teñan unha oferta completa e variada de extraescolares, xa que somos conscientes de que, as veces, tamén nos botan unha man coa conciliación. Por iso, vos presentamos unha serie de novas actividades as que se poden anotar a partir deste mesmo momento.

Para calquer aclaración, estamos disponibles no mail anpabandaseca@gmail.com ou no teléfono 634964175.

Dende a Concellaría de Igualdade volven poñer en marcha o Espazo de Coidados Corresponsables, co fin de facilitar ás familias a conciliación da vida familiar, laboral e persoal en horario de tarde.

Está dirixido ás crianzas entre os 3 e os 12 anos de idade e levarase a cabo no CEP Plurilingüe "Salustiano Rey Eiras" de luns a venres de 16.00 a 21.00 horas.

É necesario que asistan un mínimo de 5 participantes ao día para que o Espazo de Coidados Corresponsables estea habiliitado.

Para máis información poden escribir a igualdade@apobra.gal ou chamar ao número 981832764 (ext. 6).

Deixamos no arquivo adxunto a solicitude de participación.

Por segundo curso consecutivo aprobaron o proxecto presentado polo centro para participar nun programa de inmersión lingüistica. O curso pasado foi Spring Week, o deste curso é DIGITAL WEEK. 

Esta concesión foi posible, primeiro pola decisión do profesorado e do Consello Escolar de participar no programa, despois polo proxecto presentado e, sobre todo, porque o centro participa en programas de adquisición de linguas e dixitais, somos centro plurilingüe (plástica en inglés, este curso de 1º a 3º), participamos en seccións bilingües (plástica en inglés, 4º a 6º) e o programa e-dixgal (libros electrónicos en 5º e 6º).

Tratase dunha estadía para 25 alumnos de 6º do noso centro (convivirán con 100 alumnos máis) durante unha semana (no noso caso será do 1 ao 7 de outubro) nun centro residencial situado na Comunidade Autónoma de Galicia en réxime de internado.

A Conselleía de Educación  dentro da Estratexia Galega de Linguas Estranxeiras 2030 (EDUlingüe) tenta ofrecer un novo impulso cualitativo e cuantitativo ao ensino en linguas estranxeiras e así favorecer unha maior adquisición de destrezas lingüísticas por parte do alumnado. O programa procurará a inmersión en lingua inglesa do alumnado de xeito que lle permita desenvolver nunha contorna real a súa comunicación mediante actividades do ámbito dixital.

Durante esta estadía se estimulará a práctica do idioma e a súa utilización en contextos comunicativos diversificados e enfocados cara á mellora da comunicación oral a través de actividades dixitais, co apoio de profesorado nativo en lingua inglesa co obxectivo da mellora da competencia en lingua inglesa a través de actividades dixitais, así como actividades complementarias que promovan a actividade física e a socialización.

O martes 19 de setembro ás 5 da tarde na biblioteca do centro temos convocada unha reunión coas familias de 6º, para informar con mais detalle sobre a participación neste programa.

DOCUMENTACION

Resolución do 22 de maio de 2023, da Dirección Xeral de Ordenación e Innovación Educativa

Resolución definitiva

ADXUNTAMOS AS LISTAS DE MATERIAL. AS DE 4º E 6º NON ESTÁN PORQUE AS TITORAS PREFIREN DALAS O PRIMEIRO DÍA E COMPROBAR O MATERIAL QUE AÍNDA TEN O ALUMNADO. SEMPRE QUE SE POIDA HAI QUE APROVEITAR O QUE TIÑAN O CURSO PASADO.

DEIXAMOS COPIA NAS LIBRERÍAS DA LOCALIDADE. 

As clases comezarán o vindeiro luns día 11 de setembro no horario habitual de 8:55 h. a 13:55 h. Haberá servizo de transporte escolar e de madrugadores e comedor

O primeiro días poden acceder os pais ao recinto. O alumnado de 3º a 6º esperará no pavillón ou pistas e os de 1º e 2º nas pirámides. Os últimos en entrar serán os alumnos de 1º e logo teremos unha reunión coas familias deste nivel na biblioteca.

Nas saídas as familias de 1º e 2º poden achegarse ata as pirámides a recoller aos alumnos, Como o curso pasado sairán uns minutos antes para evitar aglomeracións co resto de alumnado. As coidadoras do bus tamén recollen a estes de 1º e 2º nas pirámides.

Nas saídas as familias de alumnado de 3º a 6º é convinte que accedan ao recinto ó longo de toda a rúa, desde o portalón ata as pirámides espereando nas beirarrúas para deixar o centro da calzada ao alumnado e evitar tapóns na zona do portalón.

Deixamos varios arquivos adxuntos:

A circular de incicio de curso onde se tratan varios destes temas  mais pormenorizados  

o cadro do profesorado e que cursos imparten.

O calendario escolar

Publicadas as listaxes provisionais  de axudas para libros de texto (1º-2º), fondolibros (3º-4º) e axudas de material escolar (todos niveis).

O venres 14 de xullo publicaranse as listaxes definitivas.

LIBROS DE TEXTO CURSO 23/24

ACTUALIZACIÓN 18/07/23: detectado erro no libro de 2º Lobo Lupas 2, tiñamos o ISBN de 1º, ó valido é 978-84-678-7508-9. Arranxado no arquivo adxunto.

Engadimos os cadernillos de inglés de 5º e 6º.

Convocatoria das axudas de escolarización do Concello de A Pobra do Caramiñal para familias con problemática socio-económica. 

O prazo comezará o día 3 de xullo ata o día 21. 

Deixamos nos arquivos adxuntos  nota informativa do Concello, a convocatoria completa, solicitude, certificado do colexio.

Desde hoxe abrimos o prazo para poder matricular ao alumnado para o vindeiro curso.

O prazo remata o día 30 de xuño, pero queremos recordarlles que si queren solicitar as axudas de libros e material escolar, estas finalizan o 21 de xuño, polo que recomendamos que realicen ambos trámites con anterioridade a esta última data.

Documentación:

• Instancia de matrícula curso 2023/24.

• Autorización uso de imaxe e saídas localidade.

• Fotocopia DNI dos pais ou titores legais.

• Fotocopia de todas follas do libro de familia.

• Fotocopia da cartilla da Seguridade Social ou equivalente.

• Fotocopia da cartilla de vacinacións ou informe médico sanitario.

• Dúas fotografías tipo carné.

• Certificado de empadroamento, só si van usar o transporte escolar.

Adxuntamos o dossier de Spring Week - Os Peares