Axudas

Dende o centro educativo poñémonos en contacto con vostedes para comunicarlles que foi publicado no DOG do 20 de maio de 2024, a apertura do prazo para a participación no fondo solidario de libros de texto e se convocan axudas para adquirir libros de texto e material escolar.

Prazo de presentación de solicitudes

O prazo de presentación abrangue dende o 21 de maio ata o 21 de xuño ambos inclusive.

Instrucións

Prégase a presentación telemática de forma preferente tal e como se dispón na Orde seguindo os pasos que alí se indican.
Aquelas familias que desexen entregar a solicitude presencialmente poden facelo respectando na medida do posible as quendas que máis abaixo se indican.

Horarios entrega solicitudes

As solicitudes entregaranse presencialmente, preferentemente, do seguinte xeito:

• Do 21 ao 27 de maio, alumnado que cursará 1º ou 2º de Primaria.

• Do 28 de maio ao 3 de xuño, alumnado que cursará 3º ou 4º de Primaria.

• Do 4 ao 8 de xuño, alumnado que cursará 5º ou 6º de Primaria (só solicitude de material).

• O alumnado que se matricule en 1º da ESO deberá presentar a solicitude no instituto asignado. No caso de que non saiban que instituto se lles asignou presentarán a solicitude no noso centro educativo e será remitida ao IES correspondente en canto a familia nolo comunique.

• Aquelas familias que teñan varios fillos/as matriculados no noso centro só presentarán unha solicitude para todos os irmáns.

• Rogamos, na medida do posible, que respecten as quendas propostas para presentar as solicitudes.

Formularios e documentación

Os formularios pódense descargar na aplicación Fondolibros, nesta mesma páxina ou recollelos en conserxería.

a) Anexo I e II (entregar debidamente cubertos e asinados).

b) Copia do libro de familia ou documento equivalente, onde figure o/a alumno/a e os demais membros computables da unidade familiar.

c) En caso de separación o divorcio, ademais, deberán aportar la sentenza xudicial e/ou convenio regulador onde conste a atribución da custodia do/da menor.

Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios:

1º. Certificado ou volante de convivencia.
2º. Informe dos servizos socias ou do órgano equivalente do concello onde resida a familia.

En casos especias, nos que a composición da unidade familiar non se axuste ao sinalado no artigo 4.1 da orde, aportarase un certificado ou volante de convivencia no que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.

d) Certificado de discapacidade do/a alumno/a ou calquera membro da familia non expedido pola Administración autonómica.

e) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.

f) Resolución xudicial constitutiva da curatela representativa ou resolución xudicial que estableza a patria potestade prorrogada ou rehabilitada mentres no se produza a revisión desta medida.

g) Resolución administrativa o xudicial acreditativa da situación de acollemento ou certificado do centro de menores, para o alumnado en situación de tutela o garda da Xunta de Galicia.

h) Certificado de convivencia, volante de convivencia ou informe dos servizos socias ou do órgano equivalente do concello onde resida a familia, en caso de que o pai, a nai ou o titor ou titores carezan de DNI e NIE.

i) Outra documentación que consideren necesaria.

Hoxe saíu publicada a resolución definitiva das bolsas de ESTUDO DO MEC. CONVOCATORIA XERAL CURSO 23/24.

Pódese interpoñer recurso de reposición ata o día 22 de abril de 2024.

O documento do recurso, así como a documentación terá que presentarse do seguintes xeitos:

Xeito presencial:

CONSELLERIA DE CULTURA, EDUCACION, FP E UNIVERSIDADE

XEFATURA TERRITORIAL DE CULTURA, EDUCACION, FP E UNIVERSIDADE

SERVIZO DE APOIO AOS SERVIZOS EDUCATIVOS. SECCION DE BOLSAS DE ESTUDO

Bolsas de Estudos

Rúa Vicente Ferrer, 2

15071 A CORUÑA

Onte, 9 de outubro de 2023, publicáronse no enderezo web do taboleiro de anuncios e edictos do Concello da Coruña as listaxes definitivas que se acompañan coa Resolución de concesión de axudas para o pagamento de comedores escolares no curso 2023-2024. Pódense consultar en:

- Taboleiro de edictos https://sede.coruna.gal/opensiac/action/infopublica?method=enter&edictos...

- Páxina web de servizos sociais https://www.coruna.gal/serviciossociales/

- Taboleiros dos centros cívicos municipais

Os listados identificarán as solicitudes atendendo ao número de expediente asignado.

Con esta publicación ábrese o prazo para a interposición do recurso potestativo de reposición que será dun mes, do 10 de outubro ao 9 de novembro, ambos incluídos, e poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora e Franxa), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

Publicouse no enderezo web do taboleiro de anuncios e edictos do Concello da Coruña, unha rectificación das listaxes de emenda das solicitudes presentadas á convocatoria para a concesión de bolsas municipais para o pago de comedores escolares no curso escolar 2023/2024. Pódense consultar en:

• Taboleiro de edictos https://sede.coruna.gal/opensiac/action/infopublica?method=view&id=18006

A listaxe cos requirimentos de emenda de documentación, identificarán as solicitudes atendendo ao número de expediente asignado e se referirá á acreditación do cumprimento de requisitos do apartado 6 e documentación do apartado 10 da convocatoria (en caso de non atender a este requirimento ou non facelo adecuadamente SI terase por desistida a solicitude); así como da corrección da documentación xustificativa doutras circunstancias a  valorar distintas da situación económica da unidade familiar do apartado 11 (en caso de non atender a este requirimento ou non facelo adecuadamente NON se terá por desistida a petición).

Amplíase o prazo para a presentación da documentación requirida ata o 12 de xullo, incluído, e poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora, Franxa e do CCM Mesoiro), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

Achegamos información da Convocatoria de Bolsas Comedor Municipais para o curso 2023/24, publicada no Boletín Oficial da Provincia. Estas bolsas están destinadas, con carácter xeral, ao alumnado empadroado no Concello da Coruña.

O prazo para a solicitude das bolsas de comedores escolaes irá desde o día 13 de marzo ao 12 de abril, ambos incluídos.

A información da convocatoria pódese consultar:

 - Na web municipal de Servizos Sociais

https://www.coruna.gal/servizossociais/gl/detalle-contido/bolsas-comedor-para-o-curso-escolar-2023-24/suceso/1453831862550?argIdioma=gl

 - Na sede electrónica municipal

https://sede.coruna.gal/sede/gl/tramites-e-servizos-electronicos/guia-de-procedementos-e-servizos/detalle-de-procedementos/bolsas-comedor/contenido/1453739229256?argIdioma=gl

- No teléfono 010 de información cidadá

NOTA: Entre outros requisitos para acceder á bolsa, a/o alumna/o solicitante deberá ter un DNI, NIE ou número de identificación fiscal válido.