Festa de remate do curso

No día de hoxe celebramos a festa de remate do presente curso escolar con inchables e variados xogos para todos/a.

 

 

 

Paraugas Literario

Premendo AQUÍ poderás visualizar as representacións realizadas polo alumnado do centro con motivo da celebración do día do Paraugas Literario.

Os diferentes grupos interpretaron xéneros tales como: poesía, narrativa, teatro, etc., facendo gala da súa posta en escena.

Almorzo saudábel

Como dinámica integrada dentro do proxecto de saúde no que participa o noso centro, o alumnado de 6ºB levou a cabo un almorzo saudábel no cal traballamos a concienciación sobre este tipo de hábitos.

Logo de calcular as cantidades e o tipo de nutrientes que precisamos nesta primeira franxa horaria, o alumnado realizou a compra dos produtos acordados nalgúns dos establecementos da vila, rematando co almorzo ao día seguinte.

Podedes consultar máis IMAXES premendo aquí e na historia destacada de “saúde”.

 

 

Semana Verde

Durante os días 2, 3, 4 e 5 de xuño celebrouse a feira Abanca Semana Verde de Galicia, evento ao que o alumnado do centro acudeu ao longo das mañás do xoves e venres. Fixeron un pequeno tour por case todos os stands compartindo o contido dos mesmos.

 

Preme AQUÍ para ver algunhas imaxes.

PROBAS DAFIS

Nestes días o alumnado de 6º está a levar a cabo a realización das probas DAFIS, as cales nos van a permitir analizar parámetros funcionais e psicomotores, para logo, poñelos en coñecemento do servizo de saúde galego.

Trátase dunha proposta integrada ao abeiro do Plan de Vida Activa e Deportiva.

O principal obxectivo non é outro que facer unha diagnose o máis concreta posible para detectar calquera tipo de anomalía, sobre todo no referente aos desaxustes musculares aos que son tan propensos os escolares desta franxa de idade. 

Podes premer AQUÍ para ver ao noso alumnado.

REVISTA DIXITAL (Edición Semana Santa)

Achegamos unha pequena mostra da revista dixital do CEIP Plurilingüe de Silleda. O alumnado de 6º, dende a materia de TICs, decidiu darlle visibilidade aos traballos feitos dende as diferentes materias.

Premendo enriba da imaxe poderedes ver o contido da revista. Recordade ter os altofalantes activados, xa que hai diferentes pistas de audio para escoitar.

Esperamos que vos guste!

Xogos de primavera

Que mellor forma de celebrar o día da Saúde, que aproveitando o levantando das restricións para retomar algunhas das dinámicas dos patios.

Comezamos cos xogos de primavera, nos cales cada día da semana poderán participar nos campionatos das diferentes modalidades deportivas, quedando da seguinte maneira:

  • Luns: TCHOUKBALL.
  • Martes: CARRILANAS + PALADÓS.
  • Mércores: FUT - BÉISBOL.
  • Xoves: DATCHBALL.
  • Venres: BÁDMINTON.

Teremos máis novidades na 3ª avaliación!

Preme enriba da seguinte imaxe para ver máis información sobre esta dinámica deportiva.

 

Xornada de convivencia na residencia de maiores

O alumnado do centro compartiu este pasado mércores 30 de marzo una xornada de convivencia cos usuarios da residencia de maiores de Silleda. Foi unha xornada para celebrar a primavera e o Día da Árbore. Participaron os tres grupos de sexto de Primaria, que plantaron varias cerdeiras no xardín do centro de maiores. Ademais, deixaron xunto ás árbores unhas pequenas lousas con poemas, na súa maior parte creados polos propios escolares.

 

Nesta iniciativa, ademais de colaborar a residencia, tamén o fixo a Consellería do Medio Rural, que achegou as árbores, mentres o Concello cedeu ao equipo municipal de xardinería para axudar na plantación. 

 

O acto finalizou coa lectura dun poema do escritor Florencio Delgado Gurriarán, a quen se destina este ano o Día das Letras Galegas.

 

 

  

 

Recomendación do uso das máscaras nos patios escolares.

 

No arquivo adxunto, poderán acceder á comunicación conxunta das Consellerías de Sanidade e Educación sobre a recomendación do uso de máscaras nos patios dos centros educativos.

Contidos diferentes

Unidade didáctica de “paladós”

Logo do labor realizado na materia de plástica coa creación das palas con material funxible e de refugallo, o alumnado de 6º comezou co traballo das habilidades motrices básicas de manipulación; empregando os recursos de lanzamentos, recepcións e golpeos, en combinación co perfeccionamento dos patróns básicos de lateralidade.

En breves volveremos a retomar os campionatos, nos cales, entre outros materiais, as palas serán as protagonistas.

Se queredes ver “algúns” dos deseños do alumnado non dubidedes en consultar a historia correspondente na descrición da conta.

Podedes ver as imaxes premendo enriba da seguinte.

Vídeo para crear as palas.

Día Internacional da Muller

O 8 de marzo conmemórase o Día Internacional da Muller e, no noso centro, o alumnado de infantil realizou ilustracións sobre as mulleres máis importantes da súa vida. Aquí vos deixamos unha pequena mostra.

 

Visita ABANCA-RIAZOR

Xornada de convivencia do alumnado de 6º curso para ver o partido entre o RC Deportivo e o Racing Club de Ferrol no estadio ABANCA-RIAZOR.

Ademais de facer un traballo previo con algúns dos cursos dende a materia de TICs para preparar a saída, tamén se precisan días que salgan da rutina habitual. 

Podedes ver as fotografías dese día premendo enriba da seguinte imaxe.

 

Día de teatro

Para rematar o entroido o alumnado desfrutou dunha xornada de teatro. Os nenos e nenas de educación infantil, 1º e 2º de primaria asistiron á obra teatral de "A raposa, o lobo e a pereira", mentres que os/as de 3º, 4º, 5º e 6º; "A viaxe de Rosalía".

 

Break Out - Actividade transversal

Nesta semana de entroido é momento para recordar momentos de gran diversión que o alumnado dos últimos niveis tivo en ocasións pasadas. Trátase dunha forma diferente de levar a cabo unha sesión, combinando contidos matemáticos, científicos, lingüísticos e, como non, deportivos.

 

Premendo enriba da imaxe poderedes ver o seguinte vídeo.

Día de Rosalía de Castro

Ao longo desta semana, dende o CEIP Plurilingüe de Silleda, estamos dándolle visibilidade á conmemoración recoñecida dende este ano na orde de calendario escolar; día de Rosalía de Castro.

Todas as clases traballaron cuestións relacionadas coa vida e a obra de Rosalía de Castro; fixéronse lecturas de Rosalía por parte do alumnado dos últimos niveis a educación infantil e primeiro ciclo; lectura, degustación e manteis do "Caldo de Gloria"; decoración "Rosaliana" no centro; decoración do comedor por parte do alumnado de infantil con flores para Rosalía; o profesorado vestiu camisetas coa imaxe da autora.

Premendo enriba da primeira imaxe podedes ver un vídeo dunha das lecturas realizadas polo alumnado do centro.

 

 

 

Revista dixital

REVISTA DIXITAL

Achegamos unha pequena mostra da revista dixital do CEIP Plurilingüe de Silleda. O alumnado de 6º, dende a materia de TICs, decidiu darlle visibilidade aos traballos feitos dende as diferentes materias.

Premendo enriba da imaxe poderedes ver o contido da revista. Recordade ter os altofalantes activados, xa que hai diferentes pistas de audio para escoitar.

Esperamos que vos guste!

Bo Nadal

 

Dende a comunidade educativa do CEIP Plurilingüe de Silleda, desexámoslles unhas FELICES FESTAS!! 

Obra de teatro de Nadal

O alumnado de Relixión de 6º de Educación Primaria representou unha obra teatral para conmemorar o Nadal. Premede na seguinte ligazón para poder ver o vídeo

Ligazón:  https://www.dropbox.com/s/zl8kzmyd9zhu23r/Obra_teatro_relixion.mp4?dl=0

Visita de Rodrigo Ramos

No día de hoxe visitou o noso centro Rodrigo Ramos, que ademais de ser un gran músico e compositor, tamén é un antigo alumno do CEIP Plurilingüe de Silleda.

Ao longo da mañá abraiou ao noso alumnado coas súas letras, entre as cales destacamos "Subiote", adaptación musical dun poema de Xosé Neira Vilas.

Podedes ver un pequeno vídeo premendo enriba da imaxe.

 

 

 

Charla sobre os riscos de seguridade nas novas tecnoloxías

O alumnado de 5º e 6º de primaria asistiu a unha charla sobre "os riscos de seguridade nas novas tecnoloxías e nas redes sociais", impartida pola Garda Civil. Estas sesións informativas forman parte do plan director para a convivencia e mellora da seguridade nos centros educativos e os seus entornos (Ministerio del Interior).

 

 

Distribuir contido