4ºB

FOMOS AO CONSERVATORIO SUPERIOR

Onte, martes 7 de maio, o alumnado de 4º de Primaria xunto con tres membros do profesorado, asistimos ao Conservatorio Superior da Coruña a unha representación da obra "Canta!", realizada por alumnos e alumnas dese Conservatorio e ambientada no "Teatro Moon".

Durante unha hora gozamos coas súas actuacións. Había un grupo de músicos que tocaban saxo, guitarra, baixo, batería e piano e un grupo de actores e actrices que interpretaban a historia e cantaban cancións que moitos de nós coñeciamos. Mesmo facían que cantásemos e nos movésemos con eles. Nese grupo de actrices estaba Irene, unha antiga alumna do noso Centro que actúa e canta de marabilla (a mellor, sen dúbida).

Pasámolo xenial durante toda a obra.

Ao rematar os artistas despedíronse de nós no corredor e ademaisdéronnos un agasallo: un marcapáxinas cos personaxes da película.

Foi unha actividade estupenda!

 

 

MENSAXES EN BOTELLAS NA BIBLIOTECA MUNICIPAL

O día 26 de febreiro fomos á veciña Biblioteca Municipal para axudar a responder unhas mensaxes que chegaron á praia de Riazor dentro de botellas. Na Biblioteca, ensináronnos como estaban colocados os libros, as súas temáticas e como realizar buscas no seu catálogo.

 

A continuación puxémonos mans á obra e consultamos no catálogo web para localizar os textos que tiñan as respostas ás preguntas que nos facían nas mensaxes.

Anotamos as respostas ás cuestións das mensaxes e xa no colexio enviamos correos electrónicos con esas respostas ao enderezo que aparecía nas botellas: o duns rapaces e rapazas dun Centro Galego de Terranova (Canadá).

Agora agardamos con impaciencia que nos digan se chegaron ou non.

Foi unha experiencia moi boa, aprendimos moitas cousas e pasámolo moi ben.

Grazas a Rosa e a Miguel, bibliotecarios, que tiveron moita paciencia con nós.

O APARATO DIXESTIVO

Se queredes coñecer algo máis do aparato dixestivo e do seu funcionamento, só tedes que picar na imaxe inferior.

 

Powered by Drupal - Design by artinet