Para rematar a semana, seguimos traballando e facendo diferentes actividades. Entre elas, as nosas normas de aula que consensuamos entre todos e todas.

Recordamos o que sabemos sobre os seres vivos facendo unha dinámica de Policías e ladróns

Fixemos novos retos matemáticos que nos levaron a resolver misterios.

E xogamos ao pasapalabra en lingua galega para aumentar o noso vocabulario.

Boassssss!

Esta semana fixemos moitas actividades e dinámicas no noso equipazo. Ademais, xa comezamos e case rematamos todas as fichas de avaliación inicial. 

Recordamos algunhas figuras xeométricas vivenciándoas co noso propio corpo nos equipos cooperativos

Tamén traballamos a lingua facendo dictados divertidos. Nesta ocasión, un dictado por relevos.

Fixemos algúns retos en equipo, averiguando datos sobre a mestra a través de operacións de cálculo.

E fixemos do noso recuncho da calma, un lugar cada vez máis noso.

Estade atentos e atentas para poder ver os nosos novos proxectos  Saúdos!

Hoxe seguimos traballando a cohesión do grupo-aula, mentres comezamos a traballar as linguas e as matemáticas con diferentes xogos. Estes son os nomes dos nosos 5 equipos!!!! A VERDADE É QUE SON AUTÉNTICOS EQUIPAZOS.

Hoxe foi un día no que aproveitamos para coñecernos mellor. Entre todos e todas creamos o noso mural puzle, xa que cada neno e nena desta aula é unha peza fundamental no cole.

Benvidas e benvidos ao novo curso escolar. O meu nome é Andrea e serei a mestra titora de 3º A. 

En breves comezamos esta gran aventura na que espero que todos os nenos e nenas se sintan acompañados e comprendidos.

Agárdovos con moitas gañas