CEIP DE PEDROUZOS - Brión

FONDO LIBROS:

Rematados os prazos correspondentes, publicamos a listaxe definitiva da adxudicación do fondo solidario de libros de texto convocadas na Orde do 10 de maio de 2023. Esta adxudicación corresponde ao alumnado de 3º e 4º de primaria.

Poden consultalas no taboleiro interior de anuncios do centro.

Ao alumnado que aparece nas listaxes, entregaráselles ao comezo de curso os libros asignados nas súas titorías. Lembren as familias, que hai libros e cadernos de traballo que deben mercar ao non estar incluídos no fondo solidario.

VALES DE MATERIAL E LIBROS:

A partir do xoves 13 de xullo, pódese pasar a recoller os vales de material escolar e de libros concedidos no fondo solidario de libros de texto e axudas para a adquisición de libros de texto e material escolar (Orde do 10 de maio de 2023).

Estes vales entregaranse ás familias na secretaría do centro en horario de mañán (9:30h a 13.30 h.) ata o 21 de xullo ou a partir do 1 de setembro, presentando a copia do rexistro de solicitude.

Estas axudas serán entregadas aos  pais/nais ou no caso de delegar noutra persoa deberá traer unha autorización asinada.

Xúntase listaxe de libros de texto para o curso 2023/2024, logo de correxir o ISBN da materia de inglés en 3º de primaria e de Ciencias Naturais en 2º

Desculpen as molestias.

O prazo para formalizar a matrícula do NOVO ALUMNADO que  foi admitido no noso centro para o curso 2023/2024, ábrese o día 20 de xuño ata o 30 de xuño.  Para facer calquer modificación na matrícula do alumnado que xa está no centro, deberá facerse no mesmo prazo.

O horario de secretaría é  9:30 h. a 13:30 h. de Luns a Venres. 

Documentación para a matrícula:

• Anexo III - 1.
• Fotocopia do DNI dos proxenitores e do menor, se é o caso.
• Fotocopia do Libro de familia.
• Certificado de empadroamento actualizado da unidade familiar.
• Fotocopia da tarxeta sanitaria e cartilla de vacinas.
• Autorización de permiso de imaxe.
• Autorización saídas extraescolares.
• Autorización saídas de centro.
• Autorización para saída dende transporte escolar.
• Solicitude Transporte e Comedor escolar (OBRIGATORIO presentalo tanto soliciten ou non)
• Cuestionario de alerxias e intolerancias alimentarias, se procede
• Certificado que acredite minusvalía do alumno/a, se procede.
• Sentenza xudicial de separación ou divorcio ou de ser o caso, convenio regulador onde conste a atribución da custodia do/da menor.
• Enquisa uso familiar lingua.
• Cuestionario uso da lingua.

Poden descargar os impresos ou recollelos en conserxería.

Deben traer as copias feitas así coma os orixinais para o caso de que se precise o seu cotexo. Non é preciso traer aquela documentación presentada durante o proceso de admisión (empadroamento, libro de familia...) a non ser que cambiase a súa situación.

^{TODO O ALUMNADO DEBE PRESENTAR OS IMPRESOS TANTO SE SOLICITA COMO SE NON SOLICITA.}

Lembren que o horario de atención ás familias é de 9:30 a 13:30h.

 1º - ALUMNADO DO CENTRO

O prazo para solicitar os servizos complementarios dende o LUNS 12 DE XUÑO ata o LUNS 19 DE XUÑO, ámbolos dous incluídos. 

Repartiranse os impresos a través dos titores/as, e una vez cubertos, entregaranse nas titorías. 

O alumnado de 6º curso que non pase para o IES, deberá recoller os impresos na CONSERXERÍA, xa que para este alumnado non se reparten as solicitudes. 

2º - ALUMNADO NOVO NO CENTRO QUE AÍNDA NON FORMALIZOU A MATRÍCULA

Deberán descargar os impresos da páxina web do centro ou ben solicitalos na CONSERXERÍA.

O prazo para presentalos é o mesmo que o de matrícula, dende o 20 ATA O DÍA 30 DE XUÑO.

Publícanse as listaxes definitivas de admitidos/as para o próximo curso. Poden consultarse no taboleiro do centro.

Lembrar que todos estes alumnos/as terán que formalizar a matrícula a partir do 20 de xuño ata o día 30 deste mesmo mes.

Lembren estar pendentes da información en web, xa que nesas datas e atendendo as instruccións da Consellería, irán publicándose os prazos para formalizar (se o precisan, a solicitude de Servizos Complementarios (Transporte e Comedor).