Anxo Moure é un autor e contador de historias que en diversas ocasións nos cursos anteriores veu compartir a súa maxia connosco. Esta vez a maxia e o compromiso coa natureza chegounos a través do conto: O CARBALLO CON BOTAS, que lemos na escola; nel unha landra medraba na bota dun soldado farta da guerra.
Nós quixemos facer algo semellante e emular a ese carballo, para elo pedimos aos nosos alumnos e alumnas que trouxesen á escola un zapato vello para plantar a nosa propia landra. Unha vez plantadas colocamos a nosa CARBALLEIRA CON ZAPATOS no patio pequeno. Alí ademais de coidalas observaremos como e cando agroman e mediremos o que van medrando.
Se premedes na imaxe poderedes ver as fotos de todo o proceso na galería.
