  |
|
  |
O xoves estivemos na Casa Museo Rosalía de Castro e hoxe estivemos compartindo por grupos as nosas impresións:
- A Xabi, Daniela, Mariña e Alexandre o que máis lles impresionou foi o chuvasqueiro de palla que empregaban antes os labregos e o forno onde facían o pan. Tamén lles gustaron os sofás da sala. Aprenderon que Rosalía tocaba varios instrumentos, un deles o piano.
- A Alicia, Daniela e Marina sorprendeulles que Rosalía non tivera casa propia, que tivera sete fillos e que un deles nacera morto e que outro morrera cun ano e medio.
- A Estrella, Dayana, Lupe e Yanira encantoulles a réplica do vestido de Rosalía, ler un dos seus poemas nunha pantalla con música de fondo e ver a cama de Rosalía.
- A Sara, Juan Diego, Andrew, Diana e Uxía gustoulles a figuera do xardín, que xa estaba cando Rosalía vivía na casa. Tamén aprenderon que un dos fillos de Rosalía , Ovidio, era pintor.
- A Claudia, Martín, Jorge e Karlos gustáronlle varios obxectos nos que aparecía a cara de Rosalía ( un billete de cincocentas pesetas, unha botella...), os cadros e os libros. Sorprendeulles que Rosalía mandara á súa filla que queimara os seus últimos escritos.
- A Lúa, Iria, Aisha, Hugo e Aroa gustoulles o vídeo de animación que vimos. Tamén lles chamou a atención que Rosalía fose máis alta ca Manuel Murguía, e que este para disimular a diferenza usara chistera.Por último, impresionoulles que a súa filla Gala vivira ata os 92 anos.
