Blogues

Entrevista Fotovoltaica

Tagged:  

Ola amig@s, aquí estamos cun novo episodio dos nosos podcasts, desta volta cun moi relacionado co proxecto documental no que estamos embarcados este curso.

O alumnado de 4ºA entrevista ao delegado de GreenVolt, unha empresa que traballa a enerxía fotovoltaica, e que nos aclarou moitas das dúbidas que tiñamos sobre este tipo de enerxía e da súa aplicación á vida cotián.

Esperamos que tamén vós, ao escoitardes este podcast, aprendades moito e aclaredes as vosas dúbidas sobre a enerxía solar.

Proxecto de xornada continua

ELECCIÓNS XORNADA LECTIVA ÚNICA DE MAÑÁ

Estimadas familias:

Comunicamos que o Servizo de Transporte e a Inspección Educativa informaron favorablemente sobre o procedemento de cambio de xornada a sesión única de mañá. Polo tanto corresponde agora continuar coas seguintes fases do proceso:

1.INFORMACIÓN SOBRE O PROXECTO DE ACTIVIDADES DE XORNADA CONTINUA

Co fin de garantir o máximo coñecemento e amplo consenso da comunidade educativa achegamos enlace do PROXECTO DE ACTIVIDADES DE XORNADA CONTINUA

2.VOTACIÓNS DAS FAMILIAS

  1. A xornada de votación celebrarase o día 29 de marzo en horario de 8:30h da mañá a 20:00h. Deben presentar DNI ou documento de identificación.
  2. O censo electoral está exposto no taboleiro de anuncios do centro para a súa consulta. O voto é directo, secreto e non delegable.
  3. O cambio de horario debe ser aprobado polo 58% do censo, podendo votar o pai ou a nai ou un dos titores legais.
  4. Un voto por familia.

Animamos á participación de todos e quedamos á vosa disposición para aclarar calquera dúbida ao respecto

XORNADA ÚNICA de Natalia Longo

Volvemos cos Lego WeDo

Tagged:  

Volvemos a realizar os nosos deseños cos Lego WeDo, uns proxectos robóticos integrais, nos que a máis de facermos a estrutura do robot, logo temos que conectalo ao noso ordenador, e finalmente programalo para que realice as funcións que lle mandamos.

Un traballo moi interesante que puidemos facer en rexime de traballo cooperativo e que nos gustou moito. Seguro que volveremos porque a valoración da experiencia foi moi boa.

Actividades da Paz

Tagged:  

Deixámovos aquí dous vídeos sobre as actividades que realizamos o pasado día 30 de Xaneiro, día Internacional Escolar pola Paz.

Nun deles se recolle o baile que fixemos, coa música do noso Paco Nogueiras e por outro lado a realización dun mandala da Paz.

 

Nova edición do programa Lectura e Familias

Tagged:  

Volvemos a poñer en marcha as actividades relacionadas coa lectura e as familias, que botamos a andar no curso pasado.

Se lembrades tivemos un club de lectura, outro de escritura creativa e dúas conferencias (Ana Meilán e Cristina Novoa) que nos abriron os ollos ao mundo da promoción da lectura co@s cativ@s.

Este ano imos facer un club que axuntará a lectura e máis a escritura, xa que imos ler un fermoso libro de Gonzalo Moure, que nos vai ensinar a compoñer textos dende os máis pequenos (o micro-relato) ás formas máis acabadas e extensas (conto, novela).

Tamén imos ter algunha que outra charla para seguir a concienciarnos da importancia que ten a promoción da lectura para o desenvolvemento da rapazada. Para iso imos comezar cun obradoiro para a lectura de contos que desenvolverá Manuel Caramés, director do grupo de teatro Gargallada, e que xa nos acompañou hai uns anos nun obradoiro de características similares e do que tod@s gardamos un bo recordo.

O obradoiro se realizará o día 15 ás 17:15 horas na biblioteca do centro.

Así que xa sabedes, reservade na vosa axenda esa data, porque a actividade promete!

A Ciencia en Galego na nosa Radio

Tagged:  

Outra volta máis volvemos ter programa de Dino Radio, a nosa emisora de radio vencellada á Biblioteca Escolar.

Nesta ocasión nos visitan alumnado de terceiro curso para contarnos dos experimentos que realizaron co gallo do día da Ciencia en Galego, e o alumnado de 2º que son os que inauguraron este ano o programa da lectura dos venres, que nós chamamos, @s nos@s autor@s en voz alta.

Desfrutade deste podcast coma nós desfrutamos gravándoo!!

@s nos@s autor@s volven a soar con voz alta

Tagged:  

Neste ano da recuperación de actividades, volve a soar a lectura en voz alta d@s nos@s autor@s na mañanciña dos venres na voz, desta volta, do alumnado de 2ºA.

A partires de agora, e deica o remate do curso, os venres serán os días en que cada clase nos amose parte do traballo que fan na clase lendo e recitando textos d@s escritor@s galeg@s.

Non se me ocorre mellor xeito de empezar o día!!!

Homenaxe no Botelo a Adela, a nosa cociñeira xubilada

Tagged:  

Nesta fin de semana celebrouse a festa do Botelo no pavillón de Calabagueiros, e nela rendéuselle homenaxe a Adela Pombo, a que durante moitos anos foi cociñeira do noso centro.

Deixámovos aquí unha reportaxe do xornal O Sil e un programa de radio no que relata as súas lembranzas do seu paso polo noso colexio.

Menudos Proxectos

Tagged:  

Agora, xa cos protocolos da Covid rematados, é hora de volver facer as cousas que nos gustan, como expoñer aos compañeiros os resultados dos nosos proxectos de investigación.

Aquí queda este vídeo dun proxecto sobre os reptiles realizado na clase de segundo A de primaria.

 

Baile do día da Paz

Tagged:  

Deixámovos aquí a letra da cantiga de Paco Nogueiras titulada Móvete, que vai ser a música que imos cantar e bailar no vindeiro día da Paz.

Neste vídeo podemos aprender a coreografía que imos bailar na celebración do día 30 de Xaneiro.

Tamén Natacha adaptou este Genially para que o puidesemos empregar para a celebración do noso día da Paz

Distribuir contido