Agora que xa, quen máis quen menos, andamos estomballados ao sol, bañándonos no mar ou no río, e desfrutando deste tempo de lecer, querémovos aconsellar que fagades coma o DinoSabio, e levedes a vosa toalla, a vosa crema solar, o voso flotador (je, je, je...) pero tamén o voso libro.

E tamén podedes achegarvos e oír os últimos programas de DinoRadio.

Iso si que ha ser un verán auténtico!

Este ano tamén realizamos a nosa feira de proxectos, e a biblioteca converteuse nunha sala de exposicións. Neste caso presentaron nos dous espazos da biblioteca os proxectos de a lactancia materna, e o principiño que todos levamos dentro.

@s compañeir@s do IES San Paio de Tui elaboraron esta liña do tempo do autor homenaxeado nas letras galegas 2019, Antón Fraguas.

Como é habitual nas bibliotecas escolares galegas, a súa xenerosidade fai que poidamos partillar este fantástico recurso.

Un ano máis desfrutamos da animación á lectura da editorial Kalandraka da man de Paco Nogueiras, un pracer como todos os anos.

E o mellor de todo é que agora poderemos lembrar esta marabillosa actividade lendo e volvendo a ler os títulos que nos presentou nesta actividade onde a literatura infantil se xunta coa música.

Neste tempo de defuntos, o que nos países celtas chámase Samaín, a nosa Biblioteca tivo unha xornada peculiar.

A Santa Compaña, o Home do Saco, a Meiga Chuchona, trasnos, mouros e outros habitantes de mundos nocturnos e soterrados, déronse cita na biblioteca, e alí, á lus dun candil contáronos historias que nos fixeron estarrecer.

Grazas á Modesto que gravou estas presenzas fantasmais podemos ver o que alí fixeron. Velaquí vos quedan por se vos atrevedes a escoitalas.

O vindeiro 31, a véspera de todos os Santos, a noite do Samaín, podedes vir á Biblioteca para escoitar ao Home do Saco e os seus amigos que nos van ler algúns contos TERRORÍFICOS (se cadra non tan terroríficos, incluso un pouco graciosos...).

Esperámosvos coleguis... e traede unha lanterna por se acaso non hai luz!

A finais do curso pasado viñeron, dende a Asesoría de bibliotecas escolares, a facer un vídeo que recollese as nosas actividades na Biblioteca reformada ao abeiro do plan LIA-2.

O resultado é este, unha verdadeira marabilla que nos fai sentir aínda máis orgullo da nosa biblio!

Deixámovos aquí unha reportaxe gráfica da expedición valdeorresa á feira de proxectos de Piteas en Santiago.

Un día de lecer e traballo que tod@s desfrutamos, e que agora poderemos rememorar con este vídeo que elaborou o profe Rubén.

Como todos os anos o alumnado de sexto de primaria encárgase de facer unha historia gráfica coa biografía do autor ou autora (como é neste ano) ao que se lle adica o día das letras galegas.

Pero este ano quixemos ir un pouquiño máis aló, e fixemos esta presentación.

Esperamos que vos guste, e que aprendades algo máis sobre unha das grandes escritoras galegas:

Mª Victoria Moreno.

Onte comezamos a nosa celebración do día do libro con lecturas de contos.

Os pequenos de infantil marcharon á beira do río a ler os seus contos, e os maiores viñeron á biblioteca, onde David Vázquez contoulles un conto.

Esta actividade puidémola seguir dende as clases por videoconferencia.

Seguiremos festexando ao libro durante toda a semana coa realización do mercado de intercambio de libros.

Seguiremos informando!