try another color:
try another fontsize: 60% 70% 80% 90%
CEIP Plurilingüe Condesa de Fenosa

Blogue de quinif

Volvemos cos Lego WeDo

Volvemos a realizar os nosos deseños cos Lego WeDo, uns proxectos robóticos integrais, nos que a máis de facermos a estrutura do robot, logo temos que conectalo ao noso ordenador, e finalmente programalo para que realice as funcións que lle mandamos.

Un traballo moi interesante que puidemos facer en rexime de traballo cooperativo e que nos gustou moito. Seguro que volveremos porque a valoración da experiencia foi moi boa.

Actividades da Paz

Deixámovos aquí dous vídeos sobre as actividades que realizamos o pasado día 30 de Xaneiro, día Internacional Escolar pola Paz.

Nun deles se recolle o baile que fixemos, coa música do noso Paco Nogueiras e por outro lado a realización dun mandala da Paz.

 

Nova edición do programa Lectura e Familias

Volvemos a poñer en marcha as actividades relacionadas coa lectura e as familias, que botamos a andar no curso pasado.

Se lembrades tivemos un club de lectura, outro de escritura creativa e dúas conferencias (Ana Meilán e Cristina Novoa) que nos abriron os ollos ao mundo da promoción da lectura co@s cativ@s.

Este ano imos facer un club que axuntará a lectura e máis a escritura, xa que imos ler un fermoso libro de Gonzalo Moure, que nos vai ensinar a compoñer textos dende os máis pequenos (o micro-relato) ás formas máis acabadas e extensas (conto, novela).

Tamén imos ter algunha que outra charla para seguir a concienciarnos da importancia que ten a promoción da lectura para o desenvolvemento da rapazada. Para iso imos comezar cun obradoiro para a lectura de contos que desenvolverá Manuel Caramés, director do grupo de teatro Gargallada, e que xa nos acompañou hai uns anos nun obradoiro de características similares e do que tod@s gardamos un bo recordo.

O obradoiro se realizará o día 15 ás 17:15 horas na biblioteca do centro.

Así que xa sabedes, reservade na vosa axenda esa data, porque a actividade promete!

A Ciencia en Galego na nosa Radio

Outra volta máis volvemos ter programa de Dino Radio, a nosa emisora de radio vencellada á Biblioteca Escolar.

Nesta ocasión nos visitan alumnado de terceiro curso para contarnos dos experimentos que realizaron co gallo do día da Ciencia en Galego, e o alumnado de 2º que son os que inauguraron este ano o programa da lectura dos venres, que nós chamamos, @s nos@s autor@s en voz alta.

Desfrutade deste podcast coma nós desfrutamos gravándoo!!

Información sobre o Período de Reserva de Praza para o Curso 2023/2024

Comeza o tempo de reserva de matrículas para centros adscritos (15 de Xaneiro a 6 de Febreiro) e de admisión (do 1 ao 20 de Marzo).

O actual período de reserva só atinxe ao alumnado de 6º curso que vai reservar praza no IES Lauro Olmo, que é o  centro de secundaria ao que estamos adscritos, ou ben aqueloutro alumnado que desexe matricularse noutro centro distinto do de adscrición.

Toda a información que precisades está na orde que regula a matrícula, que está publicada no DOG do 8 de novembro de 2022, e que vos achegamos como adxunto desta entrada do blog.

Para o período de admisión (alumnado que queira cambiar de centro e alumnado que comeza a etapa de infantil) xa vos informaremos con máis vagar cando se acheguen as datas.

Os nosos proxectos

Este ano os nosos proxectos foron moitos e moi variados.

Aquí podedes enlazar cos blogs onde se mostran os traballos realizados nas clases.

A rá

3 anos B

Dinosauros

Clases de 4 anos


 

O Mar

Clases de 1º EP

O ruído e o silencio

Clases de 2º EP

 

Os indios

3º A de EP

Os 22 amigos

3ºB de EP

@ principiño que tod@s

levamos dentro

4º B de EP

A lactancia materna

6ºA de EP

Dino Radio

Aquí podedes escoitar os programas da Radio Escolar da biblioteca do Ceip Condesa de Fenosa.

A radio é unha ferramenta moi poderosa para contar todo o que facemos na biblioteca, os proxectos de investigación nos que nos embarcamos nas aulas, os libros que lemos nos clubs de lectura e os textos que escribimos nos de escritura, para falar das nosas actividades do centro, para escoitarmos a música que somos quen de facer...

En fin, a radio, a nosa Dino Radio, vai ser un altofalante que espalle esas cousiñas que realizamos con todo o cariño, que as mimamos, pero que en moitos casos quedan agochadas no interior do colexio sen que ninguén máis saiba delas.

Pois aí vos van, voando nas ondas!

Portafolio total do Talento

Escornabots e impresión 3D

Nesta páxina imos ir colocando os recursos que vaiamos xerando a respecto da robótica dende a nosa Biblioteca.

Pretendemos que sexa un lugar onde se poda ver o traballo que se está a facer, unha fonte de recursos e un lugar onde xermolen proxectos.

Polo de agora, outubro de 2017, andamos nesto en cueiros, e coma os nenos pequenos temos dificultades para comezar a andar... dar un paso mete medo e temos que pensalo moito.

Pero estamos convencidos que en breve seremos quen de andar, correr, choutar, anicarnos, bailar...

@s nos@s autor@s volven a soar con voz alta

Neste ano da recuperación de actividades, volve a soar a lectura en voz alta d@s nos@s autor@s na mañanciña dos venres na voz, desta volta, do alumnado de 2ºA.

A partires de agora, e deica o remate do curso, os venres serán os días en que cada clase nos amose parte do traballo que fan na clase lendo e recitando textos d@s escritor@s galeg@s.

Non se me ocorre mellor xeito de empezar o día!!!

Distribuir contido