By quinif - Posted on Abril 23rd, 2024
Coma todos os anos celebramos por todo o alto a semana do Libro.
Dende hoxe deica venres imos ter mercadiño de intercambio de libros na Biblioteca, cada día adicado a un ciclo ou etapa educativa. Hoxe comezaron @s pequen@s de infantil, e mañá será a quenda dos do primeiro ciclo. Xoves e venres serán os días para os intercambios do alumnado de segundo e terceiro ciclo respectivamente.
Tamén mañá imos ter unha emisión en directo dun programa de radio no que a nosa emisora, Dino Radio, quere dar un impulso á nosa programación achegando esa brisa fresca que trae a emisión en directo.
Se queredes seguir o transcurso do programa podedes facelo dende este reprodutor, aínda que tamén o imos gravar para que o podades dispoñer en podcast dende a páxina de Dino Radio.
Por último o día 25 contaremos coa presencia da escritora Antia Yáñez, que escribiu "O misterio de Portomarín", libro de lectura este ano en cuarto, e "Senlleiras" que foi o título elixido para o club de lecturas de Nais e profesores dentro do proxecto de "Lectura e Familias".
Antía terá un encontro co alumnado e tamén cos lectores adultos, asinando os exemplares das súas obras.
By quinif - Posted on Abril 19th, 2024
Este ano temos unhas cantas actividades coas que imos celebrar o Día do Libro no noso colexio: un encontro con Antía Yáñez, que nos virá falar do libro que leron en cuarto "O misterio de Portomarín", e logo, pola tardiña, cos adultos que fixemos a lectura de "Senlleiras", dentro das actividades do programa de Lectura e Familias.
Tamén, e non podía ser doutro xeito, imos realizar o noso tradicional mercadiño de intercambio de libros, unha actividade coa que pretendemos darlle máis vida a eses nosos compañeiros firmes e leais: os libros.
Mercadiño Do Libro Usado 2024 by Quini Freixeiro
By quinif - Posted on Abril 9th, 2024
By quinif - Posted on Febreiro 29th, 2024
DINOCHILAS:
-Cada semana levo unha Dinochila á miña casa. Cada unha ten 5 contos, para que a miña familia me lea un conto cada noite.
-Coas Dinochilas pretendemos achegar @s nen@s aos contos, espertando a súa paixón pola lectura, á vez que comparte coa súa familia un momento de tranquilidade antes de durmir. Aconséllase o diálogo sobre cada relato, así como asegurarnos de que o nen@ comprende o argumento, facéndolle preguntas relacionadas coa historia que acabamos de compartir.
Tamén se poden realizar outros xogos como buscar un novo final ao conto, describir obxectos, conversar sobre as actitudes dos personaxes, describir algún personaxe ou debuxo,…
Pero a finalidade sempre será o goce pola lectura, así como crear un hábito lector dende o primeiro ano de escolarización d@s nen@s.
By quinif - Posted on Febreiro 28th, 2024
O vindeiro 8 de Marzo faremos unha nova edición da nosa marcha pola igualdade.
Percorreremos parte do casco urbano do Barco coas nosas camisetas estampadas por nós mesmos, e coma un remuíño de bolboretas lilas, asolagaremos a vila de mensaxes pola igualdade.
Ao remate da nosa andaina faremos unha merenda saudable na Praza Maior.
Así que marcha+merenda=merendaina!!!
Unídevos a nós nesta MERENDAINA reivindicativa para acadar un mundo máis xusto, igualitario e solidario.
Tamén fixemos este novo podcast coa intervención e as investigacións do alumnado de 4º de primaria
Denominación: C.E.I.P. Condesa de Fenosa
Titularidade: Centro Público
Nº Código de Centro: 32015116
Enderezo: Rúa Coruña 24; 32300 O Barco de Valdeorras
Enderezo electrónico: ceip.condesa.fenosa@edu.xunta.es
Teléfono: 988 78 36 46 e 988 78 36 48
Teléfono Departamento Orientación: 988 78 36 47
Entradas e saídas do alumnado non transportado:
- Infantil: Rúa das Areas
- Primeiro Ciclo: Cancela grande Rúa Calabagueiros
- Segundo Ciclo: Cancela peonil Rúa Calabagueiros
- Terceiro Ciclo: Cancela Rúa Coruña
Para facilitar a entrega d@s nen@s recomendamos ás familias que esperen na beirarrúa de enfronte do colexio deixando libre a beirarrúa do colexio para o uso exclusivo do alumnado.
Prégase puntualidade á hora das entradas e saídas
Máis información sobre as nosas actividades, recursos e oferta educativa aquí.
O Ceip Condesa de Fenosa é un centro público de ensino infantil e primario no que pretendemos ofrecer servizos educativos de calidade para todo o noso alumnado.
Pretendemos facer un ensino en igualdade, sen discriminación, inserido no seu contexto cultural e lingüístico e coa participación activa de todos os membros da comunidade educativa.
