try another color:
try another fontsize: 60% 70% 80% 90%
CEIP Condesa de Fenosa

Ex-alumnos

Ex-alumn@s do Condesa!

Moit@s d@s nos@s alumn@s andan polo mundo facendo cousas do máis interesante; deportistas de elite, artistas, estudantes prodixiosos.... e a nós gústanos lembralos na nosa páxina.

Aquí poderedes explorar algúns artigos e publicacións sobre algúns deles... evidentemente non todos están aquí, así que se tes información sobre algún ex-alumno fai o favor de comunicar connosco e decontado meterémolo nesta escolma.

Seguímosvos a Pista...

Padexeiros do Condesa ao máis alto nivel

Raúl Prada, campión infantil de España en K4, e xa van 3 medallas no que vai de ano, tal e como recolle o xornal O Sil.

De seguro que teremos que volver recoller nesta sección novos éxitos deste o noso ex-alumno.

Os nosos parabéns para este campión.

Blanca Peral, Campiona xa en 1985

Modesto nos volve a asombrar coas súas pescudas na hemeroteca, e nos trae un artigo dunha ex-alumna do noso colexio, Blanca Peral de Éntoma, campiona galega de cross alá polo ano 1985.

Blanca Peral xa tivo dous fillos no colexio, ou sexa que é ex-alumna e tamén nai de alumnos.

Realmente o artigo paga a pena lelo, e comprobar como teñen cambiado as cousas nisto do deporte feminino.

 

Blanca Peral by Xoaquín Freixeiro on Scribd

Un campión sobre dúas rodas

Jorge Paradelo, ex-alumno do noso centro, acaba de acadar o segundo posto na proba do mundial de Enduro a 2 tempos realizada en Santiago, e ocupa a terceira posición na clasificación xeral do mundial.

Os nosos xenios matemáticos

Deixámovos aquí o artigo do xornal O Sil onde se recolle o premio aos nosos ex-alumnos gañadores da olimpíada matemática en Galicia.

Esperamos que dentro de pouco, despois da súa visita a Touluse, poidamos volver a sacalos neste apartado do noso blog como gañadores do rallie matemático europeo.

Toulouse by Xoaquín Freixeiro on Scribd

Mauro Racha o Teito de Cristal

Seguimos a pista, desta volta, a un músico excelente e deseñador gráfico impresionante: Mauro Docampo, que vén de gañar o concurso galego de carteis contra da violencia de xénero, cun traballo no que anima a rachar co teito de cristal que impide que as mulleres ocupen cargos directivos na nosa sociedade.

 

Mauro by on Scribd

Luis Moro, tocando as nubes

Outro ex-alumno do Condesa que destaca na súa práctica deportiva.

 

.

Novos éxitos de Leticia Gil

Leticia volve a ter un lugar no noso blog, xa que voou en Antequera nada menos que seis metros con vinta e cinco centímetros, acadando o primeiro posto no campionato de España de pista cuberta.

Un novo éxito da nosa ex-alumna que queremos celebrar con ela.

Recollemos este artigo, onde se fai referencia ao logro de Leticia, do xornal SomosComarca para que teñades a información completa.

 

Leticia Campiona by on Scribd

Leticia, unha campiona do Condesa

Unha ex-alumna do noso centro que acada o éxito no mundo do deporte. Leticia non salta, voa máis alá dos 6 metros e bate o récord galego de salto de lonxitude, acadando o bronce nos campionatos de España absolutos.

Todo un orgullo para o noso colexio tela entre os nosos ex-alumnos.

Leticia by on Scribd

Isabel visibilizando o fútbol feminino

Volve á nosa web Isabel Vázquez, imparable na súa traxectoria como xogadora, entrenadora e estudante.

Isabel Vazquez by Xoaquín Freixeiro on Scribd

Distribuir contido