Normalización Lingüística

Todo un ano de Letras Galegas

Trágame Terra 2020 e Dinoradio, as nosas homaxes a Ricardo Carvalho Calero

Coma todos os anos por esta época editamos o noso número da revista escolar "Trágame Terra", adicada neste ano 2020 ao autor e estudoso do idioma D. Ricardo Carvalho Calero.

Como este ano andamos de "desescalada" non editaremos a revista en papel, así que se queredes ter un recordo do traballo realizado, descargade a revista e, se queredes, podédela imprimir.

Ao ter que facer todo o traballo ao través de imaxes que nos fostes mandando, a revista pasou a ter un "peso considerábel", o que fai que non a podamos colgar directamente na páxina na calidade que nos gustaría, así que se queredes descargar unha versión de máis calidade aquí vos deixamos un enlace:

https://drive.google.com/file/d/1p7VcoSK30yqzXly7KD6Jk8LWbvQI7f5R/view?usp=sharing

Pero para botarlle unha ollada aquí vos deixamos o número da revista.

Tragame Terra 2020 by Xoaquín Freixeiro on Scribd

 

Tamén vos deixamos un novo programa de Dinoradio, que realizamos, coma o anterior, ao través do WhatsApp, e no que co gallo da celebración das Letras Galegas 2020, rendemos unha homenaxe ao noso Ricardo Carballo (Carvalho) Calero.

 

Día da Paz. Temos alguén no noso corazón!

Este ano, a canción que eliximos para cantar no Día da Paz, non é outra que "Eu teño alguén" de María Fumaça. As nenas e os nenos do colexio quixeron traducila ao linguaxe de pictogramas, e veleiquí tedes o resultado.

Actividades do 2º Trimestre

Achegamos aquí as actividades realizadas no colexio a proposta do Equipo de Dinamización da Lingua Galega

Texto de Presentación 2º Trimestre by quinif on Scribd

TRABALLOS ESCOLARES by quinif on Scribd

ENTROIDO 2018 by quinif on Scribd


Imaxina pictogramas

Achega do profe Rubén para seguir a cantiga de Imagine. Pictogramas de doada lectura para tod@s, e en galego... que máis se pode pedir?

Actividades 1º trimestre curso 2017-2018

Comézamos coa actualización da lapela de Normalización, coas actividades realizadas durante o 1º trimestre do presente curso.

A través desta lapela tratamos de informar á Comunidade Educativa das actividades levadas a cabo co gallo do fomento da lingua galega, e máis como un depositario de actividades para o uso de profesorado e familias.

Unha das primeiras das actividades que se fixeron no centro foi: a celebración da Festa de Samaín, na que desfrutaron nos diferentes obradoiros os/as alumnos/as de E. Infantil e os do primeiro ciclo de E. Primaria.

Na semana seguinte celebramos a festa do Magosto, nela participou toda a Comunidade Educativa. Ao longo de toda a semana nas aulas realizáronse diversas actividades relacionadas con este tema. Unha delas foi a investigación sobre o vocabulario, característico desta zona, en relación coa “castaña” titulada “Dicionario castiñeiro”.

Un ano máis celebramos a semana da Ciencia en galego” dende o día 20 de novembro ata o 24 deste mesmo mes, actividade que foi realizada pola meirande parte do alumnado. Ao longo da semana, en cada unha das aulas, elixíronse os seus experimentos . En E. Infantil e no primeiro ciclo de E. Primaria contouse coa colaboración das familias. No resto dos ciclos os protagonistas foron os alumnos/as.

Co gallo da celebración do Nadal efectuáronse diversas actividades, unha das máis motivadoras para o alumnado de E. Infantil foi a presenza da figura de “O Apalpador” e a visita dos Reis Magos, empregando coma sempre a nosa lingua como o vehículo principal de expresión.

A continuación podedes ver imaxes dalgunhas delas.

Actividades do EDLG by quinif on Scribd

Liña do tempo de Carlos Casares

Ciencia en Galego

Alguén dixo que en Galego non se pode facer ciencia?

O noso alumnado ten demostrado en todas as edicións desta actividade que si se pode facer ciencia en galego, e que ademáis pode ser extremadamente divertido.

Ollade se non este vídeo que recolle os experimentos da edición de 2016 da nosa ciencia en galego.

Visita do Apalpador

O Mundo do Viño

Distribuir contido