try another color:
try another fontsize: 60% 70% 80% 90%
CEIP Condesa de Fenosa

Educación Artística

O son do Ar

Veño da Virxe da Barca

Para os rapaces e rapazas de quinto o comezo do curso ten sabor de romaría, a da Virxe da Barca e a súa pedra de abalar.

Velaí a canción:

 

Veño Da Virxe Da Barca by quinif on Scribd

Muiñeira Vella de Mórdomo

Déixovos aquí a muiñeira de Mórdomo, cando menos ese é o nome que me apareceu nas partituras que empreguei para transcribilas, aínda que a min me soa que é a pandeira de Nebra que gravara, no seu día, Emilio Cao.

Tanto ten, muiñeira ou pandeirada é unha peza ben fermosa.

Un paxaro é un paxaro

Poucas cantigas tan fermosas como o Txoria txori de Mikel Laboa.

A súa letra di así:

Hegoak ebaki banizkio
nerea izango zen,
ez zuen aldegingo.
Bainan, honela
ez zen gehiago txoria izango
eta nik...
txoria nuen maite.

Que en galego sería algo así como:

Se lle tivera cortado as ás
sería meu,
non tería fuxido.

Pero así, 

tería deixado de ser un paxaro,
e eu
o que amaba era o paxaro.

Apaga o Candil

Xa temos unha nova partitura para estudarmos os de 4º curso, a famosa Apaga o Candil, que tantas veces teñen cantado no Luar da Galega.

É unha peza doada de tocar, que de seguro imos poder tocar despois cunha instrumentación boa.

Xa nos veredes en youtube!

Pero para iso teremos que aprendermos a partitura que acabo de subir a Noteflight.

 

Ata o mandil Dolores!

Os de 5º atacan cunha versión de Ata o mandil, unha cantiga tradicional que atopamos no cancioneiro musical de Ourense, recollido pola agrupación Castro Floxo, e que é unha cantiga que nos encanta!

A ver se a vós tamén.

 

O pirimpimpín

Tal e como prometín, déixovos a partitura do Pirimpimpín.

É unha peza bonita, simple...e á que lle podemos tirar un bo partido.

Traballádea!

Unha CDU moi musical.

Achegamos este vídeo, que bo traballiño nos custou, pero que esperamos que vos guste a todos e a todas... e sobre todo que sirva para que aprendamos a CDU e a movernos pola nosa biblioteca

Cantiga da Paz

Como todos os anos imos bailar unha cantiga para celebrarmos o Día Escolar pola Paz. Este ano escollemos "Apertas que voan" do noso amigo Paco Nogueiras, que xa nos ten visitado facendo contacontos en varias ocasións.

Os Chicos e Chicas de 6º inventaron esta coreografía coa que todos poderemos bailar o próximo día 30 para reclamar algo básico: Paz no Mundo.

Distribuir contido