Este ano temos unhas cantas actividades coas que imos celebrar o Día do Libro no noso colexio: un encontro con Antía Yáñez, que nos virá falar do libro que leron en cuarto "O misterio de Portomarín", e logo, pola tardiña, cos adultos que fixemos a lectura de "Senlleiras", dentro das actividades do programa de Lectura e Familias.

Tamén, e non podía ser doutro xeito, imos realizar o noso tradicional mercadiño de intercambio de libros, unha actividade coa que pretendemos darlle máis vida a eses nosos compañeiros firmes e leais: os libros.

Mercadiño Do Libro Usado 2024 by Quini Freixeiro

Escolares do CEIP Condesa de Fenosa foron seleccionados para realizar un intercambio con estudantes da Escola Diogo Câo de Vila Real promovido polo Eixo Atlántico e que conta co financiamento do Concello do Barco.

Con este programa foméntase o intercambio entre escolares Valdeorreses e outros provenientes doutros países, promovendo o coñecemento doutras culturas da eurorrexión e a sensibilización sobre a importancia de vivir en municipios integrados no Eixo Atlántico.

O intercambio terá lugar o 10 e 11 de abril en Vila Real, e o 8 e 9 de maio cando os alumnos e alumnas da Escola Diogo Câo de Vila Real viaxarán ao Barco.

Os obxectivos desta iniciativa son, entre outros, os seguintes:

• Promover entre os estudantes e docentes o coñecemento do seu municipio, dos municipios integrantes do Eixo Atlántico e do propio Eixo Atlántico, así como do seu patrimonio (cultural, natural, inmaterial).
• Facilitar o intercambio entre estudantes dos diversos municipios do Eixo Atlántico.
• Concienciar ós estudantes da importancia de vivir nun municipio integrante do Eixo Atlántico e que conforman unha Eurorrexión.
• Promover a realización de experiencias didácticas que potencien o uso do municipio como recurso educador.

Eixo Atlantico by Xoaquín Freixeiro

Á volta das vacacións de Semana Santa imos realizar as probas de Avaldía para o alumnado de 4º de primaria.

Estas probas serven para unha avaliación diagnóstica do sistema educativo, e para poñer en marcha medidas correctoras que poidan supoñer unha mellora do sistema.

Achegamos aquí un documento explicativo no que poderedes informarvos de como vai ser a realización destas probaas e onde poderedes aclarar as dúbidas que poidades ter sobre este proceso.

En todo caso teremos tamén unha reunión presencial na que tentaremos aclarar todas as cuestións que queden sen resolver.

Información Avaldía by Quini Freixeiro on Scribd

Hoxe visitounos Paco Nogueiras e tivo unha, coma sempre que nos visita, marabillosa sesión de contacontos cos pequenos das dúas etapas do colexio: os de 3 anos de infantil e os de primeiro de primaria.

Como sempre cantamos con el, levamos o ritmo, e quedamos coas ganas de coller eses libros tan fenomenais para ler nas nosas casas.

Deixámovos aquí unha pequena reportaxe gráfica da sesión.

DINOCHILAS:

 -Cada semana levo unha Dinochila á miña casa. Cada unha ten 5 contos, para que a miña familia me lea un conto cada noite.

 -Coas Dinochilas pretendemos achegar @s nen@s aos contos, espertando a súa paixón pola lectura, á vez que comparte coa súa familia un momento de tranquilidade antes de durmir. Aconséllase o diálogo sobre cada relato, así como asegurarnos de que o nen@ comprende o argumento, facéndolle preguntas relacionadas coa historia que acabamos de compartir.

 Tamén se poden realizar outros xogos como buscar un novo final ao conto, describir obxectos, conversar sobre as actitudes dos personaxes, describir algún personaxe ou debuxo,…

 Pero a finalidade sempre será o goce pola lectura, así como crear un hábito lector dende o primeiro ano de escolarización d@s nen@s.

O vindeiro 8 de Marzo faremos unha nova edición da nosa marcha pola igualdade.

Percorreremos parte do casco urbano do Barco coas nosas camisetas estampadas por nós mesmos, e coma un remuíño de bolboretas lilas, asolagaremos a vila de mensaxes pola igualdade.

Ao remate da nosa andaina faremos unha merenda saudable na Praza Maior.

Así que marcha+merenda=merendaina!!!

Unídevos a nós nesta MERENDAINA reivindicativa para acadar un mundo máis xusto, igualitario e solidario.

Tamén fixemos este novo podcast coa intervención e as investigacións do alumnado de 4º de primaria

Hoxe dende o noso colexio quixemos realizar unha rendida homenaxe a Rosalía de Castro, a poeta que nos devolveu o idioma, que nos definiu como pobo, que retratou o mundo das mulleres...

Así que que mellor homenaxe que volver escoitar os seus poemas. O alumnado de 5ºA, daquela, preparou con Elisa un poema de Rosalía co que este ano encetamos a actividade de "os nosos autores en voz alta".

E desta preparación, e para que tod@s poidades desfrutar do mesmo poema, un par de rapazas da clase nos agasallaron coa lectura deste poema.

Cartel Matrícula Abierta by Quini Freixeiro on Scribd

Aínda que as previsións do tempo son bastante malas, nada vai parar as gañas de festa, as gañas de Entroido que temos.

Así que se temos que desfilar a cuberto, pois a cuberto será, pero.... DESFILAR DESFILAMOS!!!!

Aquí podedes ver algún dos disfraces que  andan a montar en infantil, e que, aínda que sexa no Entroido, nós seguimos apostando por unha alimentación saudable.

Hoxe o alumnado de 4º curso de primaria acudiu á sala de exposicións de Abanca para visitar unha mostra da obra de Castelao como debuxante.

Explicáronnos con moito detalle as características da obra deste noso artista, e todas e todos quedamos abraiados diante dos seus debuxos que tan ben retratan a alma do noso pobo.