Este mes levamos a cabo na aula un novo experimento. Como éramos tan poucos (porque algúns estaban enfermos) decidimos facelo as dúas aulas xuntas.

Como sempre o primeiro foi plantexar hipóteses do que pensabamos se podía facer co material que nos presentaron os profes. Que sucedería? Estouparía? Saería voando? Que pasos habería que seguir?

Para facer o experimento o primeiro era botar un pouco bicarbonato dentro do globo, usando un embudo.

E tamén un pouco de vinagre dentro da botella valeira.

Se pos o globo sobre a botella e lle das a volta... énchese el só de aire.

Cada quen plantexou a súa teoría de porque sucedía isto, chegamos á conclusión de que o bicarbonato fai que "apareza aire" cando se mestura co vinagre, porqeu tamén facía escuma.

Cada un dos tres equipos foi reproducindo o experimento seguindo os pasos, poñendose dacordo nas funcións de cada quen dentro do equipo. 

Tódolos equipos deron conseguido o resultado previsto.

Nesta ocasión tocoulles ós compañeiros de EI2 crear o vídeo deste experimento:

Podes ver os vídeos que imos facendo dos diferentes experimentos que levamos a cabo na aula no recanto de infantil, no apartado de vídeos > experimentos.

Ou directamente nesta ligazón:

https://www.edu.xunta.gal/centros/ceipcervinho/?q=node/2388

Como xa vos comentamos en entradas anteriores, estamos a descubrir diferentes "sabores do mundo", cociñando platos con diferentes ingredientes:

11/10/19: [Infantil xuntos] (2019-2020) Sabores do mundo: cociñamos o noso primeiro plato do curso: arroz 3 delicias

30/10/19: [Infantil xuntos] (2019-2020) Seguimos a descubrir os “sabores do mundo”: zumes e chulas de cabaza 

29/11/19: (2019-2020) Sabores do mundo: cociñamos e probamos novos pratos en novembro

Nas últimas semanas deste mes  "descubrimos novos sabores", cociñando os diferentes platos que che contamos de seguido.

Con cada unha das letras do noso "dicionario xigante" imos buscando un plato para cociñar de todo o mundo.

DOCE DE LEITE: Arxentina

Despois de ver un vídeo coa receita anotamos os ingredientes que iamos precisar, así como as cantidades dos mesmos.

Localizamos no mapa do mundo onde esta o país do que é tradicional.

Seguimos os pasos da receita para cociñar o prato.

Unha vez feito estaba listo para probalo.

FAJITAS: México

Para facer as faxitas  de México tivemos que "investigar" no paquete para saber canto tempo había que quentalas no forno, e os pasos para "doblalas"

Fomos seguindos os pasos da receita que xa miraramos nun vídeo, para traballar cos ingredientes que anotaramos no seu momento.

Por parellas fomos montando a nosa fajita cos ingredientes que máis nos gustaban, eso si probándoos todos antes.

Foi moi divertido comelas tamén por parellas :) 

GALLETAS DA SORTE: China

Despois ver un vídeo coa receita, de anotar os ingredientes e cantidades e de localizar nun mapa o país de orixe, puxémonos mans á obra.

Traballamos en dous equipos para facer a masa das galletas seguindo os pasos que tiñamos anotados.

Mentras agradabamos o tempo que indicaba a receita, que había que esperar fomos dictándolle ós profes o "desexo de sorte" que queríamos meter na nosa gallega. Controlamos o tempo que faltaba cun temporizador na pantalla.

Xa coa masa lista, preparamos as nosas gallegas en papel de forno.

Quedáronnos deliciosas.

 ç 

Fixemos tantas que ata puidemos convidar ós profes.

Despois de cada receita, e de probar o prato cociñado, anotamos no noso recetario do mundo o país, nome do prato e localizamos nun mapa o lugar onde se fai. Tamén pegamos unha fotografía do prato cociñado. 

No mes de decembro só estaba de aniversario o noso compañeiro ENZO. Como sempre engaríase de "organizar unha festa de celebración" na data que sinalamos no noso calendario online.

Escolleu a súa tarta preferida do libro de receitas para pedir na casa os ingredientes que farían falta.

Creamos unha camiseta de recordo asinada por tódolos compañeiros e compañeiras.

Como cando chegou a data de celebrar o aniversario, o homenaxeado estaba enfermo, e logo xa foron as vacacións, non puidemos facer a tarta e celebrar o aniversario ata este mes de xaneiro, cando voltamos ó colexio.

Seguindo os pasos da receita formos elaborando a fantástica tarta que escollera.

Tamén decorou a súa coroa de aniversario, indicando nela os anos que cumpría. 

Ó día seguinte, despois de ter a tarta toda a noite no frigorífico, chegou o momento da celebración. Onde lle cantamos a canción de "cumpreanos feliz" e puido sobrar as candeas. 

O homenaxeado foi repartindo tarta entre tódolos compañeiros e compañeiras...

Rematamos a celebración con patacas fritidas, gusanitos e zume.

A finais deste mes de xaneiro voltaremos a ter novos aniversarios. Se queres saber quenes serán os afortunados, non te perdas a entrada que publicaremos neste mesmo blogue chegado o momento. 

Como xa che contamos nunha entrada anterior, coa chegada do Nadal sucederon unha chea de cousas en Infantil:

(2019-2020) Chega o Nadal: decoramos o corredor, cociñamos turrón e enviamos unhas postais ás nosas casas

Ademais disto tamén participamos nunha videoconferencia con Santa Claus con quen puidemos falar, desde a biblioteca do Concello.

Alí estaba a televisión para facer unha reportaxe deste importante acontecemento ;) 

Todos e todas puidemos falar con Santa Claus gracias a cunha cámara que "conectaba" con "Laponia"

Comezamos a preparar as nosas actuacions para o festival de Nadal. 

Creamos o atrezzo que usaríamos no escenario da obra de teatro dos de 4 e 5 anos.

E tamén decoramos os capachos que usaríamos no baile dos de tres anos. 

Estivemos ensaiando durante varias semanas. Pasámolo xenial no escenario.

Mentras chegaba o "gran día" que estaba sinalado no noso calendario online, escribimos as nosas cartas a "Santa Claus, ós Reis Magos ou ó Apalpador"

E por fin chegou o gran día, todos estabamos listos para participar no Festival de Nadal coas nosas actuacións.

Fixémolo xenial, tanto o xoves ante os compañeiros e compañeiras, como o venres ante as nosas familias, participando xunto ós restantes nenos e nenas do centro.

Teatro: "A cea de Nadal da mosca Chosca" (4-5 anos)

Baile: Os ratiños (3 anos)

Podes voltar a ver as nosas actuacións, así como as dos restante compañeiros/as do colexio no seguinte vídeo.

"A cea de Nadal da Mosca chosca" (4-5 anos) 

"Os ratiños" (3 anos) 

Cando chegou o mes de decembro anotamos nos nosos calendarios online que, antes de rematar o trimestre, tería lugar o Festival de Nadal. 

Revisando as publicacións do curso pasado contámoslle ós novos compañeiros e compañeiras todo o que fixemos, así que chegou o momento de dedicir como iamos decorar o noso corredor.

Decidimos facer unha árbore de Nadal feita de tapóns, para o que tivemos que escribir unha nota pedíndoos ás nosas familias.

Con todos os que xuntamos fomos construíndo a nosa árbore xigante de Nadal, todo feito de tapóns, que logo entregaremos a unha ONG para que poida usalos para fins sociais.

Ó longo dos días, traballando todos xuntos, demos rematada a árbore ata que quedou así de fantástica.

Cada un dos equipos cooperativos das dúas aulas decidiu como quería facer o seu "adorno xigante para o corredor".

Creamos tamén cintas feitas de tapóns, para pendurar do teito xunto ós nosos adornos xigantes. 

Escribimos un cartel que desexaba un BO NADAL a todos os que entrasen no corredor de infantil. 

E así de xenial quedou o noso corredor con tódolos nosos adornos listos. Ata o dinosaurio acabou tendo espírito navideño.

Participamos coas nosas fotos nas árbores que estaban na entrada do centro.

Podes ver tódalas nosas fotos desde aquí.

Fotografías individuais para as árbores de Nadal 

Creamos as nosas postais de Nadal, escollendo entre os dous modelos posibles... unha vez rematada envaríamola ás nosas casas por correo.

Cada quen foi elaborando a súa postal seguindo os pasos precisos, incluíndo a mesma foto que usaramos para a árbore da entrada, para poñer no seu interior.

Tan só quedaba preparar o sobre, pegándolle un sello o enderezo da casa de cada un e o enderezo do colexio como remitente, na parte de atrás.

Con todo listo fómolas meter no buzón de correos que hai preto do colexio... tan só quedaba agardar a que as recibiramos nas nosas casas.

Aproveitamos a visita para mirar os adornos de Nadal que había preto de alí, no Concello.

Non nos esquencemos de cociñar e probar diferentes "sabores do mundo", nesta ocasión fixemos turrón duro e turrón brando, seguindo os pasos dunha receita. 

Tivemos que deixalo "endurecer" durante uns días...

... e finalmente puidemos probalos.

Pero ademais de todo isto, tamén participamos no Festival de Nadal cunhas actuacións e puidemos falar con Santa Claus nunha vídeoconferencia. Podes leelo de seguido:

(2019-2020) Falamos con Santa Claus e participamos no festival de Nadal con dúas actuacións. Xa podes velas!

Como xa vos comentamos en entradas anteriores, estamos a descubrir diferentes "sabores do mundo", cociñando platos con diferentes ingredientes:

11/10/19: [Infantil xuntos] (2019-2020) Sabores do mundo: cociñamos o noso primeiro plato do curso: arroz 3 delicias

30/10/19: [Infantil xuntos] (2019-2020) Seguimos a descubrir os “sabores do mundo”: zumes e chulas de cabaza 

Nas últimas semanas "descubrimos novos sabores", cociñando os diferentes platos que che contamos de seguido.

INGLESITOS:

Escribimos os nomes dos ingredientes que precisaríamos para facer a receita.

Cada quen elaborou e, por suposto, probou os inglesitos unha vez feitos.

OVOS RECHEOS: 

Descubrimos como os ovos, unha vez cocidos, cambian de cor e non rompen ó apretalos.

Pelamos os ovos, preparamos os difentes ingredientes e separamos as claras das xemas.

Creamos o recheo mesturando as xemas dos ovos con atún.

Cada quen "montou" os seus ovos recheos, e probou o resultado final.

UVAS EN ALMIBAR:

Aprendimos a facer "uvas en almibar" con uvas, auga e azucre.

Seguindo as indicacións da recieta, fomos controlando o temo ata que chegase a 5 minutos.

Levamos para casa cadansúas uvas en almibar.

SALSA BOLOÑESA:

Aprendimos a facer un prato típico de ITALIA, a salsa boloñesa que se emprega cos spaguetis.

Analizamos e descubrimos cales son os ingredientes que iamos empregar.

Seguindo as indicacións da receita fomos "triturando" os diferentes ingredientes da salsa, par mestrualos todos.

Tan só había que agardar a que se fixese.

Quedounos deliciosa... e todo o mundo se atreveu a probala, incluso os máis reticentes.

Despois de cociñar e probar cada un dos platos fomos engadíndoos no noso libro de "sabores do mundo", localizando  nun mapa a súa orixe. 

Aínda nos queda moito por cociñar nos vindeiros meses, irémolo contando en sucesivas entradas.

Como cada curso participamos na celebración do Magosto organizada no centro. 

Despois de mirar na web, como celebramos o Magosto curso pasado, para poder poñer ó día ós novos compeñeiros e compañeiras, comezamos preparar o noso "cesto para as castañas"

Quedaron moi simpáticas con patas e brazos.

Escribimos unha nota pedindo castañas ás nosas casas, para poder celebrar o Magosto.

Pouco a pouco, coa cooperación de tódolos compañeiros e compañeiras do colexio fomos xuntando unha chea de castañas. 

Despois de varios días de choiva, por fin chegou o día da celebración. Por mor do mal tempo tivemos que celebralo no colexio e facer os xogos no pavillón, e non cunha camiñada ata o monte, como facemos tódolos anos.

Participamos en diferentes xogos tradicionais galegos no pavillón, dirixidos polos compañeiros e compañeiras de sexto curso. 

Xogamos ó pano, ó aro, a unha carreira de canguros (porque os sacos eran moi grandes para nos), a tirar da corda e a encestar castañas.

 + 

Rematados os xogos degustamos as castañas asadas, meténdoas nos nosos cestos.

Pasámolo xenial

Nas aulas de infantil continuamos a traballar cos nosos robots, como xa che contamos nas seguintes entradas precedentes.

18/10/19: [Infantil xuntos] (2019-2020) Comezamos a traballar cos nosos robots: mira todo o que pode facer o Beebot

Nas últimas semanas estivemos explorando todo o que podían facer uns pequenos robots que se chaman "Ozobots", que os maiores xa coñecíamos do curso pasado.

Os ozobots seguen liñas de cores e, cunha serie de códigos podes facer que "fagan moitas cousas diferentes".

Despois dunhas sesións de exploración, conseguimos que fosen quen de "recorrer" toda unha palabra desde o comezo ata o fin. 

E por equipos tamén demos conseguido que percorrese as palabras que cada equipo decidira escribir. 

Había que ter coidado cos trazos que se facían, para que os ozobots "pudiesen velos cos seus ollos".

E por suposto había que poñerse dacordo para que todos traballásemos e participásemos.

Nas vindeiras semanas continuaremos traballando con outros robots na aula. Permanecede atentos a este mesmo blogue.

Tal como tiñamos anotado nos nosos calendarios online, estaba moi preto a data da celebración do Samaín, e aínda tiñamos moito que preparar para convertir o noso corredor nun lugar "terrorífico".

Queríamos construír unha cabaza xigante, pero ante tiñamos que medir canto papel precisaríamos.

Cun pouco de pintura laranxa, uns ollos vermellos, e uns sacos negros construímos unha cabaza xigante, na que podías entrar dentro, pola súa boca terrorífica.

Así de fantástica quedou, unha vez rematada.

Dentro da cabaza, no teito do corredor, penduramos unha chea de cabazas pequenas, que seguro que comera a xigante ;), feitas con globos e cinta negra.

Escribimos unha nota para pedir ás familias que nos axudaran a facer unha cabaza, para a exposición do colexio. 

Pouco a pouco fomos xuntando unha chea de cabazas terroríficas. 

Ata puxemos un cartel de "NON TOCAR" para a xente puidese miralas pero con moito coidado.

Creamos tamén a nosa propia cabaza terrorífica na clase, en realidade foron dúas. 

O primeiro foi deseñar como queríamos que fosen.

Traballando todos xuntos por quendas  demos creado uns calacús terroríficos.

E por fin chegou o día da celebración do Samaín... viñemos todos e todas disfrazados.

Ata o dinosario do corredor se converteu en vampiro ;)

Levamos as nosas cabazas ó lugar reservado na exposición, xunto coas que levaran os compañeiros e compañeiras dos outros cursos.

Así quedou a exposición de cabazas cando xuntamos as de todos os compañeiros e compañeiras do colexio.

Xunto ós restantes compañeiros e compañeiras do colexio, fomos pasando por diferentes obradoiros do Samaín.

Obradoiro de cociña terrorífica:

Obradoiro de manualidades: 

Onde fixemos unha pantasma arrepiante.

Tunel do terror e "contos de medo":

Aínda que o tunel non nos deu ningún medo, por certo ;)

Obradoiro do "fotomatón":

Onde cun chroma verde tomámonos fotografías con fondos terroríficos.

Podes ver de seguido tódalas fotografía que sacamos no fotomatón os de infantil.

FOTOGRAFÍAS DE INFANTIL (fai click nas imaxes para ver tódalas fotografías)

Tamén podes ver as fotografías de todo o centro na seguinte entrada:

30/10/19: (2019-2020) Xa dispoñibles as fotografías do Fotomatón dos obradoiros do Samaín. A ver se te atopas

Obradoiro de maquillaxe e votación das cabazas favoritas:

Mentras facían o reconto de votos, durante o recreo, trouxéronos a comida terrorífica, que fixeramos no primeiro obradoiro.

Xa á volta algúns recibimos un diploma de recordo...

E outras foron as cabazas máis votadas polos compañeiros e compañeiras. 

Velaquí as afortundas.

Antes de marchar, polo esforzo feito co noso traballo para facer unhas cabazas tan fantásticas, dérononos uns "ollos de chocolate"... estaba asquerosamente deliciosos. 

Moi pronto, no bloque de Dinamización do galego, nesta mesma web, poderedes atopar máis fotografías de todo o que fixeron os restantes cursos nos obradoiros do Samaín.

Pola nosa parte... pasámolo de medo. 

Como xa vos comentamos nunha entrada anterior, estamos a descubrir diferentes "sabores do mundo", cociñando platos con diferentes ingredientes:

11/10/19: [Infantil xuntos] (2019-2020) Sabores do mundo: cociñamos o noso primeiro plato do curso: arroz 3 delicias

Nas últimas semanas "descubrimos novos sabores" con zumes e cociñando "chulas de cabaza" coa chegada do Samaín.

ZUMES:

Con diferentes froitas e unha licuadora creamos os nosos propios zumes. 

Preparamos as diferentes froitas ata que as deixamos listas para meter na licuadora.

Cada quen foise encargando de mestruar as froitas para inventar novos "zumes". 

Estaban boísimos.

CHULAS DE CABAZA:

Coa chegada do Samaín cociñamos "chulas de cabaza", típicas de Galicia.

Despois de mesturar tódolos ingredientes seguindo a receita na batidora...

... xa estaba lista para meter no forno.

Despois de 30 minutos, que foi o que durou o recreo, xa estabamos listos para, con moldes monstruosos, crear as nosas chulas de cabaza, decoradas con boliñas de caramelo.

Estaban boísimas :)

Engadimos no noso "libro de sabores do mundo" estes dous novos platos que cociñamos, pero que de seguro non han de ser os últimos destes ano.